மாவட்ட செய்திகள்

கல்லூரி மாணவி கொலையில் உறவுக்கார வாலிபர் கைது + "||" + A young man arrested in college girl murdered

கல்லூரி மாணவி கொலையில் உறவுக்கார வாலிபர் கைது

கல்லூரி மாணவி கொலையில் உறவுக்கார வாலிபர் கைது
ஆசைக்கு இணங்க மறுத்ததால் கட்டையால் அடித்ததில் கல்லூரி மாணவி இறந்தார். இது தொடர்பாக மாணவியின் உறவுக்கார வாலிபரை போலீசார் நேற்று கைது செய்தனர்.
பெங்களூரு,

தாக்கப்பட்டதில் சுருண்டு விழுந்த மாணவியை உறவுக்கார வாலிபர் கற்பழித்தது தெரியவந்து உள்ளது.

ஹாவேரி மாவட்டம் சாவனூர் அருகே மன்னூர் கிராமத்தை சேர்ந்த விவசாயியின் மகள் 21 வயது இளம்பெண். இவர், ஹாவேரி புறநகரில் உள்ள தனியார் கல்லூரியில் படித்து வந்தார். கடந்த 6-ந் தேதி கல்லூரிக்கு சென்ற மாணவி மாயமானார். இதுகுறித்து அவருடைய பெற்றோர் ஹாவேரி புறநகர் போலீசில் புகார் செய்தனர். அதன்பேரில், போலீசார் வழக்குப்பதிவு செய்து மாணவியை தேடிவந்தனர்.


இந்த நிலையில், கடந்த 9-ந் தேதி வரதாஹள்ளி கிராமம் அருகே ஓடும் வரதா ஆற்றுப்பகுதியில் உள்ள மேம்பாலத்தின் அருகே மாயமான மாணவியின் உடல் பாதி எரிந்த நிலையில் கிடந்தது. இதையடுத்து ஹாவேரி புறநகர் போலீசார் விரைந்து சென்று மாணவியின் உடலை கைப்பற்றி பிரேத பரிசோதனைக்காக ஆஸ்பத்திரிக்கு அனுப்பி வைத்தனர். மேலும், மாணவி கற்பழித்து கொலை செய்யப்பட்டு இருக்கலாம் என்று போலீசார் சந்தேகித்தனர். இதையடுத்து, கொலையாளிகளை கைது செய்ய வலியுறுத்தி மாணவ-மாணவிகள் போராட்டம் நடத்தினர். இந்த சம்பவம் கர்நாடகத்தில் பெரும் பரபரப்பையும், அதிர்வலையையும் ஏற்படுத்தியது.

இதன் தொடர்ச்சியாக, கொலையாளிகளை பிடிக்க 3 தனிப்படைகள் அமைக்கப்பட்டன. இந்த தனிப்படை போலீசார் கொலையாளிகளை வலைவீசி தேடிவந்தனர். இந்த நிலையில், மாணவியை கொலை செய்து கற்பழித்ததாக மன்னூர் கிராமத்தை சேர்ந்தவரும், மாணவியின் உறவுக்கார வாலிபருமான சசி என்ற மஞ்சனகவுடா பட்டீல் (வயது 28) என்பவரை நேற்று தனிப்படை போலீசார் கைது செய்தனர். கைதான சசி அளித்த வாக்குமூலம் பற்றி போலீஸ் தரப்பில் கூறப்படுவதாவது:-

சசி, கல்லூரி மாணவியை தனது வீட்டுக்கு அழைத்து சென்றுள்ளார். அங்கு வைத்து தன்னுடைய ஆசைக்கு இணங்குமாறு அவர் கல்லூரி மாணவியை வற்புறுத்தி உள்ளார். இதற்கு கல்லூரி மாணவி மறுத்துள்ளார். இதனால் ஆத்திரமடைந்த சசி, வீட்டில் இருந்த உருட்டு கட்டையால் கல்லூரி மாணவி மயங்கி விழுந்து இறந்துள்ளார். அதன்பின்னர் அவருடைய உடலுடன் சசி உறவு கொண்டுள்ளார். இதையடுத்து கொலையை மறைக்க முடிவு செய்த சசி, அவருடைய உடலை சாக்குப்பையில் கட்டி மேம்பாலத்தின் அருகே வைத்து எரித்துள்ளார்.

இவ்வாறு போலீஸ் தரப்பில் கூறப்படுகிறது. இதுதொடர்பாக தொடர்ந்து அவரிடம் போலீசார் விசாரணை நடத்தி வருகிறார்கள்.



தொடர்புடைய செய்திகள்

1. பாலியல் உறவுக்கு சம்மதிக்குமாறு பெண் மிரட்டியதால் வாலிபர் தற்கொலை
பாலியல் உறவுக்கு சம்மதிக்குமாறு பெண் மிரட்டியதால் வாலிபர் தற்கொலை செய்து கொண்டார்.
2. கிராமத்தை விட்டு குடும்பத்தை ஒதுக்கி வைத்ததாக குற்றச்சாட்டு: கல்லூரி மாணவி, ‘பேஸ்புக் லைவ்’ வீடியோவில் தற்கொலை முயற்சி
விஜயாப்புரா அருகே, கிராமத்தை விட்டு குடும்பத்தை ஒதுக்கி வைத்துவிட்டதாக பி.யூ. கல்லூரி மாணவி, பிரதமர் நரேந்திர மோடிக்கு கடிதம் எழுதியும் பிரச்சினை தீரவில்லையே எனக்கூறி ‘ேபஸ்புக் லைவ்’ வீடியோ பதிவிட்டு தற்கொலைக்கு முயன்றார்.
3. போலீசாரை கண்டித்து தாயுடன் வாலிபர் உண்ணாவிரதம் - முத்துப்பேட்டையில் பரபரப்பு
முத்துப்பேட்டையில் தந்தையை கைது செய்ததால் ஆத்திரம் அடைந்த வாலிபர் ஒருவர் தனது தாயுடன் உண்ணாவிரதம் இருந்தார். இதனால் பரபரப்பு ஏற்பட்டது.
4. தாயை ஆபாசமாக திட்டியதால் பயங்கரம்: வாலிபர் கோடரியால் வெட்டிக் கொலை
தாயை ஆபாசமாக திட்டியதால் வாலிபரை கோடரியால் வெட்டிக் கொலை செய்த நண்பர், துண்டித்த தலையுடன் போலீசில் சரண் அடைந்தார்.
5. வாலிபர் மீது குண்டர் சட்டம் பாய்ந்தது
வழிப்பறி கொள்ளை வழக்கில் கைதான வாலிபர் மீது குண்டர் சட்டம் பாய்ந்தது. இது பற்றிய விவரம் வருமாறு:-