மாவட்ட செய்திகள்

பல்வேறு துறைகளில் தமிழகம் முன்னோடி மாநிலமாக திகழ்கிறது, அமைச்சர் ஆர்.பி.உதயகுமார் பேச்சு + "||" + Tamil Nadu is a prelude state in various fields

பல்வேறு துறைகளில் தமிழகம் முன்னோடி மாநிலமாக திகழ்கிறது, அமைச்சர் ஆர்.பி.உதயகுமார் பேச்சு

பல்வேறு துறைகளில் தமிழகம் முன்னோடி மாநிலமாக திகழ்கிறது, அமைச்சர் ஆர்.பி.உதயகுமார் பேச்சு
சட்டம்–ஒழுங்கு, சமூகநலம் என பல்வேறு துறைகளில் தமிழகம் முன்னோடி மாநிலமாக திகழ்வதாக அமைச்சர் ஆர்.பி.உதயகுமார் கூறினார்.

சிவகங்கை,

அ.தி.மு.க. அம்மா பேரவையின் சார்பில் அரசின் சாதனை விளக்க சைக்கிள் பேரணி நடைபெற்று வருகிறது. தேவகோட்டையில் தொடங்கிய இந்த பேரணி காரைக்குடி, திருப்பத்தூர் வழியாக நேற்று சிவகங்கையை வந்தடைந்தது. சிவகங்கை நகர் எல்லையில் நகர செயலாளர் ஆனந்தன் தலைமையில் பேரணிக்கு வரவேற்பு அளிக்கப்பட்டது. பின்னர் சிவகங்கை அரண்மனை வாசலில் உள்ள சண்முகராஜா கலையரங்கத்தில் அ.தி.மு.க. அம்மா பேரவை சார்பில் பயனாளிகளுக்கு நலத்திட்ட உதவிகள் வழங்கும் விழா, அமைச்சர் பாஸ்கரன் தலைமையில் நடைபெற்றது. சிவகங்கை எம்.பி. செந்தில்நாதன் முன்னிலை வகித்தார். இதில் மாற்றுத்திறனாளிகள், ஆதரவற்றோர், விதவைகள் என 67 பேருக்கு நலத்திட்ட உதவிகளை அமைச்சர் ஆர்.பி.உதயகுமார் வழங்கினார்.

அதன்பிறகு அமைச்சர் ஆர்.பி.உதயகுமார் பேசியதாவது:– ஜெயலலிதா மறைவிற்கு பிறகு தமிழகத்தில் ஆட்சியை கலைத்துவிட்டு எப்படியாவது ஆட்சியை கைப்பற்றி விட வேண்டும் என்ற நோக்கத்தோடு பலரும் போராட்டங்களை நடத்தினர். அவர்களது கனவு பகல் கனவாகவே போனது. அத்தனை தடைகளையும் தகர்த்து, தற்போது அ.தி.மு.க. அரசு 18–வது மாதத்தில் அடியெடுத்து வைக்கிறது.

ஜெயலலிதாவின் தொலைநோக்கு திட்டத்தின் மூலம் நாட்டில் உள்ள மற்ற மாநிலங்களை விட தமிழகம் பொதுத்துறை, சட்டம்–ஒழுங்கு, சமூகநலம் என பல்வேறு துறைகளில் முன்னோடி மாநிலமாக திகழ்கிறது. இதன் காரணமாகவே சிறப்பான ஆட்சி நடைபெறும் மாநிலங்களில் தமிழகம் 2–ம் இடத்தை பிடித்துள்ளது. அரசின் சாதனையை ஏழை–எளிய மக்களிடம் கொண்டு சேர்க்க வேண்டும் என்பதற்காகவே இந்த சைக்கிள் பேரணி நடத்தப்படுகிறது. பாராளுமன்ற தேர்தல் கூட்டணி குறித்து அ.தி.மு.க. தலைமை முடிவெடுக்கும்.

இவ்வாறு அவர் கூறினார்.

இந்த கூட்டத்தில் முன்னாள் மத்திய கூட்டுறவு வங்கி தலைவர் முருகானந்தம், முன்னாள் மாவட்ட ஊராட்சி தலைவர் சிவதேவ்குமார், மாணவரணி செயலாளர் ராஜா உள்பட பலர் கலந்துகொண்டனர். அடுத்ததாக இந்த சைக்கிள் பேரணி மானாமதுரை சென்று, அதன்பிறகு பார்த்திபனூர் வழியாக ராமநாதபுரம் செல்கிறது.



தொடர்புடைய செய்திகள்

1. அரசு மருத்துவக்கல்லூரியில் ரூ.37¼ கோடியில் புதிய கட்டிடங்கள்; அமைச்சர் செல்லூர் ராஜூ தலைமையில் பூமிபூஜை
மதுரை அரசு மருத்துவக்கல்லூரியில் புதிய கட்டிடங்களுக்கான பூமி பூஜையை அமைச்சர் செல்லூர் ராஜூ தொடங்கி வைத்தார்.
2. 700 பெண்களுக்கு திருமண நிதி உதவி அமைச்சர் கே.டி.ராஜேந்திரபாலாஜி வழங்கினார்
700 பெண்களுக்கு தாலிக்கு தங்கம் மற்றும் திருமண நிதி உதவியை அமைச்சர் கே.டி.ராஜேந்திரபாலாஜி வழங்கினார்.
3. மாணவர்களுக்கு விலையில்லா சைக்கிள் அமைச்சர் மணிகண்டன் வழங்கினார்
மண்டபம் உள்பட 14 பள்ளிகளை சேர்ந்த மாணவ–மாணவிகளுக்கு தமிழக அரசின் விலையில்லா சைக்கிள்களை அமைச்சர் மணிகண்டன் வழங்கினார்.
4. 4 ஆயிரத்து 61 கிராமங்களுக்கு மின் இணைப்பு அமைச்சர் விஜயபாஸ்கர் பேட்டி
புதுக்கோட்டை மாவட்டத்தில் ஊராட்சி ஒன்றியங்களில் 4 ஆயிரத்து 61 கிராமங்களுக்கு மின் இணைப்பு வழங்கப்பட்டு உள்ளது என்று அமைச்சர் விஜயபாஸ்கர் கூறினார்.
5. கலப்படத்தில் ஈடுபடுபவர்களை தப்பிக்க விடாமல் தண்டனை வழங்க வேண்டும் - அமைச்சர் கே.டி.ராஜேந்திர பாலாஜி பேட்டி
கலப்படத்தில் ஈடுபடுபவர்களை தப்பிக்க விடாமல் தண்டனை வழங்க வேண்டும் அமைச்சர் கே.டி.ராஜேந்திர பாலாஜி பேட்டி கூறினார்.