திருச்சி மாநகரில் இரு சக்கர வாகனங்களில் பின்னால் அமருபவர்களும் ஹெல்மெட் அணிவது கட்டாயம்

அதன்பேரில், பொதுமக்களின் நலன் கருதியும், வாகன விபத்துகளினால் ஏற்படும் உயிரிழப்பை தவிர்க்கும் வகையிலும் திருச்சி மாநகரில் இரு சக்கர வாகன ஓட்டிகள் மட்டுமின்றி வாகனத்தின் பின் இருக்கையில் அமர்ந்திருப்பவர்களும் கட்டாயம் ஹெல்மெட் அணிந்து செல்ல வேண்டும். அவ்வாறு அணிந்து செல்லாத வாகன ஓட்டிகள் மற்றும் அவருடன் செல்லும் நபர்கள் மீது மோட்டார் வாகன சட்டத்தின்படி வழக்கு பதிவு செய்யப்படும்.

எனவே பொதுமக்கள் தங்களின் நலன் கருதி இரு சக்கர வாகனத்தில் செல்லும்போது ஓட்டுனர் மற்றும் பின் இருக்கையில் அமருபவர்களும் கட்டாயம் ஹெல்மெட் அணிய வேண்டும். நான்கு சக்கர வாகனத்தில் செல்லும்போது ‘சீட் பெல்ட்’ அணிந்து செல்ல வேண்டும். வாகனங்களை ஓட்டிச்செல்லும்போது செல்போனில் பேசிக்கொண்டு வாகனங்கள் ஓட்டுவதை தவிர்க்க வேண்டும். இவ்வாறு அவர் அதில் கூறியுள்ளார்.