மாவட்ட செய்திகள்

காலிக்குடங்களுடன் மறியலுக்கு முயன்ற பெண்களால் பரபரப்பு + "||" + Fascinated by women who tried to push up with empty empires

காலிக்குடங்களுடன் மறியலுக்கு முயன்ற பெண்களால் பரபரப்பு

காலிக்குடங்களுடன் மறியலுக்கு முயன்ற பெண்களால் பரபரப்பு
திருப்பூரில் குடிநீர் தட்டுப்பாட்டை கண்டித்து காலிக்குடங்களுடன் மறியலுக்கு முயன்ற பெண்களால் பரபரப்பு ஏற்பட்டது.
திருப்பூர், 

திருப்பூர் ஊத்துக்குளி ரோடு பாளையக்காடு பகுதியில் ஆயிரத்துக்கும் மேற்பட்டவர்கள் வசித்து வருகிறார்கள். இந்த பகுதியில் குடிநீர் தட்டுப்பாடு ஏற்பட்டுள்ளதால் உரிய நடவடிக்கை மேற்கொள்ளாத மாநகராட்சி நிர்வாகத்தை கண்டித்து நேற்று மதியம் அப் பகுதியை சேர்ந்த 50-க்கும் மேற்பட்ட பெண்கள் காலிக்குடங்களுடன் பாளையக்காடு பஸ் நிறுத்தம் அருகே சாலைமறியல் செய்ய முயன்றனர். இதனால் அங்கு பரபரப்பு ஏற்பட்டது.

சம்பவம் பற்றி அறிந்ததும் திருப்பூர் வடக்கு போலீசார் விரைந்து சென்று பெண்களிடம் பேச்சுவார்த்தை நடத்தினார்கள். இதைத்தொடர்ந்து மாநகராட்சி உதவி ஆணையாளர் முகமது சபியுல்லா வந்து பெண்களிடம் பேசினார்.

அப்போது அங்கிருந்த பெண்கள் கூறும்போது, எங்கள் பகுதிக்கு குழாய்கள் மூலமாக 2 வாரங்களுக்கு ஒரு முறை 1 மணி நேரம் குடிநீர் திறந்து விடுவதாக கூறுகிறார்கள். ஆனால் 45 நிமிடங்கள் மட்டுமே குடிநீர் வருகிறது. பெரும்பாலானவர்களுக்கு போதுமான குடிநீர் கிடைப்பதில்லை. குடிநீர் தட்டுப்பாடு காரணமாக மிகவும் சிரமத்தை சந்தித்து வருகிறோம். எங்கள் பகுதியில் ஆழ்குழாய் கிணறுகள் மூலமாக வீட்டு உபயோகத்துக்கான தண்ணீர் கிடைப்பதிலும் தட்டுப்பாடு ஏற்பட்டுள்ளது. இதுகுறித்து மாநகராட்சி அதிகாரிகளிடம் முறையிட்டும் உரிய நடவடிக்கை இல்லை. எங்களுக்கு போதுமான குடிநீர் கிடைக்கவும், புதிதாக ஆழ்குழாய் கிணறுகள் அமைத்து தண்ணீர் கிடைக்கவும் ஏற்பாடு செய்ய வேண்டும் என்றனர்.

இதற்கு உதவி ஆணையாளர், வாரம் ஒருமுறை குடிநீர் திறப்பதற்கு ஏற்பாடு செய்யப்படும். லாரி மூலமாக தண்ணீர் வினியோகம் செய்யவும் நடவடிக்கை எடுக்கப்படும் என்று கூறினார். இதைத்தொடர்ந்து சமாதானம் அடைந்த பெண்கள் அங்கிருந்து கலைந்து சென்றனர். 

தொடர்புடைய செய்திகள்

1. புயல் நிவாரணம் பாரபட்சமின்றி வழங்கக்கோரி பொதுமக்கள் சாலை மறியல் 1 மணி நேரம் போக்குவரத்து பாதிப்பு
புயல் நிவாரணம் பாரபட்சமின்றி வழங்கக்கோரி திருத்துறைப்பூண்டி அருகே மேலமருதூரில் பொதுமக்கள் சாலை மறியல் போராட்டத்தில் ஈடுபட்டனர். இதனால் 1 மணி நேரம் போக்குவரத்து பாதிக்கப்பட்டது.
2. உப்பிலியபுரம் அருகே குடிநீர் கேட்டு பொதுமக்கள் சாலை மறியல்
உப்பிலியபுரம் அருகே உள்ள வடக்குப்பட்டி கிராமத்தில் குடிநீர் கேட்டு பொதுமக்கள் சாலை மறியலில் ஈடுபட்டனர்.
3. ஜாக்டோ–ஜியோவின் 7 அம்ச கோரிக்கைகளை வலியுறுத்தி மாநிலம் முழுவதும் 25–ந்தேதி மறியல் போராட்டம்
ஜாக்டோ–ஜியோவின் 7 அம்ச கோரிக்கைகளை வலியுறுத்தி தமிழகத்தில் வருகிற 25–ந்தேதி மாநிலம் முழுவதும் சாலை மறியல் போராட்டம் நடத்துவது என தொடக்கப்பள்ளி ஆசிரியர் கூட்டணி மாவட்ட செயலாளர்கள் கூட்டத்தில் தீர்மானம் நிறைவேற்றப்பட்டது.
4. அனைவருக்கும் நிவாரணம் வழங்க வலியுறுத்தி பொதுமக்கள் சாலை மறியல் 110 பேர் கைது
புயலால் பாதிக்கப்பட்ட அனைவருக்கும் நிவாரணம் வழங்க வலியுறுத்தி சிக்கல் அருகே பொது மக்கள் சாலை மறியல் போராட்டத்தில் ஈடுபட்டனர். இதில் 110 பேரை போலீசார் கைது செய்தனர்.
5. பொங்கல் பரிசு வழங்காததை கண்டித்து கட்டுமாவடியில் பொதுமக்கள் சாலை மறியல் போக்குவரத்து பாதிப்பு
பொங்கல் பரிசு வழங்காததை கண்டித்து கட்டுமாவடியில் பொதுமக்கள் சாலை மறியலில் ஈடுபட்டதால் போக்குவரத்து பாதிக்கப்பட்டது.