மாவட்ட செய்திகள்

திண்டுக்கல் ரெயில் நிலையத்தில் சுரங்கப்பாதையில் 3 மொழிகளில் மிளிரும் திருக்குறள் + "||" + Dindigul Rail Station Subway Thirakkural in 3 languages

திண்டுக்கல் ரெயில் நிலையத்தில் சுரங்கப்பாதையில் 3 மொழிகளில் மிளிரும் திருக்குறள்

திண்டுக்கல் ரெயில் நிலையத்தில் சுரங்கப்பாதையில் 3 மொழிகளில் மிளிரும் திருக்குறள்
திண்டுக்கல் ரெயில் நிலைய சுரங்கப்பாதையில் 3 மொழிகளில் திருக்குறள் எழுதப்பட்டுள்ளது.

திண்டுக்கல்,

திண்டுக்கல் ரெயில் நிலையத்தில் 70–க்கும் மேற்பட்ட ரெயில்கள் நின்று செல்கின்றன. இதன் மூலம் 7 ஆயிரத்துக்கும் அதிகமாக பயணிகள் வந்து செல்கின்றனர். இதனால் ரெயில் நிலையத்தை நவீனப்படுத்தவும், அடிப்படை வசதிகளை மேம்படுத்தவும் நடவடிக்கை எடுக்கப்பட்டு வருகிறது. இங்கு டிக்கெட் கவுண்ட்டரில் இருந்து 3–வது நடைமேடைக்கு செல்வதற்கு ஏற்கனவே சுரங்கப்பாதை வசதி உள்ளது.

இதற்கிடையே முதலாவது நடைமேடையில் இருந்து 6–வது நடைமேடை வரை நடைமேடை பாலம் நீட்டிக்கப்பட்டது. மேலும் நடைமேடை பாலத்துக்கு எளிதாக செல்லும் வகையில் 3 லிப்டுகளும் அமைக்கப்பட்டன. இதனால் சுரங்கப்பாதை வழியாக சென்று வரும் பயணிகளின் எண்ணிக்கை குறைய தொடங்கி உள்ளது. இதை பயன்படுத்தி சுரங்கப்பாதையை சிலர் அசுத்தமாக்கினர்.

இதை தவிர்க்கும் வகையில் சுரங்கப்பாதை நுழைவாயிலில் திண்டுக்கல் மலைக்கோட்டை, சிறுமலை ஆகியவற்றின் ஓவியம் வரையப்பட்டது. அதேநேரம் சுரங்கப்பாதை சுவர்களில் விளம்பரம் செய்வதற்கு தனியார் நிறுவனத்துடன் ஒப்பந்தம் செய்யப்பட்டது. இதையடுத்து அந்த நிறுவனம் சார்பில் விளம்பர பலகைகள் வைக்கப்பட்டன.

இந்த நிலையில் சுரங்கப்பாதையின் இருபக்க சுவர்களிலும் காலியாக உள்ள இடத்தில் உலக பொதுமறையான திருக்குறள் எழுதப்பட்டுள்ளது. மொத்தம் 11 குறள்களுடன், சுரங்கப்பாதை அழகாக மிளிர்கிறது. சுரங்கப்பாதைக்குள் நுழைந்ததும் முதலில் குறள் தெரியும் வகையில் எழுதப்பட்டு இருக்கிறது.

தமிழ், ஆங்கிலம் மற்றும் இந்தி ஆகிய 3 மொழிகளில் எழுதப்பட்டு இருப்பது மற்றொரு சிறப்பு அம்சம் ஆகும். இதேபோல் ஒவ்வொரு திருக்குறளின் அருகிலும் அதன் வரிசை எண் குறிப்பிட்டுள்ளனர். இது ரெயில் பயணிகளை வெகுவாக கவர்ந்துள்ளது.


தொடர்புடைய செய்திகள்

1. தமிழகத்தில் முதல் முறையாக கோவை ரெயில்நிலையம் முன் 100 அடி உயரத்தில் தேசியக்கொடி கம்பம்
தமிழகத்தில் முதல் முறையாக கோவை ரெயில்நிலையம் முன் 100 அடி உயரத்தில் தேசியக்கொடி கம்பம் அமைக்கும் பணி நடைபெற்று வருகிறது.
2. விலைவாசி உயர்வை கட்டுப்படுத்த வலியுறுத்தி மார்க்சிஸ்ட் கம்யூனிஸ்டு கட்சியினர் ரெயில் மறியல் 100 பேர் கைது
விலைவாசி உயர்வை கட்டுப்படுத்த வலியுறுத்தி கொரடாச்சேரியில் மார்க்சிஸ்ட் கம்யூனிஸ்டு கட்சியினர் ரெயில் மறியல் போராட்டத்தில் ஈடுபட்டனர். இதில் 100 பேரை போலீசார் கைது செய்தனர்.
3. அம்ரிதா எக்ஸ்பிரஸ் இணைப்பு ரெயிலுக்கு பதிலாக பட்ஜெட்டில் அறிவிக்கப்படாத புதிய ரெயில், கேரளாவுக்காக இயக்கப்படுகிறது
கேரள பயணிகளின் வசதிக்காக பட்ஜெட்டில் அறிவிக்கப்படாமல் தென்னக ரெயில்வேயில் அம்ரிதா எக்ஸ்பிரஸ் இணைப்பு ரெயிலுக்கு பதிலாக புதிய எக்ஸ்பிரஸ் ரெயில் இயக்கப்பட உள்ளது.
4. பாம்பனில் புதிய ரெயில் பாலம் அமைக்க மண் ஆய்வு தொடங்கியது
புதிய ரெயில் பாலம் அமைக்க பாம்பனில் மண் ஆய்வு பணி தொடங்கியது.
5. ராமநாதபுரம் வரை இயக்கப்படுகிறது: ராமேசுவரம் செல்லும் ரெயில்கள் போக்குவரத்தில் மாற்றம்
ராமேசுவரம் ரெயில் பாதையில் உள்ள பாம்பன் ரெயில்பாலம் பழுதடைந்ததை தொடர்ந்து அந்த பாதையில் இயக்கப்படும் ரெயில்களின் போக்குவரத்தில் மாற்றம் செய்யப்பட்டுள்ளது. இந்த ரெயில்கள் ராமநாதபுரம் வரை இயக்கப்படுகிறது.