மாவட்ட செய்திகள்

குழந்தைகள் மற்றும் பள்ளி, கல்லூரி மாணவ–மாணவிகளுக்கு குடற்புழு ஒழிப்பு மாத்திரை இன்று வழங்கப்படுகிறது + "||" + Children and school, for college students Disease eradication pill Is offered today

குழந்தைகள் மற்றும் பள்ளி, கல்லூரி மாணவ–மாணவிகளுக்கு குடற்புழு ஒழிப்பு மாத்திரை இன்று வழங்கப்படுகிறது

குழந்தைகள் மற்றும் பள்ளி, கல்லூரி மாணவ–மாணவிகளுக்கு குடற்புழு ஒழிப்பு மாத்திரை இன்று வழங்கப்படுகிறது
தூத்துக்குடி மாவட்டத்தில் அங்கன்வாடி மையங்களில் உள்ள குழந்தைகள் முதல் பள்ளி, கல்லூகளில் பயிலும் மாணவ–மாணவிகளுக்கு இன்று(வெள்ளிக்கிழமை)குடற்புழு ஒழிப்பு மாத்திரை வழங்கப்படுகிறது.

தூத்துக்குடி, 

தூத்துக்குடி மாவட்டத்தில் அங்கன்வாடி மையங்களில் உள்ள குழந்தைகள் முதல் பள்ளி, கல்லூகளில் பயிலும் மாணவ–மாணவிகளுக்கு இன்று (வெள்ளிக்கிழமை) குடற்புழு ஒழிப்பு மாத்திரை வழங்கப்படுகிறது.

குடற்புழு மாத்திரை

தூத்துக்குடி மாவட்ட கலெக்டர் அலுவலக கூட்ட அரங்கில், சுகாதாரத்துறையின் மூலம் 1 முதல் 19 வயது வரை உள்ள குழந்தைகளுக்கு குடற்புழு ஒழிப்பு மாத்திரை வழங்குவது தொடர்பான முன்னேற்பாடு கூட்டம் நடந்தது. கூட்டத்துக்கு மாவட்ட கலெக்டர் சந்தீப் நந்தூரி தலைமை தாங்கினார். கூட்டத்தில் கலெக்டர் பேசும் போது கூறியதாவது;–

குழந்தைகளுக்கு வயிற்று குடற்புழுவை தடுக்க தமிழகம் முழுவதும் ‘‘அல்பென்ட்சோல்“ என்கிற குடற்புழு ஒழிப்பு மாத்திரை ஒரு வயது குழந்தை முதல் 19 வயது வரை உள்ளவர்களுக்கு வழங்க அரசு உத்தரவிட்டுள்ளது. இதன்படி தூத்துக்குடி மாவட்ட பகுதியில் இந்த மாத்திரை 49 அரசு ஆரம்ப சுகாதார நிலையங்கள் மற்றும் 10 நகர்நல மையங்கள் மூலமாக ஆசிரியர்கள், அங்கன்வாடி பணியாளர்கள், கிராம சுகாதார செவிலியர்கள் மூலம் குடற்புழு நீக்க நாளான இன்று (வெள்ளிக்கிழமை) வழங்கப்பட உள்ளது.

5¼லட்சம் பேருக்கு...

மாவட்ட பகுதியில் உள்ள ஒன்று முதல் 19 வயது வரையுள்ள அரசு மற்றும் அரசு உதவி பெறும் 1,583 பள்ளிகளில் படிக்கும் 4 லட்சத்து 2 ஆயிரத்து 361 மாணவ–மாணவிகள், 1,477 அங்கன்வாடி மையத்திலுள்ள 82 ஆயிரத்து 308 குழந்தைகள், 6 முதல் 19 வயது வரை உள்ள மாணவ–மாணவிகள் மற்றும் கல்லூரி மாணவ–மாணவிகள் 42 ஆயிரத்து 44 உள்ளிட்ட மொத்தம் 5 லட்சத்து 26 ஆயிரத்து 713 பேருக்கு இந்த மாத்திரை வழங்கப்பட உள்ளது.

