பரவசப்படுத்தும் ‘பயிர் ஓவியம்’

‘டேம்போ அடோ’ எனப்படும் இந்த விவசாய ஓவிய கலையை ஜப்பானிய விவசாயிகள் பின்பற்றி வருகிறார்கள். விவசாய பயிர்களை நான்கு, ஐந்து வகையான நிறங்களில் நடவு செய்வார்கள். அவை வளர்ந்து மகசூலை எட்டும்போது பார்ப்பதற்கு ஓவியம் வரைந்தது போன்று காட்சியளிக்கும். அதுபோன்று தனது விளை நிலங்களில் பயிர்கள் விளைவிப்பதை வழக்கமாக கொண்டிருக்கிறார், ஸ்ரீகாந்த். 64 வயதாகும் இவர் மகாராஷ்டிரா மாநிலம் புனேவை சேர்ந்தவர். விவசாயி, இயற்கை ஆர்வலர், எழுத்தாளர், வன விலங்கு புகைப்பட கலைஞர் என பல பரிணாமங்களை கொண்டவர்.

விவசாய குடும்பத்தை சேர்ந்தவரான ஸ்ரீகாந்த் 25 ஆண்டுகளாக விவசாயம் செய்து வருகிறார். கடந்த சில ஆண்டுகளாக ஜப்பானிய பாணியை பின்பற்றி பயிர்களை ஓவியங் களாக உருமாற்றுகிறார். இவருடைய பயிர் ஓவியங்களை பார்வையிடுவதற்காக நாட்டின் பல பகுதியில் இருந்தும் சுற்றுலா பயணிகள் வந்து செல்கிறார்கள். இவர் வசிக் கும் கிராமத்தில் 8 ஆயிரம் பேர் வசிக்கிறார்கள். ஆனால் இவர் விளை நிலத்தை பார்வையிட வருபவர்கள் எண்ணிக்கை ஆண்டுதோறும் லட்சங்களை கடந்து சென்று கொண்டிருக் கிறது.


ஸ்ரீகாந்தை போலவே அசாமை சேர்ந்த பிரஷித்குமார் என்ப வரும் பயிர்களை ஓவிய நிற அமைப்பில் விளைவிக்கிறார்.