மாவட்ட செய்திகள்

வருவாய், பயணிகள் வருகை குறைவு: மாந்துறை ரெயில் நிலையத்தை மூட முடிவு + "||" + Revenue and passenger arrivals are low: Mantra Railway Station

வருவாய், பயணிகள் வருகை குறைவு: மாந்துறை ரெயில் நிலையத்தை மூட முடிவு

வருவாய், பயணிகள் வருகை குறைவு: மாந்துறை ரெயில் நிலையத்தை மூட முடிவு
வருவாய் மற்றும் பயணிகள் வருகையின் குறைவு காரணமாக மாந்துறை ரெயில் நிலையத்தை மூட நிர்வாகம் முடிவு செய்துள்ளதாக ரெயில்வே வட்டாரத்தில் தெரிவித்தனர்.
திருச்சி,

ரெயில்வேயில் பயணிகள் ரெயில்கள் மட்டும் நின்று செல்லக்கூடிய வகையில் சிறிய ரெயில் நிலையங்கள் பல உள்ளன. இதில் போதுமான வருவாய் இல்லாத ரெயில் நிலையங்களை ரெயில்வே நிர்வாகம் மூடி வருகிறது.

அந்த வகையில் திருச்சி கோட்டத்தில் சிறிய ரெயில் நிலையங்களில் பயணிகள் வருகை மற்றும் வருவாய் எந்த சிறிய ரெயில் நிலையங்களில் குறைவாக இருக்கிறது என்பதை கடந்த சில மாதங்களாக அதிகாரிகள் கணக்கிட்டு வந்தனர். இதில் சில ரெயில் நிலையங்களில் வருவாய் மற்றும் பயணிகள் வருகை மிக குறைவாக இருப்பது தெரியவந்துள்ளது. இது குறித்து தெற்கு ரெயில்வே தலைமை அதிகாரிகளுக்கு திருச்சி கோட்ட ரெயில்வே அதிகாரிகள் கடிதம் எழுதினர்.


இந்த நிலையில் திருச்சி மாவட்டம் லால்குடி அருகே உள்ள மாந்துறை ரெயில் நிலையத்தை மூட ரெயில்வே நிர்வாகம் முடிவு செய்துள்ளது. இது குறித்து ரெயில்வே அதிகாரிகள் கூறியதாவது:-

மாந்துறை ரெயில் நிலையத்திற்கு பயணிகள் வருகை மிகவும் குறைவாக இருக்கிறது. பயணிகள் வருகை இல்லாததால் வருவாயும் குறைந்துள்ளது. இதனால் அந்த ரெயில் நிலையத்தை மூட முடிவு செய்யப்பட்டுள்ளன. மாந்துறை ரெயில் நிலையத்தில் திருச்சி-லால்குடி இடையே இயக்கப்படும் பயணிகள் ரெயில் (வ.எண் 76803/76804), திருச்சி-விருத்தாசலம் பயணிகள் ரெயில் (வ.எண்76846/76845), சனிக்கிழமைகளில் மட்டும் இயக்கப்படும் திருச்சி- லால்குடி பயணிகள் ரெயில் (வ.எண் 76800) ஆகியவை மட்டும் நின்று செல்கிறது.

திருச்சி-லால்குடி பயணிகள் ரெயில் சேவை கடந்த சில நாட்களாக ரத்து செய்யப்பட்டுள்ளது. விருத்தாசலம் பயணிகள் ரெயில் மட்டும் தினமும் நின்று செல்கிறது. அந்த ரெயிலையும் பயன்படுத்தும் பயணிகளின் எண்ணிக்கை குறைவாக உள்ளது. இதனால் மாந்துறை ரெயில் நிலையம் மூடப்பட உள்ளது. இதற்கான அறிவிப்பு விரைவில் வெளியிடப்படும். இவ்வாறு அவர்கள் கூறினர். 


தொடர்புடைய செய்திகள்

1. வேப்பூர் அருகே: தண்டவாளத்தை சேதப்படுத்தி ரெயிலை கவிழ்க்க சதியா? போலீசார் விசாரணை
வேப்பூர் அருகே தண்டவாளத்தை சேதப்படுத்தி ரெயிலை கவிழ்க்க சதி நடந்துள்ளதாக தெரிகிறது. இது பற்றி போலீசார் விசாரணை நடத்திவருகின்றனர். இந்த சம்பவம் பற்றிய விவரம் வருமாறு:-
2. கோவை எக்ஸ்பிரஸ் ரெயிலுக்கு வெடிகுண்டு மிரட்டல்; வாலிபர் கைது
சொந்த ஊருக்கு செல்ல ரெயிலுக்கு நேரமாகி விட்டதால், ரெயில் புறப்படும் நேரத்தை தாமதப்படுத்துவதற்காக கோவை எக்ஸ்பிரஸ் ரெயிலில் வெடிகுண்டு இருப்பதாக மிரட்டல் விடுத்த வாலிபரை போலீசார் கைது செய்தனர்.
3. கால்வாயில் ஆட்டோ பாய்ந்து ஓய்வுபெற்ற ரெயில்வே அதிகாரி பலி
திருப்பரங்குன்றம் அருகே கால்வாயில் ஆட்டோ பாய்ந்ததில் ரெயில்வே அதிகாரி பரிதாபமாக உயிரிழந்தார்.
4. மேற்கூரை உடைந்து விழுந்து ரெயில்வே ஊழியர் பலி
காரைக்குடி அருகே மேற்கூரை உடைந்து விழுந்து ரெயில்வே ஊழியர் பலியானார்.
5. ரெயில்வே சுரங்கப்பாதையில் வெள்ளம் சூழ்ந்தது; கிராம மக்கள் சாலை மறியல்
ராமநாதபுரத்தில் கிராமங்களில் அமைக்கப்பட்ட ரெயில்வே சுரங்க பாதையில் வெள்ளம் சூழ்ந்ததால் கிராம மக்கள் மறியலில் ஈடுபட்டனர். கலெக்டர் நேரில் வந்து உடனடியாக நடவடிக்கை எடுத்ததால் மறியல் கைவிடப்பட்டது.