மாவட்ட செய்திகள்

ஊத்துக்கோட்டை அருகே கொலை செய்யப்பட்டு கிடந்தவர்கள் அடையாளம் தெரிந்தது + "||" + Those killed were found near Uthukkottai

ஊத்துக்கோட்டை அருகே கொலை செய்யப்பட்டு கிடந்தவர்கள் அடையாளம் தெரிந்தது

ஊத்துக்கோட்டை அருகே கொலை செய்யப்பட்டு கிடந்தவர்கள் அடையாளம் தெரிந்தது
காட்டுப்பகுதியில் கழுத்தை அறுத்து கொலை செய்யப்பட்டு கிடந்த 2 பேரும் காஞ்சீபுரம் மாவட்டத்தை சேர்ந்த ரவுடிகள் என்று அடையாளம் காணப்பட்டது.
செங்குன்றம்,

ஊத்துக்கோட்டை அருகே உள்ள செங்கரை பகுதியில் புகழ்பெற்ற காட்டு செல்லிஅம்மன் கோவில் உள்ளது. இந்த கோவில் பின்புறத்தில் அடர்ந்த காடு உள்ளது. நேற்றுமுன்தினம் காலை இந்த காட்டு பகுதியில் 2 பேர் கழுத்து அறுபட்ட நிலையில் பிணமாக கிடந்தனர். கொலை செய்யப்பட்ட அவர்கள் யார் என்று உடனடியாக தெரியவில்லை.


திருவள்ளூர் மாவட்ட போலீஸ் சூப்பிரண்டு பொன்னி சம்பவ இடத்தை பார்வையிட்டார். கொலையாளிகளை பிடிக்க தனி போலீஸ் படை அமைக்கப்பட்டது.

போலீஸ் விசாரணையில் கொலையுண்டவர்களின் அடையாளம் தெரிந்தது. ஒருவர் காஞ்சீபுரம் மாவட்டம் ஊரப்பாக்கம் செல்லியம்மன் நகர் காந்தி தெருவை சேர்ந்த கோபால் என்பவரது மகன் விக்கி என்கின்ற விக்னேஷ் (வயது 22) என்பதும், மற்றொருவர் காஞ்சீபுரம் மாவட்டம் ஓட்டேரி அறிஞர் அண்ணா காலனி நேரு தெருவை சேர்ந்த கிருஷ்ணன் என்பரது மகன் சத்யா (22) என்பதும் விசாரணையில் தெரிய வந்தது. விக்னேஷ் மற்றும் சத்யா ஆகியோர் மீது காஞ்சீபுரம் மாவட்டத்தில் உள்ள போலீஸ் நிலையங்களில் 25-க்கும் மேற்பட்ட வழிப்பறி, திருட்டு வழக்குகள் பதிவு செய்யபட்டுள்ளது.

இவர்கள் பிரபல ரவுடி கும்பலை சேர்ந்தவர்கள் என்றும் போலீசார் தெரிவித்தனர். அவர்களை கொலை செய்தவர்கள் யார் எதற்காக கொலை செய்யப்பட்டனர்? என்பது குறித்து போலீசார் தீவிர விசாரணை நடத்தி வருகின்றனர். கொலையாளிகளை விரைவில் பிடித்து விடுவோம் என்று போலீசார் உறுதி அளித்தனர்.


தொடர்புடைய செய்திகள்

1. அமெரிக்கா மீது வெனிசூலா அதிபர் பரபரப்பு குற்றச்சாட்டு ‘என்னை கொலை செய்ய சதி செய்கிறது’
தென் அமெரிக்க நாடுகளில் ஒன்றான வெனிசூலாவில் கடும் பொருளாதார நெருக்கடி நிலவுகிறது. இதன் காரணமாக கடந்த 2014–ம் ஆண்டு முதல் சுமார் 20 லட்சம் மக்கள் அந்நாட்டை விட்டு வெளியேறி விட்டனர்.
2. வாகன சோதனையின்போது போலீஸ் சப்–இன்ஸ்பெக்டருக்கு கொலை மிரட்டல் விடுத்த ரவுடி கைது
வாகன சோதனையின்போது போலீஸ் சப்–இன்ஸ்பெக்டரை கத்தியால் குத்தி கொலை செய்து விடுவதாக மிரட்டல் விடுத்த ரவுடியை போலீசார் கைது செய்தனர்.
3. தி.மு.க. மாவட்ட பொறுப்பாளருக்கு கொலை மிரட்டல் விடுத்தவர் கைது
ராமநாதபுரத்தில் தி.மு.க. மாவட்ட பொறுப்பாளருக்கு கொலை மிரட்டல் விடுத்தவர் கைது செய்யப்பட்டார்.
4. அருப்புக்கோட்டை பரோட்டா மாஸ்டர் கொலை வழக்கில் மனைவி – கள்ளக்காதலன் உள்பட 3 பேருக்கு ஆயுள் தண்டனை
அருப்புக்கோட்டையில் பரோட்டா மாஸ்டரை கொலை செய்த மனைவி மற்றும் அவரது கள்ளக்காதலன் உள்பட 3 பேருக்கு ஆயுள் தண்டனை விதித்து ஸ்ரீவில்லிபுத்தூர் கோர்ட்டு தீர்ப்பு கூறியது.
5. மார்பிங் செய்து வீடியோ வெளியீடு பிற சாதி பெண்களை இழிவு படுத்தி பேசியவர் கொலையா? போலீஸ் சூப்பிரண்டு பேட்டி
பிற சாதி பெண்களை இழிவு படுத்தி பேசியவர் கொலை செய்யப்பட்டாரா? என்பது குறித்து போலீஸ் சூப்பிரண்டு பொன்னி பேட்டி அளித்தார்.