மாவட்ட செய்திகள்

மணல் கடத்தலில் ஈடுபட்ட வாலிபர் குண்டர் சட்டத்தில் கைது + "||" + Arrested in the thugs of sand smuggling

மணல் கடத்தலில் ஈடுபட்ட வாலிபர் குண்டர் சட்டத்தில் கைது

மணல் கடத்தலில் ஈடுபட்ட வாலிபர் குண்டர் சட்டத்தில் கைது
பண்ருட்டி அருகே மணல் கடத்தலில் ஈடுபட்ட வாலிபர் குண்டர் சட்டத்தில் கைது செய்யப்பட்டார்.
கடலூர், 

பண்ருட்டி அருகே உள்ள எழுமேடு கிராம நிர்வாக அலுவலர் மாயவன் மற்றும் கிராம உதவியாளர்கள் மணல் கடத்தலை தடுக்கும் வகையில் வலையகாரகுப்பம் மண்டபத்துக்கு அருகே கண்காணிப்பு பணியில் ஈடுபட்டனர். அப்போது அந்த வழியாக கெடிலம் ஆற்றில் இருந்து மணல் கடத்தி வந்த டிப்பர் லாரியை நிறுத்தி சோதனை செய்தனர். இதனால் ஆத்திரமடைந்த லாரி டிரைவரான கண்டரக்கோட்டை மாரியம்மன் கோவில்தெருவை சேர்ந்த சாமிதுரை மகன் புஷ்பநாதன் என்கிற கொய்யாப்பழம்(வயது 24) என்பவர், கிராம நிர்வாக அலுவலர் மாயவன் மற்றும் கிராம உதவியாளர்களை திட்டி கொலை மிரட்டல் விடுத்தார். இது குறித்து கிராம நிர்வாக அலுவலர் மாயவன் கொடுத்த புகாரின் பேரில் பண்ருட்டி போலீஸ் சப்-இன்ஸ்பெக்டர் லூயிஸ்ராஜ் வழக்கு பதிவுசெய்து புஷ்பநாதனை கைது செய்து கடலூர் மத்திய சிறையில் அடைத்தனர். மேலும் புஷ்பநாதன் மீது பண்ருட்டி போலீஸ் நிலையத்தில் 2 மணல் கடத்தல் வழக்குகளும், ஒரு கொலை முயற்சி வழக்கும் நிலுவையில் உள்ளன. இவர் தொடர்ந்து குற்ற செயலில் ஈடுபட்டு வருவதால் அதை தடுக்கும் வகையில் புஷ்பநாதனை குண்டர் சட்டத்தில் கைதுசெய்ய மாவட்ட போலீஸ் சூப்பிரண்டு சரவணன் கலெக்டருக்கு பரிந்துரை செய்தார். இதை ஏற்ற கலெக்டர் தண்டபாணி, புஷ்பநாதனை குண்டர் சட்டத்தில் கைது செய்ய உத்தரவிட்டார். இதையடுத்து அவரை போலீசார் குண்டர் சட்டத்தில் கைது செய்தனர். அதற்கான உத்தரவு நகல் கடலூர் மத்திய சிறையில் உள்ள புஷ்பநாதனிடம் சிறை அதிகாரி மூலம் வழங்கப்பட்டது. 


தொடர்புடைய செய்திகள்

1. ஜவுளிக்கடையில் திருடிய கேரள வாலிபர்கள் கைது
புதுவையில் ஜவுளிக்கடையில் திருடிய கேரள வாலிபர்கள் 2 பேரை போலீசார் கைது செய்தனர்.
2. தக்கலை பஸ்நிலையத்தில் கல்லூரி மாணவியிடம் சில்மி‌ஷம்; போதை வாலிபர் கைது
தக்கலை பஸ்நிலையத்தில் மாணவியிடம் மதுபோதையில் சில்மி‌ஷம் செய்த வாலிபரை பயணிகள் தர்ம அடி கொடுத்து போலீசில் ஒப்படைத்தனர். போலீசார் அவரை கைது செய்து விசாரணை நடத்தி வருகிறார்கள்.
3. கள்ளக்காதல் விவகாரத்தில் வாலிபர் அடித்துக் கொன்ற வழக்கில் பெண் உள்பட 4 பேர் கைது
கலசபாக்கம் அருகே கள்ளக்காதல் விவகாரத்தில் வாலிபரை அடித்து கொலை செய்து உடலை நிர்வாணமாக்கி கிணற்றில் வீசி சென்ற பெண் உள்பட 4 பேரை போலீசார் கைது செய்தனர்.
4. நாகர்கோவிலில் செல்போன் வாங்குவது போல் நடித்து, திருடிய வாலிபர் கைது
நாகர்கோவிலில் செல்போன் வாங்குவது போல் நடித்து, 2 செல்போன்களை திருடிய வாலிபரை போலீசார் கைது செய்தனர்.
5. கும்மிடிப்பூண்டி அருகே மோட்டார் சைக்கிள் திருட்டு வழக்கில் 4 பேர் கைது
கும்மிடிப்பூண்டி அருகே மோட்டார் சைக்கிள் திருட்டு வழக்கில் தொடர்புடைய 4 பேரை போலீசார் கைது செய்தனர்.