மாவட்ட செய்திகள்

பெங்களூருவில் இருந்து சென்னைக்கு ரூ.4 லட்சம் குட்கா கடத்தல் 3 பேர் கைது + "||" + From Bangalore Rs 4 lakh to Chennai Gutka smuggling 3 people arrested

பெங்களூருவில் இருந்து சென்னைக்கு ரூ.4 லட்சம் குட்கா கடத்தல் 3 பேர் கைது

பெங்களூருவில் இருந்து சென்னைக்கு ரூ.4 லட்சம் குட்கா கடத்தல் 3 பேர் கைது
பெங்களூருவில் இருந்து சென்னைக்கு ரூ.4 லட்சம் மதிப்புள்ள குட்கா கடத்தி வந்த 3 பேரை போலீசார் கைது செய்தனர்.
பூந்தமல்லி,

சென்னை கோயம்பேடு பஸ் நிலையத்துக்கு வெளிமாநிலங்களில் இருந்து வரும் பஸ்களில் தமிழக அரசால் தடை செய்யப்பட்ட குட்கா கடத்தி வரப்படுவதாக போலீசாருக்கு தகவல் வந்தது. அதன்பேரில் கோயம்பேடு உதவி கமிஷனர் ஜான்சுந்தர், இன்ஸ்பெக்டர் ராஜ்குமார் ஆகியோர் தலைமையில் தனிப்படைகள் அமைத்து கோயம்பேடு பஸ் நிலையத்தில் தீவிர கண்காணிப்பில் ஈடுபட்டனர்.


இந்தநிலையில் நேற்று பெங்களூருவில் இருந்து சென்னை கோயம்பேடு பஸ் நிலையம் வந்த தனியார் பஸ்சில் இருந்து இறக்கப்பட்ட 7 மூட்டைகளை மினி லோடு வேனில் சிலர் ஏற்றிக்கொண்டு இருந்தனர்.

அப்போது அங்கு வந்த போலீசார், மினி லோடு வேனில் ஏற்றப்பட்டு இருந்த பார்சலை சந்தேகத்தின்பேரில் பிரித்து சோதனை செய்தனர். அதில், தடை செய்யப்பட்ட குட்கா இருப்பது தெரிந்தது. இதையடுத்து மினி லோடு வேனுடன் குட்கா மூட்டைகளை போலீசார் பறிமுதல் செய்தனர்.

மேலும் இது தொடர்பாக அந்த பார்சல்களை மினி லோடு வேனில் ஏற்றும் பணியில் ஈடுபட்டு இருந்த 3 பேரை பிடித்து விசாரித்தனர். அவர்கள், சென்னை சவுகார்பேட்டையை சேர்ந்த ஜலும் சிங் (வயது 28), நாராயண சிங்(32), புழலை சேர்ந்த ரேவத் சிங்(29) என்பது தெரிந்தது. 3 பேரையும் போலீசார் கைது செய்தனர்.

கைதான 3 பேரும் சென்னை சவுகார்பேட்டையில் டீ கடை நடத்தி வந்தனர். அதில் நஷ்டம் ஏற்பட்டதால் தடை செய்யப்பட்ட குட்காவை பெங்களூருவில் இருந்து மொத்தமாக கடத்தி வந்து சவுகார்பேட்டையில் உள்ள அறையில் வைத்துக்கொண்டு சில கடைகளுக்கு சில்லறை முறையில் விற்பனை செய்து வந்திருப்பது விசாரணையில் தெரியவந்தது.

அவர்களிடம் இருந்து சுமார் ரூ.4 லட்சம் மதிப்புள்ள 200 கிலோ குட்கா மற்றும் ஒரு மினி லோடு வேன், மோட்டார்சைக்கிள் ஆகியவற்றை போலீசார் பறிமுதல் செய்தனர்.

தொடர்புடைய செய்திகள்

1. ஆடுகளை திருட முயன்ற 3 பேர் கைது
அதிகாலையில் அவரது வீட்டில் உள்ள ஆடுகளை மர்ம நபர்கள் திருடிக்கொண்டிருந்த போது ஆடுகள் சத்தம் போடவே, தூங்கி கொண்டிருந்த பன்னீர்செல்வம் எழுந்து வந்து பார்த்தார்.
2. கோவில் திருவிழாவில் தகராறு, வாலிபருக்கு கத்திக்குத்து - கல்லூரி மாணவர் உள்பட 3 பேர் கைது
கோவில் திருவிழாவில் ஏற்பட்ட தகராறில் வாலிபரை கத்தியால் குத்திய கல்லூரி மாணவர் உள்பட 3 பேரை போலீசார் கைது செய்தனர்.
3. காங்கேயம் அருகே பரபரப்பு,போலீஸ்காரர் மீது தாக்குதல்; 3 பேர் கைது
காங்கேயம் அருகே போலீஸ்காரரை தாக்கிய 3 பேர் கைது செய்யப்பட்டனர். இந்த சம்பவம் அப்பகுதியில் பரபரப்பை ஏற்படுத்தியது.
4. நெல்லையில் பெண்களிடம் நகை பறிப்பு: கல்லூரி மாணவர் உள்பட 3 பேர் கைது - 28 பவுன் மீட்பு
நெல்லையில் பெண்களிடம் நகை பறிப்பில் ஈடுபட்ட கல்லூரி மாணவர் உள்பட 3 பேர் கைது செய்யப்பட்டனர். அவர்களிடம் இருந்து 28 பவுன் நகை மீட்கப்பட்டது.
5. உளுந்தூர்பேட்டை பகுதியில் தொடர் திருட்டில் ஈடுபட்ட 3 பேர் சிக்கினர் - 31 பவுன் நகைகள் மீட்பு
உளுந்தூர்பேட்டை பகுதியில் தொடர் திருட்டில் ஈடுபட்ட 3 பேரை போலீசார் கைது செய்தனர். அவர்களிடம் இருந்து 31 பவுன் நகைகள் மீட்கப்பட்டது.