<
பரப்பாடி அருகே குடும்ப தகராறில் மகள், மகனுக்கு விஷம் கொடுத்து விட்டு தாய் தற்கொலை முயற்சி ஆஸ்பத்திரியில் தீவிர சிகிச்சை
பரப்பாடி அருகே குடும்ப தகராறில் மகள், மகனுக்கு விஷம் கொடுத்து விட்டு தாய் தற்கொலை முயற்சியில் ஈடுபட்டார்.
இட்டமொழி,
பரப்பாடி அருகே குடும்ப தகராறில் மகள், மகனுக்கு விஷம் கொடுத்து விட்டு தாய் தற்கொலை முயற்சியில் ஈடுபட்டார். இந்த 3 பேரும் ஆஸ்பத்திரியில் தீவிர சிகிச்சை பெற்று வருகின்றனர்.
குடும்ப பிரச்சினை
பரப்பாடி அருகே உள்ள பாண்டிச்சேரி கிராமத்தை சேர்ந்தவர் ஊசிக்காட்டான்(வயது35). விவசாயி. இவருடைய மனைவி மணிமேகலை(30). இவர்களுக்கு சுபஸ்ரீ(11), சுஜிந்த்(10). இருவரும் பரப்பாடி டி.டி.டி.ஏ. பள்ளியில் படித்து வருகின்றனர்.
ஊசிக்காட்டானுக்கு மதுகுடிக்கும் பழக்கம் உள்ளது. இதனால், கணவன்–மனைவிக்கு இடையே தகராறு ஏற்பட்டு வந்தது. நேற்று முன்தினம் இரவும் வழக்கம் போல் ஊசிக்காட்டான் மது குடித்து விட்டு வீட்டுக்கு சென்றார். அங்கு மனைவியிடம் அவர் தகராறு செய்தார். இதனால் மணிமேகலை மனமுடைந்து காணப்பட்டார்.
விஷம் குடித்தனர்
இதில் வாழ்க்கையில் வெறுப்படைந்த அவர் நேற்று மதியம் மகன், மகளை அழைத்து கொண்டு மணிமேகலை ஊருக்கு மேற்கே ஓடை அருகில் உள்ள காட்டுப்பகுதிக்கு சென்றார். அங்கு வைத்து மகள், மகனுக்கு விஷத்தை கொடுத்து விட்டு மணிமேகலை தானும் விஷத்தை குடித்து உள்ளார். சிறிது நேரத்தில் 3 பேரும் வாயில் நுரை தள்ளியவாறு காட்டுப்பகுதியில் கிடந்தனர்.
ஆஸ்பத்திரியில் சிகிச்சை
இதை பார்த்த அக்கம் பக்கத்தினர் வடக்கு விஜயநாராயணம் போலீசாருக்கு தகவல் கொடுத்தனர். போலீஸ் இன்ஸ்பெக்டர் வெர்ஜின் சேவியோ மற்றும் போலீசார் அந்த பகுதிக்கு விரைந்து சென்றனர். மயங்கி கிடந்த 3 பேரையும் மீட்டு நாங்குநேரி அரசு ஆஸ்பத்திரிக்கு கொண்டு சென்றனர். அங்கு 3பேருக்கும் தீவிர சிகிச்சை அளிக்கப்பட்டு வருகிறது.
இதுகுறித்து வடக்கு விஜயநாராயணம் போலீசார் வழக்குப்பதிவு செய்து விசாரணை நடத்தி வருகின்றனர். குடும்ப பிரச்சினையில் மகள், மகனுக்கு விஷத்தை கொடுத்து விட்டு தாய் தற்கொலை முயற்சியில் ஈடுபட்டது அந்த பகுதியில் சோகத்தை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
