மாவட்ட செய்திகள்

மோட்டார் வாகன சட்ட திருத்தத்திற்கு எதிர்ப்பு: தொழிற்சங்கங்கள் வேலை நிறுத்தம்–ஆர்ப்பாட்டம் + "||" + The trade unions strike - demonstration

மோட்டார் வாகன சட்ட திருத்தத்திற்கு எதிர்ப்பு: தொழிற்சங்கங்கள் வேலை நிறுத்தம்–ஆர்ப்பாட்டம்

மோட்டார் வாகன சட்ட திருத்தத்திற்கு எதிர்ப்பு: தொழிற்சங்கங்கள் வேலை நிறுத்தம்–ஆர்ப்பாட்டம்
மோட்டார் வாகன சட்டத்தை திருத்தம் செய்வதற்கு எதிர்ப்பு தெரிவித்து சிவகங்கை மற்றும் காரைக்குடியில் அனைத்து தொழிற்சங்கங்கள் சார்பில் ஆர்ப்பாட்டம் நடைபெற்றது.

சிவகங்கை,

மத்திய அரசின் மோட்டார் வாகன சட்டத்தை கார்ப்பரேட் நிறுவனங்களுக்கு ஆதரவாக திருத்தம் செய்வதை கண்டித்தும், அதற்கு எதிர்ப்பு தெரிவித்தும் சி.ஐ.டி.யூ. உள்பட அனைத்து தொழிற்சங்கங்கள் சார்பில் கண்டன ஆர்ப்பாட்டம் நடைபெற்றது. 4 கோடி மோட்டார் தொழிலாளர்களின் வாழ்வாதாரத்தை பறிக்கும் வகையில், மோட்டார் வாகன சட்டத்தை திருத்துவதை எதிர்த்து நேற்று மாவட்டம் முழுவதும் வேலைநிறுத்தம் நடைபெற்றது. இதனையொட்டி ஏராளமான ஆட்டோ ஓட்டுனர்கள் வேலைநிறுத்தத்தில் ஈடுபட்டனர்.

இந்த போராட்டத்தின் ஒரு பகுதியாக சிவகங்கையில் ஆர்ப்பாட்டம் நடந்தது. சி.ஐ.டி.யூ. மாவட்ட செயலாளர் வீரய்யா, ஓட்டுனர் பயிற்சி பள்ளி கூட்டமைப்பு சங்கத்தின் மாவட்ட செயலாளர் பாலச்சந்திரன் ஆகியோர் தலைமை தாங்கினர். இதில் சி.ஐ.டி.யூ. மாவட்ட தலைவர் உமாநாத், ஆட்டோ தொழிலாளர் சங்க மாவட்ட தலைவர் சசிவர்ணம், பொதுச் செயலாளர் விஜயகுமார், எல்.பி.எப். பொறுப்பாளர்கள் திருநாவுக்கரசு, ராஜாங்கம், சஞ்சய்காந்தி, குமரபிரசாத், நாகராஜ், அலாவூதின், மண்டல பொருளாளர் பிரபாகரன் உள்பட பலர் கலந்துகொண்டனர்.

இதேபோல் காரைக்குடியிலும் தனியார் வேன், கார், ஆட்டோ ஓட்டுனர் தொழிற்சங்கங்கள் வேலை நிறுத்தம் மற்றும் ஆர்ப்பாட்டத்தில் ஈடுபட்டனர். அதன்படி காரைக்குடி ஐந்து விளக்கு பகுதியில் ஆர்ப்பாட்டம் நடைபெற்றது. ஆர்ப்பாட்டத்திற்கு சி.ஐ.டி.யூ. அரசு போக்குவரத்து தொழிலாளர் சங்கத்தின் பொதுச் செயலாளர் சிவக்குமார் தலைமை தாங்கினார். ஏ.ஐ.டி.யூ.சி. மாநில துணை செயலாளர் ராமச்சந்திரன், கண்ணன், மார்க்சிஸ்ட் கம்யூனிஸ்டு தாலுகா செயலாளர் தட்சிணாமூர்த்தி, இருசக்கர வாகனங்கள் பழுதுநீக்குவோர் சங்க மாவட்ட தலைவர் சக்திவேல், ஆட்டோ தொழிலாளர் சங்க நிர்வாக வெங்கடேஷ் ஆகியோர் கலந்துகொண்டனர்.



தொடர்புடைய செய்திகள்

1. திருப்பூரில் சொத்துவரி உயர்வை கண்டித்து ம.தி.மு.க. சார்பில் 23–ந்தேதி கண்டன ஆர்ப்பாட்டம் நடக்கிறது
திருப்பூர் மாநகர் மாவட்ட ம.தி.மு.க. நிர்வாகிகள் கூட்டம் நேற்று நடைபெற்றது.
2. கோவையில் உள்ள மில்களில் 25–ந் தேதிக்குள் போனஸ் வழங்காவிட்டால் ஆர்ப்பாட்டம்
‘கோவை மாவட்டத்தில் உள்ள மில்களில் வருகிற 25–ந் தேதிக்குள் போனஸ் வழங்காவிட்டால் ஆர்ப்பாட்டம் நடத்தப்படும்’ என்று இந்திய கம்யூனிஸ்டு கட்சியின் முன்னாள் எம்.எல்.ஏ. ஆறுமுகம் எச்சரிக்கை விடுத்தார்.
3. கோரிக்கையை நிறைவேற்ற வலியுறுத்தி தொழிற்சங்கத்தினர் ஆர்ப்பாட்டம்
5 அம்ச கோரிக்கைகளை நிறைவேற்ற வலியுறுத்தி அனைத்து மத்திய தொழிற்சங்கங்கள் சார்பாக திருவள்ளூர் ரெயில் நிலையம் அருகே கண்டன ஆர்ப்பாட்டம் நடைபெற்றது.
4. மார்க்சிஸ்ட் கம்யூனிஸ்டு ஆர்ப்பாட்டம்
சிவகாசியில் சொத்து வரியை உயர்த்தி அறிவிப்பு செய்த நகராட்சி நிர்வாகத்தை கண்டித்து மார்க்சிஸ்ட் கம்யூனிஸ்ட் கட்சியின் சார்பில் கண்டன ஆர்ப்பாட்டம் நடைபெற்றது.
5. தீபாவளிக்கு ரூ.5 ஆயிரம் வழங்கக்கோரி கட்டிட தொழிலாளர்கள் ஊர்வலம்– ஆர்ப்பாட்டம்
தீபாவளி பண்டிகைக்கு ரூ.5 ஆயிரம் உதவித்தொகை வழங்கக்கோரி கட்டிட தொழிலாளர்கள் ஊர்வலமாக சென்று ஆர்ப்பாட்டம் நடத்தினார்கள்.