மாவட்ட செய்திகள்

தமிழக மீனவர்கள் 6 பேரை ஈரான் கடற்படை சிறைபிடித்தது + "||" + 6 Indian fishermen arrested by Iran Navy

தமிழக மீனவர்கள் 6 பேரை ஈரான் கடற்படை சிறைபிடித்தது

தமிழக மீனவர்கள் 6 பேரை ஈரான் கடற்படை சிறைபிடித்தது
துபாயில் மீன்பிடி தொழில் செய்து வந்த தமிழக மீனவர்கள் 6 பேரை ஈரான் கடற்படையினர் சிறைபிடித்து சென்றனர்.

கீழக்கரை,

ராமநாதபுரம் மாவட்டத்தில் இருந்து ஏராளமானோர் வளைகுடா நாடுகளில் மீன்பிடி தொழிலில் ஈடுபட்டு வருகின்றனர். அதன்படி கீழக்கரை அருகே உள்ள மங்களேஸ்வரி நகர் சேர்ந்த முனியாண்டி மகன் பாலகுமார் (வயது 33), வைரவன்கோவில் பஞ்சவர்ணம் மகன் சதீஸ் (22), களிமண்குண்டு பகுதியை சேர்ந்த தங்கவேல் மகன் பூமிநாதன் (26), கல்காடு பகுதியை சேர்ந்த செல்வம் மகன் அலெக்ஸ் பாண்டியன்(21), தங்கராஜ் மகன் துரைமுருகன்(25), மற்றும் தூத்துக்குடி மாவட்டம் குலசேகரபட்டினத்தை சேர்ந்த மில்டன் ஆகியோர் துபாயில் மீன்பிடி தொழிலில் ஈடுபட்டு வந்தனர்.

இந்தநிலையில் இவர்கள் அனைவரும் சம்பவத்தன்று, கடலில் மீன்பிடிக்க சென்றுள்ளனர். அப்போது அங்கு ரோந்து வந்த ஈரான் கடற்படையினர், கடலில் மீன்பிடித்து கொண்டிருந்த 6 மீனவர்களையும் எல்லை தாண்டி வந்ததாக கூறி கைது, சிறை பிடித்து சென்றனர். பின்னர் அவர்களை அந்நாட்டிற்கு கொண்டு சென்றனர்.

இதுபற்றி மீனவர்களின் குடும்பத்தினருக்கு தகவல் தெரிவிக்கப்பட்டது. அதைத்தொடர்ந்து மீனவர்களின் குடும்பத்தினர் தமிழக அரசும், மத்திய அரசும் மீனவர்களை உடனடியாக மீட்க நடவடிக்கை எடுக்க வேண்டும் என்று கோரிக்கை விடுத்துள்ளனர். மேலும் இதுதொடர்பாக மாவட்ட கலெக்டரை சந்தித்து மனு அளிக்க உள்ளனர்.

இலங்கை கடற்படையினரால் தமிழக மீனவர்களை கைது செய்யப்படுவது தொடர்கதையாகி வரும் நிலையில், வெளிநாட்டில் மீன்பிடி தொழிலில் ஈடுபட்டுள்ள தமிழக மீனவர்களை தற்போது ஈரான் கடற்படையினர் கைது செய்துள்ள சம்பவம் மீனவர்களிடையே சோகத்தை ஏற்படுத்தியுள்ளது.



தொடர்புடைய செய்திகள்

1. குறைந்த அளவு மீன்கள் கிடைத்ததால் பாம்பன் மீனவர்கள் ஏமாற்றம்
பாம்பன் மீனவர்களுக்கு குறைந்த அளவில் மீன்கள் கிடைத்ததால் மிகுந்த ஏமாற்றம் அடைந்துள்ளனர்.
2. கடல் முகத்துவாரத்தை தூர்வாரக்கோரி மீனவர்கள் திடீர் சாலை மறியல்
கடல் முகத்துவாரத்தை தூர்வாரக்கோரி புதுச்சேரியில் மீனவர்கள் திடீர் சாலைமறியலில் ஈடுபட்டனர்.
3. தஞ்சை மாவட்டத்தில் 13-வது நாளாக விசைப்படகு மீனவர்கள் வேலை நிறுத்தம் மீன்கள் விலை கடும் உயர்வு
தஞ்சை மாவட்டத்தில் 13-வது நாளாக விசைப்படகு மீனவர்கள் வேலை நிறுத்தத்தில் ஈடுபட்டுள்ளனர். இதனால் மீன்கள் விலை கடுமையாக உயர்ந்துள்ளது.
4. மீன்கள் கிடைக்காததால் ஏமாற்றத்துடன் கரைக்கு திரும்பிய மீனவர்கள்
கடல் நீரோட்டத்தில் ஏற்பட்டுள்ள மாற்றம் காரணமாக போதிய மீன்கள் கிடைக்காமல் மீனவர்கள் ஏமாற்றத்துடன் கரைக்கு திரும்பி வருகின்றனர்.
5. துபாய் கடலில் மீன் பிடித்த தமிழக மீனவர்கள் 6 பேரை ஈரான் கடற்படை சிறைபிடித்தது
எல்லைதாண்டி வந்ததாக கூறி தமிழக மீனவர்கள் 6 பேரை ஈரான் கடற்படையினர் கைது செய்து சிறைபிடித்து சென்றனர்.