மாவட்ட செய்திகள்

சிறுமியிடம் ஆசைவார்த்தை கூறி திருமணம் செய்து ஏமாற்றிய தொழிலாளிக்கு 14 ஆண்டு சிறை + "||" + 14 years imprisonment for worker who cheated and cheated on the girl's desire

சிறுமியிடம் ஆசைவார்த்தை கூறி திருமணம் செய்து ஏமாற்றிய தொழிலாளிக்கு 14 ஆண்டு சிறை

சிறுமியிடம் ஆசைவார்த்தை கூறி திருமணம் செய்து ஏமாற்றிய தொழிலாளிக்கு 14 ஆண்டு சிறை
சிறுமியிடம் ஆசைவார்த்தை கூறி திருமணம் செய்து ஏமாற்றிய தொழிலாளிக்கு 14 ஆண்டுகள் சிறை தண்டனை விதித்து திருவண்ணாமலை மாவட்ட மகளிர் விரைவு கோர்ட்டு தீர்ப்பு கூறியது.
திருவண்ணாமலை,

திருவண்ணாமலை ஆராஞ்சிபுதூர் கிராமத்தை சேர்ந்தவர் குணசேகரன் (வயது 22), தொழிலாளி. இவரும் திருவண்ணாமலை பகுதியை சேர்ந்த 16 வயது சிறுமியும் காதலித்து வந்துள்ளனர். கடந்த 2013-ம் ஆண்டு ஜூலை மாதம் 9-ந் தேதி சிறுமியிடம், குணசேகரன் ஆசை வார்த்தை கூறி திருமணம் செய்து கொண்டார்.


பின்னர் திருப்பூரில் உள்ள சிறுமியின் சகோதரி வீட்டில் தங்கி குடும்பம் நடத்தி வந்து உள்ளனர். இதையடுத்து அவர், சிறுமியை அவரது சகோதரி வீட்டில் விட்டு, விட்டு சொந்த ஊருக்கு திரும்பினார். நீண்ட நாட்கள் ஆகியும் குணசேகரன், அந்த சிறுமியை பார்க்க செல்லவில்லை.

இதுகுறித்து சிறுமியின் தாய், குணசேகரனிடம் கேட்டபோது, உனது மகளுடன் வாழ முடியாது என்று கூறியுள்ளார். இதுதொடர்பாக சிறுமியின் தாய் கொடுத்த புகாரின் பேரில் திருவண்ணாமலை அனைத்து மகளிர் போலீசார் வழக்குப்பதிவு செய்து குணசேகரனை கைது செய்தனர்.

இந்த சம்பவம் தொடர்பான வழக்கு திருவண்ணாமலை மாவட்ட மகளிர் விரைவு கோர்ட்டில் நடைபெற்று வந்தது. நேற்று மீண்டும் இந்த வழக்கு விசாரணைக்கு வந்தது.

வழக்கை விசாரித்த நீதிபதி நடராஜன், சிறுமியை ஏமாற்றிய குற்றத்திற்காக குணசேகரனுக்கு போக்சோ சட்ட பிரிவுகளின் கீழ் 14 ஆண்டுகள் சிறை தண்டனையும், ரூ.15 ஆயிரம் அபராதமும் விதித்தார். அபராத தொகை கட்ட தவறினால் மேலும் ஒரு ஆண்டு சிறை தண்டனை அனுபவிக்க வேண்டும் எனவும் உத்தரவிட்டார்.இதையடுத்து குணசேகரனை போலீசார் வேலூர் மத்திய சிறையில் அடைத்தனர்.

இந்த வழக்கில் அரசு தரப்பில் வக்கீல் அர்ச்சனா வாதாடினார்.


தொடர்புடைய செய்திகள்

1. சர்ச்சையில் பிரியங்கா சோப்ரா திருமணம்
பிரியங்கா சோப்ராவின் திருமணம் சர்ச்சையில் சிக்கி உள்ளது.
2. காதல் திருமணம் செய்த காடுவெட்டி குரு மகள், பாதுகாப்பு கேட்டு மணக்கோலத்தில் போலீசில் தஞ்சம்
காதல் திருமணம் செய்த காடுவெட்டி குரு மகள், பாதுகாப்பு கேட்டு மணக்கோலத்தில் கும்பகோணம் அனைத்து மகளிர் போலீஸ் நிலையத்தில் தஞ்சம் அடைந்தார்.
3. நயன்தாரா-விக்னேஷ் சிவன் திருமணம் எப்போது? - ரசிகர்கள் எதிர்பார்ப்பு
நயன்தாரா-விக்னேஷ் சிவன் ஆகியோரது திருமணம் எப்போது, என ரசிகர்களின் எதிர்பார்ப்பு அதிகரித்துள்ளது.
4. நடிகை சுஜா வாருணி திருமணம்: சிவாஜி பேரனை மணந்தார்
நடிகை சுஜா வாருணியின் திருமணம் சென்னையில் நடைபெற்றது. அவர் சிவாஜியின் பேரனை மணந்தார்.
5. செல்போனில் ஆபாச படம் காட்டி சிறுமியை பாலியல் பலாத்காரம் செய்ய முயன்ற டெய்லர் கைது
மயிலாப்பூரில் செல்போனில் ஆபாச படம் காட்டி சிறுமியை பாலியல் பலாத்காரம் செய்ய முயன்ற டெய்லரை வீட்டின் கதவை உடைத்து பொதுமக்கள் பிடித்து தர்ம அடி கொடுத்தனர். அவரை போலீசார் கைது செய்தனர்.