மாவட்ட செய்திகள்

புஷ்கர விழாவையொட்டி தாமிரபரணி தேவி, அகஸ்தியர் சிலைகளுக்கு சிறப்பு பூஜை + "||" + Pushkar festival A special prayer for the idols of Thamirabarani Devi and Agastya

புஷ்கர விழாவையொட்டி தாமிரபரணி தேவி, அகஸ்தியர் சிலைகளுக்கு சிறப்பு பூஜை

புஷ்கர விழாவையொட்டி தாமிரபரணி தேவி, அகஸ்தியர் சிலைகளுக்கு சிறப்பு பூஜை
தாமிரபரணி புஷ்கர விழாவையொட்டி பாளையங்கோட்டை முப்புடாதி அம்மன் கோவிலில் வைத்து தாமிரபரணி தேவி, அகஸ்தியர் சிலைகளுக்கு சிறப்பு பூஜை

நெல்லை, 

தாமிரபரணி புஷ்கர விழாவையொட்டி பாளையங்கோட்டை முப்புடாதி அம்மன் கோவிலில் வைத்து தாமிரபரணி தேவி, அகஸ்தியர் சிலைகளுக்கு சிறப்பு பூஜை நடந்தது.

தாமிரபரணி புஷ்கர விழா

144 ஆண்டுகளுக்கு ஒரு முறை தாமிரபரணி மகா புஷ்கர விழா நடைபெறும். அதன்படி வருகிற அக்டோபர் 11–ந் தேதி தொடங்கி, 22–ந் தேதி வரை புஷ்கர விழா நடைபெற உள்ளது. 149 தீர்த்த தலங்களில் இந்த விழா நடத்த ஏற்பாடு செய்யப்பட்டு உள்ளது. இந்த விழாவுக்கான முயற்சிகளை அகில பாரத துறவியர் சங்கம் மற்றும் தாமிரபரணி புஷ்கர கமிட்டியினர் மேற்கொண்டு வருகிறார்கள்.

இந்த விழா குறித்து பொதுமக்களுக்கு விழிப்புணர்வு ஏற்படுத்தும் வகையில், அகஸ்தியர், தாமிரபரணி தேவி சிலைகள் புதிதாக வடிவமைக்கப்பட்டு உள்ளன. இந்த சிலைகளுக்கு பாளையங்கோட்டையில் உள்ள சிருங்கேரி மடத்தில் சிறப்பு பூஜைகள் நடத்தப்பட்டன. பார்த்ததீர்த்த சுவாமி தலைமையில் இந்த பூஜைகள் நடந்தன. பின்னர் அங்கிருந்து தாமிரபரணி தேவி, அகஸ்தியர் சிலைகள் அலங்கரிக்கப்பட்டு ரத யாத்திரை ஊர்வலத்தில் பல ஊர்களுக்கு சென்றுவிட்டு மீண்டும் நெல்லைக்கு வந்தது.

சிலைக்கு சிறப்பு பூஜை

நெல்லை மாநகரத்தில் உள்ள பல்வேறு கோவில்களில் தாமிரபரணி தேவி, அகஸ்தியர் சிலைகளுக்கு சிறப்பு பூஜைகள் செய்யப்பட்டன. நேற்று பாளையங்கோட்டையில் உள்ள முப்புடாதி அம்மன் கோவிலுக்கு இந்த சிலைகள் எடுத்து செல்லப்பட்டது. அங்கு இந்த சிலைகளுக்கு சிறப்பு அபிஷேக அலங்கார தீபாராதனையும், சிறப்பு பூஜைகளும் நடந்தன. இதில் திரளான பக்தர்கள் கலந்து கொண்டு தரிசனம் செய்தனர்.



தொடர்புடைய செய்திகள்

1. ரூ.450 கோடி மதிப்பீட்டில் புதிய தாமிரபரணி கூட்டுக்குடிநீர் திட்ட ஆய்வு பணிகள் நிறைவடைந்துள்ளது - அமைச்சர் கே.டி.ராஜேந்திரபாலாஜி
விருதுநகர், அருப்புக்கோட்டை, சாத்தூர் நகராட்சி பகுதிகளில் ரூ.450 கோடி மதிப்பீட்டில் புதிய தாமிரபரணி கூட்டுக்குடிநீர் திட்டத்தை செயல்படுத்த ஆய்வு பணிகள் நிறைவடைந்துள்ளது என அமைச்சர் கே.டி.ராஜேந்திரபாலாஜி கூறினார்.
2. தாமிரபரணி புஷ்கர விழாவையொட்டி கரூருக்கு ரதயாத்திரை வருகை பக்தர்களுக்கு காந்திமதி அம்பாள் அருள்பாலித்தார்
தாமிரபரணி புஷ்கர விழாவையொட்டி கரூருக்கு ரதயாத்திரை வந்தது. இதில் சிந்துநதி கலச தீர்தத்துடன் வீற்றிருந்த காந்திமதி அம்பாளை பக்தர்கள் பலர் தரிசனம் செய்தனர்.
3. தாமிரபரணி புஷ்கரம் விழாவை சீர்குலைக்க முயற்சி நடக்கிறது ராம கோபாலன் அறிக்கை
தாமிரபரணி புஷ்கரம் விழாவை தடுக்கவும், சீர்குலைக்கவும் முயற்சி நடக்கிறது என்றும், அரசு கண்காணிப்போடு இருந்து நடவடிக்கை எடுக்க வேண்டும் என்றும் ராம கோபாலன் தெரிவித்துள்ளார்.
4. தாமிரபரணியில் 2-வது நாளாக வெள்ளப்பெருக்கு
நெல்லை மாவட்டத்தில் உள்ள முக்கிய அணைகளில் இருந்து உபரிநீர் திறக்கப்பட்டு இருப்பதால் நெல்லை தாமிரபரணி ஆற்றில் நேற்று 2-வது நாளாக வெள்ளப்பெருக்கு ஏற்பட்டு உள்ளது. குற்றாலம், மணிமுத்தாறு அருவிகளில் குளிக்க தடை நீடிக்கப்பட்டு உள்ளது.
5. மகாபுஷ்கர விழாவையொட்டி தாமிரபரணியில் படித்துறை கட்ட சிறப்பு பூஜை மடாதிபதிகள்–ஜீயர்கள் கலந்து கொண்டனர்
மகாபுஷ்கர விழாவையொட்டி நெல்லை அருகே தாமிரபரணியில் படித்துறை கட்டுவதற்கு நேற்று சிறப்பு பூஜை நடைபெற்றது. இதில் மடாதிபதிகள், ஜீயர்கள் கலந்து கொண்டனர்.

அதிகம் வாசிக்கப்பட்டவை