கடனுக்கு சிகரெட் கொடுக்க மறுத்த பலசரக்கு கடை வியாபாரி மீது தாக்குதல் ஒருவர் கைது

அஞ்சுகிராமம்,

அஞ்சுகிராமம் அருகே ஸ்ரீலட்சுமிபுரத்தை சேர்ந்தவர் விஜயன் (வயது 40). வியாபாரியான இவர் உசரவிளையில் பலசரக்கு கடை நடத்தி வருகிறார். சம்பவத்தன்று இவருடைய கடைக்கு உசரவிளை ஆலி, லட்சுமிபுரத்தை சேர்ந்த ரூபன், மகேஷ் ஆகிய 3 பேர் வந்து கடனுக்கு சிகரெட் கேட்டனர். ஆனால் விஜயன் கடனுக்கு சிகரெட் கொடுக்க மறுத்தார். இதனால் ஆத்திரமடைந்த அவர்கள் விஜயனை தாக்கி கடையை சேதப்படுத்தியதாக தெரிகிறது.

இதுகுறித்த புகாரின் பேரில் 3 பேர் மீது அஞ்சுகிராமம் போலீசார் வழக்குப்பதிவு செய்து ரூபனை கைது செய்தனர். மற்ற 2 பேரை தேடிவருகின்றனர்.