மாவட்ட செய்திகள்

விருதுநகர் பகுதியில் பொது குடிநீர் குழாய்கள் மூடல், நகரசபை நிர்வாகம் மறுபரிசீலனை செய்ய கோரிக்கை + "||" + Public water pipes closure in Virudhunagar area

விருதுநகர் பகுதியில் பொது குடிநீர் குழாய்கள் மூடல், நகரசபை நிர்வாகம் மறுபரிசீலனை செய்ய கோரிக்கை

விருதுநகர் பகுதியில் பொது குடிநீர் குழாய்கள் மூடல், நகரசபை நிர்வாகம் மறுபரிசீலனை செய்ய கோரிக்கை
விருதுநகரில் பொது குடிநீர் குழாய்களை நகராட்சி நிர்வாகம் மூடி வருவதால் அவர்கள் குடிநீருக்கு தவிக்கும் நிலை ஏற்பட்டுள்ளது. இம்முடிவினை மறுபரிசீலனை செய்து குழாய்களை மீண்டும் பயன்பாட்டிற்கு கொண்டு வர நகராட்சி நிர்வாகம் நடவடிக்கை எடுக்க வேண்டும் என கோரப்பட்டுள்ளது.
விருதுநகர்,

விருதுநகர் நகராட்சி பகுதியில் நகராட்சி நிர்வாகம் 8 நாட்களுக்கு ஒரு முறை குடிநீர் வினியோகம் செய்து வரும் நிலை இருந்து வருகிறது. பெரும்பாலான வீடுகளில் குழாய் இணைப்பு இருந்தபோதிலும் ஏழை, எளிய மக்கள் வாடகை வீடுகளில் வசித்துவரும் நிலையில் வீட்டு குடிநீர் இணைப்புகள் இல்லாத நிலையில் குடிநீர்தேவைக்கு பொது குடிநீர் குழாய்களையே நம்பி உள்ளனர். விருதுநகரில் பல பகுதிகளில் 25 முதல் 30 ஆண்டுகளுக்கு மேல் பொதுக்குடிநீர் குழாய்கள் பயன்பாட்டில் இருந்து வருகிறது.


இந்த நிலையில் விருதுநகர் நகராட்சி நிர்வாகம் நகரின் பல்வேறு இடங்களில் ஏழை, எளிய மக்களின் பயன்பாட்டில்இருந்து வந்து பொது குடிநீர் குழாய்களை மூடி விட்டது. விருதுநகர் டி.டி.கே.சாலை, கந்தபுரம் தெரு, கச்சேரி ரோடு உள்ளிட்ட பகுதிகளில் நீண்ட நாட்களாக பயன்பாட்டில் இருந்து வந்த தெருக்குழாய்கள் மூடப்பட்டு விட்டன. இது பற்றி நகராட்சி நிர்வாகத்தால் முன் அறிவிப்பு ஏதும் வெளியிடப்படவில்லை.

இதனால் இத்தெருக் குழாய்களை தங்கள் குடிநீர் தேவைக்கு நம்பி இருக்கும் ஏழை, எளிய மக்கள் குடிநீர் கிடைக்காமல் தவிப்புக்குள்ளாகி உள்ளனர். இதுபற்றி முன்னாள் எம்.எல்.ஏ. வரதராஜன் கூறியதாவது:-

விருதுநகர் டி.டி.கே.ரோட்டில் எனது அலுவலகம் அருகே பொது குடிநீர் குழாய் 25 ஆண்டுகளுக்கு மேல் ஏழை, எளிய மக்களின் பயன்பாட்டில் இருந்து வருகிறது. பொதுமக்களால் அரசமரத்து குழாய் என்று அழைக்கப்படும் இந்த குடிநீர் குழாயில் தான் பாத்திமாநகர் மற்றும் அதனை சுற்றியுள்ள பகுதியில் வசிக்கும் ஏழை, எளிய மக்கள் குடிநீர் எடுத்து செல்வது வழக்கம். ஆனால் இந்த குழாய் அடைத்து விட்டதால் அவர்கள் குடிநீர் கிடைக்காமல் பெரும் சிரமப்பட்டு வருகின்றனர்.

இது பற்றி கமிஷனரிடம் கேட்ட போது பொதுக்குடிநீர் குழாய்களை அடைக்க அரசு உத்தரவிட்டு உள்ளதாகவும், பொதுமக்கள் தங்கள் வீடுகளுக்கு குடிநீர் குழாய் இணைப்பு பெற்றுக்கொள்ள வேண்டும் என்றும் தெரிவித்தார். மாத வாடகையாக ரூ.500 கூட கொடுக்க முடியாமல் சிறு குடிசைகளில் வசித்து வரும் ஏழை, எளிய மக்கள் வீட்டு குடிநீர் இணைப்பு வாங்குவதற்கு வாய்ப்பு இல்லாத நிலையில் அவர்களுக்கு குடிநீர் வசதி செய்து கொடுக்க வேண்டியது நகராட்சியின் கடமை என கமிஷனரிடம் வலியுறுத்தி கூறியுள்ளேன். இவ்வாறு அவர் தெரிவித்தார்.

