மாவட்ட செய்திகள்

திருவையாறு அருகே ஆற்றில் மூழ்கி பள்ளி மாணவன் சாவு + "||" + The school student dies in the river near Thiruvaiyar

திருவையாறு அருகே ஆற்றில் மூழ்கி பள்ளி மாணவன் சாவு

திருவையாறு அருகே ஆற்றில் மூழ்கி பள்ளி மாணவன் சாவு
திருவையாறு அருகே ஆற்றில் மூழ்கி பள்ளி மாணவன் உயிரிழந்தான்.
திருவையாறு,

தஞ்சை மாவட்டம் திருவையாறை அடுத்த மேலத்திருப்பந்துருத்தி வண்ணான் சந்து தெருவை சேர்ந்தவர் பதுர்தீன். இவருடைய மகன் முகமது ரிஷ்வான் (வயது14). இவன் நடுக்காவேரியில் உள்ள ஒரு தனியார் பள்ளியில் 9-ம் வகுப்பு படித்து வந்தான்.


இந்த நிலையில் நேற்று பள்ளி விடுமுறை என்பதால் முகமது ரிஷ்வான் தனது நண்பர்களுடன் மேலத்திருப்பந்துருத்தி குடமுருட்டி ஆற்றில் குளித்து கொண்டிருந்தார். அப்போது திடீரென முகமது ரிஷ்வானை காணவில்லை. இதனால் நண்பர்கள் அவனது வீட்டுக்கு சென்று முகமது ரிஷ்வான் வந்தானா? என கேட்டுள்ளனர். அதற்கு வரவில்லை என பெற்றோர் தெரிவித்துள்ளனர். இதனால் அதிர்ச்சி அடைந்த உறவினர்கள் மற்றும் அந்த பகுதியை சேர்ந்தவர்கள் ஆற்றில் தேடினர்.

இதுகுறித்து தகவல் அறிந்த நடுக்காவேரி போலீஸ் இன்ஸ்பெக்டர் ஸ்ரீதர் மற்றும் போலீசார், திருவையாறு தீயணைப்பு நிலைய அலுவலர்(பொறுப்பு) கணேசன் தலைமையில் தீயணைப்பு படைவீரர்கள் சம்பவ இடத்துக்கு வந்து ஆற்றில் தேடினர். சுமார் 2 மணி நேரத்துக்கு பிறகு முகமது ரிஷ்வான் பிணம் மீட்கப்பட்டது. போலீசார் நடத்திய விசாரணையில் நண்பர்களுடன் குளித்துக்கொண்டிருந்த முகமது ரிஷ்வான் ஆற்றில் மூழ்கி இறந்தது தெரிய வந்தது. இதுகுறித்து நடுக்காவேரி போலீசார் விசாரணை நடத்தி வருகின்றனர். 


தொடர்புடைய செய்திகள்

1. புயலில் மரம் விழுந்ததால் மின்கம்பி தண்ணீரில் மூழ்கியது: வாய்க்காலில் இறங்கிய தொழிலாளி மின்சாரம் தாக்கி சாவு
கோட்டூர் அருகே கஜா புயலில் சாய்ந்த மரம் மின்கம்பி மீது விழுந்ததால் மின்கம்பி வாய்க்காலில் மூழ்கியது. இதை அறியாமல் வாய்க்காலில் இறங்கிய தொழிலாளி மின்சாரம் தாக்கி இறந்தார்.
2. திருத்துறைப்பூண்டி அருகே மின்சாரம் தாக்கி ஊழியர் சாவு சீரமைப்பு பணியில் ஈடுபட்ட போது பரிதாபம்
திருத்துறைப்பூண்டி அருகே சீரமைப்பு பணியில் ஈடுபட்ட போது மின்சாரம் தாக்கி ஊழியர் பரிதாபமாக உயிரிழந்தார்.
3. நாகர்கோவிலில் மோட்டார் சைக்கிள் மோதி வணிக நிறுவன ஊழியர் சாவு 2 பேர் படுகாயம்
நாகர்கோவிலில், மோட்டார் சைக்கிள் மோதி வணிக நிறுவன ஊழியர் பரிதாபமாக இறந்தார். மேலும் 2 பேர் படுகாயம் அடைந்தனர்.
4. கோமாரிநோய் தாக்கி 7 பசுமாடுகள் சாவு நிவாரணம் வழங்க விவசாயிகள் கோரிக்கை
நொச்சிப்பட்டியில் கோமாரி நோய் தாக்கி 7 பசுமாடுகள் இறந்தது. எனவே இறந்தமாடுகளுக்கு நிவாரணம் வழங்க வேண்டும் என விவசாயிகள் கோரிக்கை விடுத்துள்ளனர்.
5. கஜா புயலால் பருத்தி செடிகள் நாசம்: விஷம் குடித்த விவசாயி சாவு
கஜா புயலின் போது பருத்தி செடிகள் நாசமானதால் மனமுடைந்து விஷம் குடித்த விவசாயி சிகிச்சை பலன் இன்றி உயிரிழந்தார்.