மாவட்ட செய்திகள்

நெடுஞ்சாலை, பொதுப்பணித்துறை சார்பில் நடைபெறும் வளர்ச்சி திட்டப்பணிகள்; கலெக்டர் ஆய்வு + "||" + Development projects; Collector survey

நெடுஞ்சாலை, பொதுப்பணித்துறை சார்பில் நடைபெறும் வளர்ச்சி திட்டப்பணிகள்; கலெக்டர் ஆய்வு

நெடுஞ்சாலை, பொதுப்பணித்துறை சார்பில் நடைபெறும் வளர்ச்சி திட்டப்பணிகள்; கலெக்டர் ஆய்வு
நெடுஞ்சாலை மற்றும் பொதுப்பணித்துறையின் சார்பில் நடைபெற்று வரும் வளர்ச்சி திட்டப்பணிகளை கலெக்டர் லதா ஆய்வு செய்து, பணிகளை விரைந்து முடிக்க அதிகாரிகளை அறிவுறுத்தினார்.

சிவகங்கை,

சிவகங்கை மாவட்டத்தில் நெடுஞ்சாலைத்துறை மற்றும் பொதுப்பணித்துறையின் மூலம் மேற்கொள்ளப்பட்டு வரும் வளர்ச்சி திட்டப்பணிகளை கலெக்டர் லதா நேரில் பார்வையிட்டு திடீர் ஆய்வு மேற்கொண்டார். அவர் குன்றக்குடி முதல் காரைக்குடி வரை செல்லும் மாநில நெடுஞ்சாலையில், நெடுஞ்சாலைத்துறையின் மூலம் மேற்கொள்ளப்படும் தார்ச்சாலை சீரமைக்கும் பணிகளை ஆய்வு செய்தார். இதனைத்தொடர்ந்து பாதரக்குடியில் இருந்து காரைக்குடி வரை தார்ச்சாலை சீரமைக்கப்படும் பணிகளையும், அரியக்குடியில் இருந்து காரைக்குடி வரையிலான சாலையை சீரமைத்து இருபக்கவாட்டிலும் கிராவல் மண் பரப்பப்பட்டு புனரமைக்கப்பட்டு உள்ளதையும் கலெக்டர் ஆய்வு செய்து, பணிகளை விரைந்து முடிக்குமாறு அதிகாரிகளை அறிவுறுத்தினார். அப்போது பணிகளின் தன்மை குறித்து கேட்டறிந்ததுடன், ஒவ்வொரு இடத்திலும் சாலையின் கரையோர பகுதியில் பரப்பப்பட்டுள்ள மண் கொள்ளளவு மற்றும் தார்ச்சாலையில் கலவை பொருட்களின் அளவீடு குறித்தும் ஆய்வு செய்தார்.

பின்னர் காரைக்குடி நகராட்சி உயர்நிலைப்பள்ளி மற்றும் திருவேலங்குடி உயர்நிலைப்பள்ளியில் அனைவருக்கும் இடைநிற்றல் கல்வி திட்டத்தின்கீழ் மாணவ–மாணவிகள் பயன்பெறும் வகையில் தலா ரூ.1 கோடியே 60 லட்சம் மதிப்பீட்டில் புதிதாக கட்டப்பட்டு வரும் கூடுதல் பள்ளி கட்டிடத்தையும் கலெக்டர் பார்வையிட்டு ஆய்வு செய்தார்.

இந்த ஆய்வின்போது, நெடுஞ்சாலைத்துறை கோட்ட பொறியாளர் மோகனகாந்தி, செயற்பொறியாளர் தமிழகன், பொதுப்பணித்துறை(கட்டிடங்கள்) செயற்பொறியாளர் கண்ணன் மற்றும் அதிகாரிகள் உடனிருந்தனர்.



தொடர்புடைய செய்திகள்

1. தாம்பரம் சானடோரியம் ‘மெப்ஸ்’ வளாகத்தில் மாவட்ட கலெக்டர் திடீர் ஆய்வு
தாம்பரம் சானடோரியத்தில் உள்ள ‘மெப்ஸ்’ வளாகத்தில் காஞ்சீபுரம் மாவட்ட கலெக்டர் பொன்னையா திடீரென ஆய்வு செய்தார்.
2. கொசுக்கள் உற்பத்தியாகும் வகையில் வீடுகள் இருந்தால் கடும் நடவடிக்கை; திருவள்ளூர் மாவட்ட கலெக்டர் எச்சரிக்கை
கொசுக்கள் உற்பத்தியாகும் வகையில் வீடுகள், வணிக வளாகங்கள் இருந்தால் கடும் நடவடிக்கை எடுக்கப்படும் என்று திருவள்ளூர் மாவட்ட கலெக்டர் மகேஸ்வரி ரவிக்குமார் எச்சரிக்கை விடுத்துள்ளார்.
3. காஞ்சீபுரம் மாவட்டத்தில் பழுதடைந்த அரசு தொகுப்பு வீடுகளை புதுப்பிக்க விண்ணப்பிக்கலாம்; காஞ்சீபுரம் மாவட்ட கலெக்டர் தகவல்
காஞ்சீபுரம் மாவட்டத்தில் பழுதடைந்த அரசு தொகுப்பு வீடுகளை புதுப்பிக்க விண்ணப்பிக்கலாம் என்று கலெக்டர் பொன்னையா தெரிவித்துள்ளார்.
4. 100 அடி உயர மேல்நிலை நீர்த்தேக்க தொட்டி மீது ஏறி கலெக்டர் ஆய்வு
கரூரில் 100 அடி உயரமுள்ள மேல்நிலை நீர்த்தேக்க தொட்டியின் மீது ஏறி மாவட்ட கலெக்டர் அன்பழகன் ஆய்வு மேற்கொண்டார்.
5. ஈரோடு மாவட்டத்தில் சொட்டுநீர் பாசனம் அமைக்க 50 சதவீத மானியம்; கலெக்டர் கதிரவன் தகவல்
ஈரோடு மாவட்டத்தில் சொட்டுநீர் பாசனம் அமைக்க 50 சதவீத மானியம் வழங்கப்படும் என்று கலெக்டர் கதிரவன் தெரிவித்து உள்ளார்.