மாவட்ட செய்திகள்

43 மயில்கள் சாகடிப்பு: குற்றவாளிகளை கண்டுபிடிக்க 12 பேர் கொண்ட குழு, வனத்துறை நடவடிக்கை + "||" + 43 peacock feeds: Group to find criminals

43 மயில்கள் சாகடிப்பு: குற்றவாளிகளை கண்டுபிடிக்க 12 பேர் கொண்ட குழு, வனத்துறை நடவடிக்கை

43 மயில்கள் சாகடிப்பு: குற்றவாளிகளை கண்டுபிடிக்க 12 பேர் கொண்ட குழு, வனத்துறை நடவடிக்கை
மதுரை கொடிக்குளத்தில் 43 மயில்கள் சாகடிக்கப்பட்ட விவகாரத்தில் குற்றவாளிகளை கண்டுபிடிக்க 12 பேர் கொண்ட குழு அமைத்து வனத்துறை நடவடிக்கை எடுத்துள்ளது.

மதுரை,

மதுரை கொடிக்குளம் கண்மாய் அருகே 43 மயில்கள் இறந்து கிடந்தன. வி‌ஷம் கலந்த நெற்கதிர்களை தின்றதால் தான் இந்த மயில்கள் இறந்ததாக வனத்துறையினர் நடத்திய முதல்கட்ட விசாரணையில் தெரியவந்தது. இறந்த மயில்கள் பரிசோதனை செய்யப்பட்டு மாட்டுத்தாவணி அருகே புதைக்கப்பட்டன. இருப்பினும் அதன் உடலில் இருந்து சில பாகங்கள் மட்டும் எடுக்கப்பட்டு பரிசோதனைக்காக பாதுகாக்கப்பட்டுள்ளன. மேலும் மயில்கள் இறந்து கிடந்த இடத்தின் அருகில் சிதறிய நெற்கதிர்களும் பரிசோதனை கூடத்திற்கு அனுப்பப்பட்டு ஆய்வு நடத்தப்பட்டு வருகிறது.

இந்த ஆய்வின் முடிவிலேயே மயில்கள் இறந்ததற்கான முழு காரணம் தெரியவரும். மேலும் இந்த முடிவுகளின் அடிப்படையில் தான் வனத்துறை வழக்குப்பதிவு செய்ய முடியும்.

மயில் தேசிய பறவை மட்டுமின்றி பாதுகாக்கப்பட்ட பறவை இனபட்டியலில் முதல் பிரிவில் இருக்கிறது. எனவே இதனை சாகடித்தவர்கள் மீது கடுமையான நடவடிக்கை எடுக்க வனத்துறை முடிவு செய்துள்ளது. இந்த மயில்கள் இறந்த சம்பவம் மதுரை மட்டுமின்றி இந்தியா முழுவதும் எதிரொலித்து உள்ளது. இதன்காரணமாக குற்றவாளிகளை விரைவில் கண்டுபிடிக்க வேண்டிய இக்கட்டான சூழ்நிலையில் மாவட்ட வனத்துறை உள்ளது.

இதையடுத்து மாவட்ட வன அலுவலர் தலைமையில் 12 பேர் கொண்ட குழு அமைக்கப்பட்டு உள்ளது. இந்த குழுவினர் சோதனை அறிக்கை வரும் வரை காத்திருக்காமல் நெல்லில் வி‌ஷம் கலந்தது யார் என்பது குறித்த விசாரணையை தொடங்கி உள்ளது. இதற்காக மயில்கள் இறந்த பகுதியில் யார், யார் வந்தார்கள் என்பது குறித்த விசாரணை தீவிரப்படுத்தப்பட்டுஉள்ளது.

இதற்கிடையில் மயில்கள் இறந்தது குறித்த முழு அறிக்கையை தர வேண்டும் என்று மாவட்ட வனத்துறைக்கு கலெக்டர் வீரராகவராவ் உத்தரவிட்டுள்ளார். இது குறித்து கலெக்டர் கூறும் போது, ‘‘43 மயில்கள் இறந்த விவகாரத்தில் உண்மையை கண்டறிய முழு அறிக்கை தர வேண்டும் என்று மாவட்ட வன அலுவலருக்கு உத்தரவிடப்பட்டுள்ளது. அவரது அறிக்கையின் அடிப்படையில் மாவட்ட நிர்வாகம் சார்பாக தொடர் நடவடிக்கை எடுக்கப்படும். மேலும் இதுபோன்ற சம்பவம் எதிர்காலத்தில் நடக்காமல் இருப்பதற்கான நடவடிக்கையும் மேற்கொள்ளப்படும்‘‘. என்றார்.



தொடர்புடைய செய்திகள்

1. இந்திய மீனவர்கள் எல்லை தாண்டுவதை தடுக்க செயற்கைகோள் ஏவப்படும்; விஞ்ஞானி மயில்சாமி அண்ணாதுரை தகவல்
இந்திய மீனவர்களின் எதிர்கால நலன் கருதி ஆழ்கடலில் மீன்வளத்தை கண்டறியவும், மீனவர்கள் எல்லை தாண்டுவதை தடுக்கவும் புதிய செயற்கைகோள் விண்ணில் ஏவப்படும் என்று இஸ்ரோ விஞ்ஞானி மயில்சாமி அண்ணாதுரை தெரிவித்தார்.
2. மயில், காட்டுப்பன்றி அட்டகாசத்தால் கரும்பு, சோளப்பயிர் சேதம் - குறை தீர்க்கும் கூட்டத்தில் விவசாயிகள் புகார்
நாகியம்பட்டி, வெள்ளையூர் பகுதிகளில் மயில், காட்டுப்பன்றி அட்டகாசத்தால் கரும்பு, சோளப்பயிர்கள் சேதம் அடைந்து உள்ளன என்று குறை தீர்க்கும் கூட்டத்தில் விவசாயிகள் புகார் கூறினர்.
3. பாம்பன் ரெயில் பாலத்தில் ரெயில் மோதி மயில்கள் இறந்து கடலில் விழுந்த பரிதாபம்
பாம்பன் ரெயில் பாலத்தில் ரெயில் மோதி மயில்கள் இறந்து கடலில் விழும் சம்பவம் நடந்து வருகிறது.
4. புதிய தொழில்கள் செய்யும் ஆற்றலை வளர்த்துக்கொள்ள வேண்டும் - விஞ்ஞானி மயில்சாமி அண்ணாதுரை
புதிய தொழில்கள் செய்யும் ஆற்றலை வளர்த்துக்கொள்ள வேண்டும் என்று கல்லூரி பட்டமளிப்பு விழாவில் விஞ்ஞானி மயில்சாமி அண்ணாதுரை கூறினார்.
5. புதுடெல்லியில் அடுத்த மாதம் ரஷ்ய மாணவர்களுடன் மனித வாழ்நாள் அதிகரிப்பது தொடர்பாக கலந்துரையாடல் - விஞ்ஞானி மயில்சாமி அண்ணாதுரை
மனித வாழ்நாளை அதிகரிப்பது தொடர்பாக புதுடெல்லியில் அடுத்த மாதம் ரஷ்ய நாட்டு மாணவர்களுடன் கலந்துரையாடல் நடைபெற உள்ளதாக விஞ்ஞானி மயில்சாமி அண்ணாதுரை கூறினார்.