விருதுநகர் நகராட்சி பகுதியில் விசைபம்புகள் பழுதுபட்டுவிட்ட நிலையிலும், பல பொது குடிநீர் குழாய்கள் பயன்படுத்த முடியாமல் உள்ள நிலையிலும் ஏழை, எளிய மக்கள் வசிக்கும் பகுதியில் பயன்பாட்டில் உள்ள பொது குடிநீர் குழாய்களை முன் அறிவிப்பு இன்றி மூடுவது என்பது ஏற்புடையது அல்ல. பொதுமக்களுக்கு அடிப்படை வசதியை செய்து தர வேண்டிய நகராட்சி நிர்வாகம் இருக்கும் வசதியை பறிப்பது என்பது விதிமுறைகளுக்கு முரணானதாகும்.

எனவே நகராட்சி நிர்வாகம் ஆய்வு செய்து பயன்பாட்டில் இல்லாத பொது குடிநீர் குழாய்கள் எவை என கண்டறிந்து அவற்றை வேண்டுமானால் அடைக்கலாமே தவிர பயன்பாட்டில் உள்ள பொது குழாய்களை மூடுவது என்பது ஏற்புடையது அல்ல. மொத்தத்தில் அரசு உத்தரவிட்டுள்ளதாக கூறி பயன்பாட்டில் உள்ள பொது குடிநீர்குழாய்களை மூடுவதுதற்கு நகராட்சி நிர்வாகம் நடவடிக்கை எடுப்பதை கைவிட்டு மூடப்பட்ட பொது குடிநீர் குழாய்களை ஏழை மக்களின் பயன்பாட்டிற்கு மீண்டும் கொண்டு வர உடனடியாக நடவடிக்கை எடுக்க வேண்டியது அவசியம் ஆகும். எனவே இதில் மறுபரிசலனை செய்ய வலியுறுத்தப்பட்டுள்ளது. 


தொடர்புடைய செய்திகள்

1. விருதுநகர், திருத்தங்கல் நகராட்சிக்கு குடிநீர் தரும் ஆனைக்குட்டம் அணை வறண்டது
விருதுநகர், திருத்தங்கல் நகராட்சி பகுதிகளுக்கு தண்ணீர் வினியோகிக்க பெரிதும் பயன்படும் ஆனைக்குட்டம் அணை தற்போது தண்ணீர் இன்றி வறண்டு காட்சி அளிக்கிறது. மழைக்காலத்துக்கு முன்னர் தூர்வார நடவடிக்கை எடுக்க வேண்டும் என கோரப்பட்டுள்ளது.
2. விருதுநகரை வறட்சி மாவட்டமாக அறிவிக்க வேண்டும் - இந்திய கம்யூனிஸ்டு வலியுறுத்தல்
விருதுநகரை வறட்சி மாவட்டமாக அறிவிக்க வேண்டும் என்று இந்திய கம்யூனிஸ்டு கட்சியின் மாநில செயலாளர் ஆர்.முத்தரசன் கூறினார்.
3. விருதுநகர் மாவட்டத்தில் 6 பள்ளிகள் தரம் உயர்வு: அமைச்சர் கே.டி.ராஜேந்திரபாலாஜி தகவல்
விருதுநகர் மாவட்டத்தில் உள்ள 6 அரசு பள்ளிகளை உயர்நிலை மற்றும் மேல்நிலைப்பள்ளிகளாக தரம் உயர்த்தி பள்ளிக்கல்வித்துறை அறிவித்துள்ளது.
4. எஸ்.எஸ்.எல்.சி. பொதுத்தேர்வு: விருதுநகர் மாவட்டம் மாநில அளவில் 3-வது இடம்
எஸ்.எஸ்.எல்.சி. பொதுத்தேர்வில் விருதுநகர் மாவட்டம் 98.26 சதவீதம் தேர்ச்சி பெற்று மாநில அளவில் 3-வது இடம் பெற்றது.
5. விருதுநகர் கோர்ட்டில் ஆஜர்: நிர்மலாதேவிக்கு 23-ந் தேதி வரை காவல் நீட்டிப்பு
கல்லூரி மாணவிகளை தவறான பாதைக்கு அழைத்த விவகாரத்தில் கைது செய்யப்பட்டு மதுரை ஜெயிலில் அடைக்கப்பட்டிருந்த பேராசிரியை நிர்மலாதேவி நேற்று விருதுநகர் கோர்ட்டில் ஆஜர்படுத்தப்பட்டார். அவரது காவல் வருகிற 23-ந்தேதி வரை நீட்டிக்கப்பட்டது.