மாவட்ட செய்திகள்

அமைச்சர் விஜயபாஸ்கர், டி.ஜி.பி. ராஜேந்திரன் ராஜினாமா செய்ய வேண்டும் முத்தரசன் பேட்டி + "||" + Minister Vijayapaskar, DGP Rajendran's resignation must be interviewed by Muthrasan

அமைச்சர் விஜயபாஸ்கர், டி.ஜி.பி. ராஜேந்திரன் ராஜினாமா செய்ய வேண்டும் முத்தரசன் பேட்டி

அமைச்சர் விஜயபாஸ்கர், டி.ஜி.பி. ராஜேந்திரன் ராஜினாமா செய்ய வேண்டும் முத்தரசன் பேட்டி
குட்கா விவகாரத்தில் சி.பி.ஐ. விசாரணைக்கு உட்படுத்தப்பட்டுள்ள அமைச்சர் விஜயபாஸ்கர், டி.ஜி.பி. ராஜேந்திரன் ஆகியோர் ராஜினாமா செய்ய வேண்டும் என புதுக்கோட்டையில் இந்திய கம்யூனிஸ்டு கட்சியின் மாநில செயலாளர் முத்தரசன் கூறினார்.
புதுக்கோட்டை,

பெட்ரோல், டீசல் விலை கடுமையாக உயர்ந்து விட்டது. இதனால், மக்கள் அல்லல்படுகின்றனர். ஆனால், மத்திய அரசு அதன் விலையை குறைக்க முன்வரவில்லை. விலையை குறைக்கவில்லை என்றால் கண்டிப்பாக போராட்டம் நடத்துவதை தவிர வேறு வழியில்லை. தமிழகத்தில் தற்போது நடைபெற்று வரும் சம்பவம் பெரும் தலைகுனிவை ஏற்படுத்தி உள்ளது.


குட்கா விவகாரத்தில் சம்பந்தப்பட்டு தற்போது சி.பி.ஐ விசாரணைக்கு உட்படுத்தப்பட்டுள்ள அமைச்சர் விஜயபாஸ்கர் மற்றும் டி.ஜி.பி. ராஜேந்திரன் ஆகியோர் உடனடியாக தங்களது பதவியை ராஜினாமா செய்ய வேண்டும். இல்லையென்றால், முதல்-அமைச்சர் அவர்களை டிஸ்மிஸ் செய்ய வேண்டும்.

தூத்துக்குடி மாணவி சோபியா விவகாரத்தில், பா.ஜ.க. மாநில தலைவர் தமிழிசை சவுந்தரராஜன் மனபக்குவத்தோடு நடந்து கொண்டிருக்க வேண்டும். தற்போது மாணவி சோபியாவின் பாஸ்போர்ட்டை முடக்குவதற்கான நடவடிக்கையை தமிழக காவல்துறை எடுத்து உள்ளது கண்டிக்கத்தக்கது. அவ்வாறு செய்தால் மாணவியின் எதிர்காலமே சீர்குலைந்து போய்விடும். சோபியா மீது அவர் கொடுத்து உள்ள புகாரை வாபஸ் பெற வேண்டும். மோடியின் கொள்கை தான் ஹிட்லர் கொள்கை. பா.ஜ.க. தான் பாசிச கட்சி. இதை எத்தனை முறை வேண்டுமானாலும் சொல்வோம். எத்தனை வழக்குகள் போட்டாலும் போட்டு கொள்ளட்டும். தமிழகத்தை பாலைவனமாக ஆக்குவது என்று மத்திய அரசு முடிவு செய்து விட்டது. எனவே தான் தற்போது தமிழகத்தில் 3 இடங்களில் இயற்கை எரிவாயு எடுப்பதற்கு அனுமதி அளித்து உள்ளது. இது மத்திய அரசு தமிழகத்திற்கு செய்யும் பச்சை துரோகம். இதற்கு தமிழக முதல்-அமைச்சர் மவுனமாக இருக்காமல் இதை எதிர்த்து பலத்த குரல் கொடுக்க வேண்டும். இவ்வாறு அவர் கூறினார். 


தொடர்புடைய செய்திகள்

1. மணல் கொள்ளையர்களுக்கு அமைச்சர்கள் துணையாக உள்ளனர் நல்லக்கண்ணு பேட்டி
மணல் கொள்ளையர்களுக்கு அமைச்சர்கள் துணையாக உள்ளனர் என்று நல்லக்கண்ணு கூறினார்.
2. பா.ஜ.க. மீண்டும் ஆட்சிக்கு வராது முத்தரசன் பேட்டி
பா.ஜ.க. மீண்டும் ஆட்சிக்கு வராது என்று முத்தரசன் கூறினார்.
3. இலவச பொருட்கள் குறித்து ரஜினிகாந்தின் கருத்து சரியானது பொன்.ராதாகிருஷ்ணன் பேட்டி
இலவச பொருட்கள் குறித்து ரஜினிகாந்தின் கருத்து சரியானது என்று பொன்.ராதாகிருஷ்ணன் கூறினார்.
4. விதை விற்பனையில் மோசடி செய்த நிறுவனங்கள் மீது கடும் நடவடிக்கை பி.ஆர்.பாண்டியன் பேட்டி
திருவாரூர் மாவட்டத்தில் விதை விற்பனையில் மோசடி செய்த நிறுவனங்கள் மீது நடவடிக்கை எடுக்க வேண்டும் என்று தமிழக அனைத்து விவசாயிகள் சங்கங்களின் ஒருங்கிணைப்புக்குழு தலைவர் பி.ஆர்.பாண்டியன் கூறினார்.
5. மத்திய, மாநில அரசுகள் விவசாயிகளுக்கு முன்னுரிமை அளிக்கவில்லை ஜி.கே.வாசன் பேட்டி
மத்திய, மாநில அரசுகள் விவசாயிகளுக்கு முன்னுரிமை அளிக்கவில்லை என மன்னார்குடியில் ஜி.கே.வாசன் கூறினார்.