மாவட்ட செய்திகள்

கருணாநிதி மரணத்தால் அதிர்ச்சி: மேலும் ஒரு தி.மு.க. தொண்டர் சாவு + "||" + Karunanidhi Death Shocking: Also a DMK volunteer death

கருணாநிதி மரணத்தால் அதிர்ச்சி: மேலும் ஒரு தி.மு.க. தொண்டர் சாவு

கருணாநிதி மரணத்தால் அதிர்ச்சி: மேலும் ஒரு தி.மு.க. தொண்டர் சாவு
கருணாநிதி மரணம் அடைந்த அதிர்ச்சியால் மேலும் ஒரு தி.மு.க. தொண்டர் உயிர் இழந்தார்.
சென்னை,

சென்னை வியாசர்பாடி கல்யாணபுரத்தைச் சேர்ந்தவர் பரசுராமன் (வயது 45). கூலி தொழிலாளி. இவர் சிறுவயது முதலே தி.மு.க. மீது தீவிர பற்று கொண்டிருந்தார். தி.மு.க. தலைவர் கருணாநிதி காவேரி மருத்துவமனையில் அனுமதிக்கப்பட்டது முதல் பரசுராமன் சோகத்துடன் இருந்து வந்தார்.


இந்த நிலையில் நேற்று முன்தினம் கருணாநிதியின் உடல்நிலை கவலைக்கிடமாக இருப்பதாக தொலைக்காட்சிகளில் செய்தி வெளியானதால் பரசுராமன் வேலைக்கு செல்லாமல் வீட்டிலேயே இருந்ததாக கூறப்படுகிறது. கருணாநிதியின் உடல்நிலை மிகவும் கவலைக்கிடம் என்ற செய்தியை தொலைக்காட்சியில் பார்த்து, கண்ணீர் விட்டு அழுதார்.

அவருடைய குடும்பத்தினர் அவரை ஆறுதல்படுத்தி உள்ளனர். இருந்தபோதிலும் பரசுராமன் சோகமாகவே இருந்தார். நேற்று முன்தினம் மாலை கருணாநிதி மரணம் அடைந்தார் என்ற செய்தியை கேள்விப்பட்டதும் பரசுராமன் கடும் அதிர்ச்சி அடைந்தார்.

அப்போது அவர் தனக்கு நெஞ்சு வலிப்பதாக கூறினார். இதனால் பதறிப்போன அவரது குடும்பத்தினர் உடனடியாக அவரை அருகில் உள்ள மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்தனர். பரசுராமனுக்கு மனைவி, 2 மகன்கள், ஒரு மகள் உள்ளனர்.

கருணாநிதி மரணமடைந்த செய்தியை கேட்டு ஏற்கனவே தி.மு.க. தொண்டர்கள் 6 பேர் உயிர் இழந்தனர் என்பது குறிப்பிடத்தக்கது.


தொடர்புடைய செய்திகள்

1. மேகதாது அணை விவகாரம்: சபாநாயகர் அலுவலகத்தில் திடீர் தர்ணா
மேகதாது அணை விவகாரத்தில் மத்திய அரசின் அனுமதியை ரத்துசெய்யக்கோரி தீர்மானம் நிறைவேற்ற சிறப்பு சட்டமன்றத்தை கூட்டுமாறு சபாநாயகர் அலுவலகத்தில் அ.தி.மு.க.- தி.மு.க. எம்.எல்.ஏ.க்கள் திடீரென்று தர்ணா போராட்டத்தில் ஈடுபட்டனர்.
2. தேர்தலை கண்டு அ.தி.மு.க., தி.மு.க. அஞ்சுகின்றன - பிரேமலதா விஜயகாந்த்
தேர்தலை கண்டு அ.தி.மு.க., தி.மு.க. கட்சிகள் அஞ்சுகின்றன என பிரேமலதா விஜயகாந்த் தெரிவித்தார்.
3. சாலைகளை சீரமைக்கக்கோரி நாகர்கோவில் நகராட்சி முன் தி.மு.க.வினர் ஆர்ப்பாட்டம்
நாகர்கோவிலில் சாலைகளை சீரமைக்கக்கோரி நகராட்சி அலுவலகம் முன் தி.மு.க.வினர் ஆர்ப்பாட்டம் நடத்தினார்கள். இதில் ஏராளமானோர் கலந்து கொண்டனர்.
4. காரைக்கால் பட்டமேற்படிப்பு மையத்துக்கு கருணாநிதி பெயர் சூட்ட அரசாணை வெளியீடு; தி.மு.க. பாராட்டு
காரைக்கால் பட்ட மேற்படிப்பு மையத்துக்கு கருணாநிதி பெயர் சூட்டுவது குறித்து அரசாணை வெளியிட்டதற்கு தி.மு.க. பாராட்டு தெரிவித்துள்ளது.
5. குன்னூரில் கோரிக்கைகளை வலியுறுத்தி பி.எஸ்.என்.எல். ஊழியர்கள் ஊர்வலம்
குன்னூரில் பி.எஸ்.என்.எல். ஊழியர்கள் கோரிக்கைகளை வலியுறுத்தி ஊர்வலம் சென்றனர்.