மாவட்ட செய்திகள்

கதவை உடைத்து பணம் நகை கொள்ளை; மர்ம நபர்களுக்கு போலீசார் வலைவீச்சு + "||" + Jewelry robbery for breaking the door The police are searching for mysterious people

கதவை உடைத்து பணம் நகை கொள்ளை; மர்ம நபர்களுக்கு போலீசார் வலைவீச்சு

கதவை உடைத்து பணம் நகை கொள்ளை; மர்ம நபர்களுக்கு போலீசார் வலைவீச்சு
கடையநல்லூரில் கதவை உடைத்து பணம், கவரிங் நகை கொள்ளை. மேலும் 2 வீடுகளில் கொள்ளை முயற்சி நடந்துள்ளது. மர்மநபர்களை போலீசார் வலைவீசி தேடிவருகின்றனர்.

கடையநல்லூர்,

கடையநல்லூரில் கதவை உடைத்து பணம், கவரிங் நகை கொள்ளை. மேலும் 2 வீடுகளில் கொள்ளை முயற்சி நடந்துள்ளது. மர்மநபர்களை போலீசார் வலைவீசி தேடிவருகின்றனர். இதனால் அந்த பகுதியில் பரபரப்பு ஏற்பட்டுள்ளது.

கதவை உடைத்து கொள்ளை

கடையநல்லூர் அல்லீமுப்பன் தெருவை சேர்ந்தவர் துலுக்கமத்தி அபூபக்கர். இவர் வெளிநாட்டில் வேலைபார்த்து வருகிறார். இவர் வெளிநாட்டில் இருந்து தனது ஊருக்கு திரும்பினார். அவரை அழைத்து வர அவரது குடும்பத்தினர் அனைவரும் வீட்டை பூட்டிவிட்டு திருவனந்தபுரம் விமான நிலையத்திற்கு சென்றனர். இதை நோட்டமிட்ட மர்மநபர்கள் நள்ளிரவில் கதவை உடைத்து வீட்டில் இருந்த நகைகள், பணத்தை கொள்ளையடித்து சென்றனர். இந்நிலையில் அபூபக்கர் குடும்பத்தினர் திரும்பி வந்து பார்த்தபோது வீட்டின் கதவு உடைக்கப்பட்டு இருந்ததை பார்த்து அதிர்ச்சி அடைந்தனர். வீட்டின் உள்ளே சென்று பார்த்தபோது பீரோக்கள் உடைக்கப்பட்டு இருந்தது. அதில் இருந்த ரூ.2,000, கவரிங் நகைகளும் கொள்ளையடித்து சென்றது தெரியவந்தது.

கொள்ளை முயற்சி

இதேபோல் காயிதே மில்லத் தெருவில் உள்ள உஸலாத்தன் அபூசாலிஹ் வீட்டிலும், ஆலிம்ஷா தெருவை சேர்ந்த கருப்பமூப்பன் அபூதாஹிர் வீட்டிலும் இரவில் மர்மநபர்கள் வீட்டில் உள்ள பூட்டை உடைத்து கொள்ளையடிக்க முயற்சித்துள்ளனர். இவர்கள் வீட்டில் நகை, பணம் எதுவும் இல்லாததால் வீட்டில் இருந்த பொருட்களை வீசி எரிந்து விட்டு சென்றுள்ளனர்.

போலீசார் விசாரணை

ஒரே நாளில் கடையநல்லூரில் ஒரு வீட்டில் கொள்ளையும், 2 வீடுகளில் கொள்ளை முயற்சியும் நடந்துள்ளதால் அந்த பகுதியில் பரபரப்பு ஏற்பட்டுள்ளது. இந்த சம்பவங்கள் குறித்து கடையநல்லூர் போலீசார் வழக்குப்பதிவு செய்து மர்மநபர்களை வலைவீசி தேடிவருகின்றனர்.



தொடர்புடைய செய்திகள்

1. அந்தியூரில் பா.ஜ.க. பிரமுகர் வீட்டில் 20 பவுன் நகை கொள்ளை; மர்ம நபர்களுக்கு வலைவீச்சு
அந்தியூரில் பா.ஜ.க. பிரமுகர் வீட்டில் 20 பவுன் நகையை கொள்ளையடித்து சென்ற மர்ம நபர்களை போலீசார் வலைவீசி தேடி வருகிறார்கள்.
2. மதுக்கடையின் பூட்டை உடைத்து ரூ.52 ஆயிரம் மதுபாட்டில்கள்- ரூ.10 ஆயிரம் கொள்ளை மர்ம நபர்கள் கைவரிசை
நீடாமங்கலம் அருகே, மதுக்கடையின் பூட்டை உடைத்து ரூ.52 ஆயிரம் மதிப்புள்ள மதுபாட்டில்கள், ரூ.10 ஆயிரம் ஆகியவற்றை மர்ம மனிதர்கள் கொள்ளையடித்து சென்று விட்டனர். அந்த மர்ம நபர்களை போலீசார் வலைவீசி தேடி வருகிறார்கள்.
3. தவளக்குப்பம் அருகே, நள்ளிரவில் வீடு புகுந்து நகை, பணம் கொள்ளை
தவளக்குப்பம் அருகே நள்ளிரவில் சாப்ட்வேர் என்ஜினீயரின் வீட்டில் புகுந்த கொள்ளைக்கும்பல் தங்க நகைகள் மற்றும் ரொக்கப்பணத்தை கொள்ளையடித்து சென்றனர். மேலும் தப்பிச் செல்லும்போது வீட்டில் தூங்கிக்கொண்டிருந்த பெண்ணின் கழுத்தில் இருந்த 3 பவுன் தங்கச்சங்கிலியையும் பறித்துக்கொண்டு தப்பினர்.
4. நகை, பணம் இல்லாததால் ரெயில்வே ஊழியர் வீட்டுக்கு தீ வைத்த கொள்ளையர்கள்
நகை, பணம் இல்லாததால் ரெயில்வே ஊழியர் வீட்டுக்கு கொள்ளையர்கள் தீ வைத்தனர்.
5. பெண் ஊழியரை கட்டிப்போட்டு நகைகள் கொள்ளை: தடயத்தை வைத்து தனிப்படையினர் தேடுதல் வேட்டை
ராமநாதபுரத்தில் பெண் ஊழியரை கட்டிப்போட்டு நகைகள் கொள்ளை தொடர்பாக தடயத்தை வைத்து தனிப்படை போலீசார் நெல்லையில் முகாமிட்டு தீவிர தேடுதல் வேட்டையில் ஈடுபட்டுள்ளனர்.