மாவட்ட செய்திகள்

பெரம்பலூரில் ரெயில் போக்குவரத்து சர்வே நடத்த மத்திய அரசு ரூ.16 லட்சம் நிதி ஒதுக்கீடு + "||" + The central government has allocated Rs 16 lakh for conducting a rail transport surveillance at Perambalur

பெரம்பலூரில் ரெயில் போக்குவரத்து சர்வே நடத்த மத்திய அரசு ரூ.16 லட்சம் நிதி ஒதுக்கீடு

பெரம்பலூரில் ரெயில் போக்குவரத்து சர்வே நடத்த மத்திய அரசு ரூ.16 லட்சம் நிதி ஒதுக்கீடு
பெரம்பலூரில் ரெயில் போக்குவரத்து வசதி ஏற்பாடு செய்யும் வகையில், முதற்கட்டமாக சர்வே நடத்த மத்திய அரசு ரூ.16 லட்சம் நிதி ஒதுக்கீடு செய்துள்ளது.
பெரம்பலூர்,

தமிழகத்தில் ரெயில் போக்குவரத்து வசதி இல்லாத ஒரே மாவட்டம் பெரம்பலூர். ஆனால் மாநிலத்தின் மைய பகுதியில் அமைந்துள்ளதால் பெரம்பலூரில் இருந்து தமிழகத்திற்கு எந்த பகுதிக்கும் எளிதாக சென்று வரும் வகையில், பஸ் போக்குவரத்து வசதி உள்ளது. பெரம்பலூர் மாவட்ட மக்கள், ரெயில் போக்குவரத்துக்காக அரியலூர் அல்லது திருச்சிக்கு தான் செல்ல வேண்டும்.


இந்த நிலையில் பெரம்பலூர் வழியாக ரெயில் போக்குவரத்து வசதி ஏற்படுத்த வேண்டுமென இப்பகுதி மக்கள் மருதராஜா எம்.பி.யிடம் கோரிக்கை வைத்தனர். இதைத்தொடர்ந்து மருதராஜா எம்.பி., அரியலூரில் இருந்து பெரம்பலூர், துறையூர், தா.பேட்டை வழியாக நாமக்கல் வரை ரெயில் போக்குவரத்து வசதி ஏற்படுத்த வேண்டும் என நாடாளுமன்றத்தில் வலியுறுத்தி பேசினார். இந்த கோரிக்கையை பரிசீலனை செய்த மத்திய அரசு, அரியலூரில் இருந்து பெரம்பலூர், துறையூர், தா.பேட்டை வழியாக நாமக்கல்லை இணைக்கும் வகையில் 108 கிலோ மீட்டர் தூரத்திற்கு ரெயில் போக்குவரத்து வசதி ஏற்படுத்தும் வகையில், முதற்கட்டமாக சர்வே நடத்த உத்தரவிட்டுள்ளது. மேலும் இதற்காக ரூ.16 லட்சத்து 20 ஆயிரம் நிதி ஒதுக்கீடும் செய்துள்ளது. இதற்கான உத்தரவு கடித நகலை சில நாட்களுக்கு முன்பு மத்திய ரெயில்வே போக்குவரத்து துறை இயக்குனர் தன்னன்ஜெயசிங், மருதராஜா எம்.பி.யிடம் வழங்கியுள்ளார்.

இதுகுறித்து மருதராஜா எம்.பி. கூறுகையில், “பெரம்பலூர் மாவட்ட மக்களின் நீண்டநாள் கனவு திட்டமான ரெயில் போக்குவரத்து வசதியை ஏற்படுத்தி தரவேண்டுமென நாடாளுமன்றத்தில் வலியுறுத்தினேன். அதைத்தொடர்ந்து ஜனாதிபதி ராம்நாத் கோவிந்த், பிரதமர் நரேந்திரமோடி, ரெயில்வே மந்திரி பியூஸ்கோயல், இணை மந்திரி ராஜன்கொகைன் ஆகியோரை நேரில் சந்தித்து, பெரம்பலூர் வழியாக ரெயில் போக்குவரத்து வசதியை ஏற்படுத்திதரவேண்டும் என கோரிக்கை விடுத்தேன். இதையடுத்து, சர்வே நடத்த மத்திய அரசு நிதி ஒதுக்கீடு செய்துள்ளது, என்றார். 


தொடர்புடைய செய்திகள்

1. மல்லியம் ரெயில் நிலையத்தை மீண்டும் திறக்க வலியுறுத்தி பொதுமக்கள், ரெயில் மறியல் 97 பேர் கைது
மல்லியம் ரெயில் நிலையத்தை மீண்டும் திறக்க வலியுறுத்தி பொதுமக்கள், ரெயில் மறியலில் ஈடுபட்டனர். இதுதொடர்பாக 97 பேரை போலீசார் கைது செய்தனர்.
2. மங்களூரில் இருந்து பொள்ளாச்சி வழியாக ராமசுவரத்துக்கு ரெயில் இயக்கப்படும் - அதிகாரிகள் தகவல்
மங்களூரில் இருந்து பொள்ளாச்சி வழியாக ராமேசுவரத்துக்கு ரெயில் இயக்கப்படும் என்று ரெயில்வே அதிகாரிகள் தெரிவித்தனர்.
3. தென் மாவட்டங்களை புறக்கணிக்கும் ரெயில்வே நிர்வாகம்: அகல பாதை ஆன பின்னரும் கூடுதல் ரெயில்களை இயக்க தயக்கம் எம்.பி.க்கள் நடவடிக்கை எடுப்பார்களா?
தென்னக ரெயில்வே நிர்வாகம் தென் மாவட்டங்களில் அகல ரெயில் பாதை திட்டப்பணி முடிவடைந்த பின்னரும் கூடுதல் ரெயில்களை இயக்க தயக்கம் காட்டும் நிலை உள்ளதால் உரிய நடவடிக்கை எடுக்க ரெயில்வே அமைச்சகத்திடம் எம்.பி.க்கள் வலியுறுத்த வேண்டும் என கோரப்பட்டுள்ளது.
4. கோவை ரெயில் நிலையத்தில் குழந்தையை தவிக்க விட்டுச்சென்ற பெண் பயணிகள் பிடித்து போலீசில் ஒப்படைத்தனர்
கோவை ரெயில் நிலையத்தில் குழந்தையை தவிக்க விட்டுச்சென்ற பெண்ணை பயணிகள் பிடித்து போலீசில் ஒப்படைத்தனர்.
5. மார்த்தாண்டத்தில் ரெயில் மோதி வியாபாரி சாவு தண்டவாளத்தை கடக்க முயன்ற போது பரிதாபம்
மார்த்தாண்டத்தில் தண்டவாளத்தை கடக்க முயன்ற போது ரெயில் மோதி காய்கறி வியாபாரி பரிதாபமாக இறந்தார்.

அதிகம் வாசிக்கப்பட்டவை