பள்ளி ஆசிரியர்கள், அங்கன்வாடி மைய பொறுப்பாளர்கள் இந்த மாத்திரையை குழந்தைகளுக்கு மதியம் சாப்பாட்டிற்கு பின் வழங்க வேண்டும். ஓன்று முதல் 2 வயது வரை உள்ள குழந்தைகளுக்கு அரை மாத்திரையும், 2 முதல் 19 வயது வரை உள்ளவர்களுக்கு ஒரு மாத்திரையும் வழங்க வேண்டும். இன்று மாத்திரை சாப்பிட முடியாத குழந்தைகளுக்கு வருகிற 17–ந்தேதி மாத்திரை கொடுக்க நடவடிக்கை மேற்கொள்ளப்பட்டுள்ளது. இந்த பணிகளை சம்பந்தப்பட்ட துறை அலுவலர்கள் ஒருங்கிணைந்து செய்திட வேண்டும்.

இவ்வாறு அவர் பேசினார்.

யார்–யார்?

இந்த கூட்டத்தில், மாவட்ட வருவாய் அலுவலர் வீரப்பன், சுகாதாரப்பணிகள் துணை இயக்குனர்கள் கீதாராணி, போஸ்கோ ராஜா, துணை இயக்குனர் (காசம்) சவுந்தரராஜன், ஒருங்கிணைந்த குழந்தை வளர்ச்சித் திட்டத்தின் திட்ட அலுவலர் முத்துலட்சுமி, குழந்தைகள் நல மருத்துவர் பத்மநாபன், மருத்துவ அலுவலர்கள் ராமசுப்பிரமணியன், ஹேமலதா மற்றும் அலுவலர்கள் கலந்து கொண்டனர்.



தொடர்புடைய செய்திகள்

1. அரசு கல்லூரியில் மாணவ–மாணவிகள் வகுப்புகளை புறக்கணித்து போராட்டம்
பொன்னேரியில் மாணவ– மாணவிகள் வகுப்புகளை புறக்கணித்து போராட்டம் நடத்தினர்.
2. கத்தியை காட்டி மிரட்டி தனியார் நிறுவன ஊழியரிடம் பணம் பறிக்க முயற்சி கல்லூரி மாணவர் உள்பட 2 பேர் கைது
சென்னை தரமணி பகுதியில் கத்தியை காட்டி மிரட்டி தனியார் நிறுவன ஊழியரிடம் பணம் பறிக்க முயற்சி செய்த 2 பேரை போலீசார் கைது செய்தனர்.
3. இந்தியாவிலேயே தமிழகத்தில் முதல் முறையாக ‘பேஸ் ரீடிங்’ முறையில் மாணவ, மாணவிகளின் வருகை பதிவு - அமைச்சர் கே.ஏ.செங்கோட்டையன் தகவல்
இந்தியாவிலேயே தமிழகத்தில் முதல் முறையாக ‘பேஸ் ரீடிங்’ முறையில் மாணவ– மாணவிகளின் வருகை பதிவு செய்யப்பட உள்ளதாக அமைச்சர் கே.ஏ.செங்கோட்டையன் கூறினார்.
4. ஏம்பலம் தொகுதியில் 35 கிராமங்களை கல்லூரி மாணவர்கள் தத்தெடுத்தனர்
புதுச்சேரி பல்கலைக்கழக இணைப்பு கல்லூரிகளை சேர்ந்த மாணவர்கள் 35 கிராமங்களை தத்தெடுத்தனர். அந்த கிராமங்களில் விழிப்புணர்வு நிகழ்ச்சிகள், மருத்துவ முகாம், மரம் நடுதல் உள்ளிட்ட பணிகளை மேற்கொள்ள உள்ளனர்.
5. ராமநாதபுரத்தில் மருத்துவ கல்லூரி அமைவது உறுதி; அமைச்சர் மணிகண்டன் தகவல்
ராமநாதபுரத்தில் மருத்துவ கல்லூரி அமைவது உறுதி என்று அரசு ஆஸ்பத்திரி விழாவில் அமைச்சர் டாக்டர் மணிகண்டன் பேசினார்.