மாவட்ட செய்திகள்

வெளிநாடு வாழ் தமிழரிடம் ரூ.1 கோடியே 59 லட்சத்து 51 ஆயிரம் மோசடி, 3 பேர் கைது + "||" + Tamils living abroad to Fraud, 3 arrested

வெளிநாடு வாழ் தமிழரிடம் ரூ.1 கோடியே 59 லட்சத்து 51 ஆயிரம் மோசடி, 3 பேர் கைது

வெளிநாடு வாழ் தமிழரிடம் ரூ.1 கோடியே 59 லட்சத்து 51 ஆயிரம் மோசடி, 3 பேர் கைது
வெளிநாடு வாழ் தமிழரிடம் ரூ.1 கோடியே 59 லட்சத்து 51 ஆயிரம் மோசடி செய்த ஒரே குடும்பத்தை சேர்ந்த 3 பேர் கைது செய்யப்பட்டனர். அரசு வங்கி மேலாளாரை போலீசார் தேடி வருகிறார்கள்.

மதுரை,

ஆப்பிரிக்க நாட்டை சேர்ந்தவர் ராஜமாணிக்கம் பாஸ்கர்(வயது 56). மதுரையை பூர்விகமாக கொண்ட இவர் அந்த நாட்டில் தொழில் செய்து வருகிறார். மேலும் அவர் மதுரை காளவாசலில் உள்ள அரசு வங்கியில் கணக்கு வைத்திருந்தார். அப்போது அவரது கணக்கில் பல கோடி ரூபாய் இருப்பதை அந்த வங்கி மேலாளர் அறிந்தார்.

எனவே அந்த வங்கியின் மேலாளர் நல்லபெருமாள் வெளிநாட்டில் உள்ள ராஜமாணிக்கம் பாஸ்கரை தொடர்பு கொண்டு மானகிரி பகுதியில் நிலம் ஒன்று விலைக்கு வந்துள்ளதாக தெரிவித்தார். மேலும் அந்த நிலத்தின் மதிப்பு குறைவாக இருப்பதால் உடனே அதனை விலைக்கு வாங்கி கொள்ளுமாறு அவரிடம் கூறியுள்ளார். எனவே அவர் அந்த நிலத்தை வாங்க முடிவு செய்தார்.

இதற்கிடையில் நிலத்தை பதிவு செய்வதற்கு ராஜமாணிக்கம் பாஸ்கரிடம் உங்களுடைய கையெழுத்து போட்ட காசோலை ஒன்றை அனுப்புமாறு வங்கி மேலாளர் கேட்டுள்ளார். அவரும் அதன்படி கையெழுத்து போட்ட காசோலையை அனுப்பியுள்ளார். அதனை பயன்படுத்தி நல்லபெருமாள் மற்றும் மீனாட்சி சுந்தரம், அவரது மனைவி பராசத்தி, மகன் பாலாஜி வெங்கடேசன் ஆகியோர் சேர்ந்து 1 கோடியே 59 லட்சத்து 51 ஆயிரம் ரூபாயை அவரது வங்கியில் இருந்து எடுத்து கொண்டனர். இதற்கிடையில் பணத்தை மோசடி செய்து எடுத்தது ராஜமாணிக்கம் பாஸ்கருக்கு தெரியவந்தது.

உடனே அவர் மதுரை குற்றப்பிரிவு போலீசில் புகார் அளித்தார். புகாரின் பேரில் போலீசார் வழக்குப்பதிவு செய்து விசாரணை நடத்தி மீனாட்சி சுந்தரம், அவரது மனைவி, மகனை கைது செய்தனர். இதற்கிடையில் வங்கி மேலாளர் நல்லபெருமாள் பதவி உயர்வு பெற்று வெளிமாநிலத்திற்கு சென்றது விசாரணையில் தெரியவந்தது. அவரை போலீசார் தேடி வருகிறார்கள்.


தொடர்புடைய செய்திகள்

1. பேரையூர் அருகே போலீஸ் நிலையம் முன்பு ‘டிக்–டாக்’ வீடியோ எடுத்த 2 பேர் கைது
சாப்டூர் போலீஸ் நிலையம் முன்பு ‘டிக்–டாக்’ ஆப் மூலம் வீடியோ எடுத்து பதிவேற்றம் செய்த 2 வாலிபர்களை சாப்டூர் போலீசார் கைது செய்தனர்.
2. தென்பெண்ணை ஆற்று பகுதியில் சாக்கு மூட்டைகளில் மணல் கடத்தல் வாலிபர் கைது
தென்பெண்ணை ஆற்று பகுதியில் நூதன முறையில் சாக்கு மூட்டைகளில் மணல் கடத்திய வாலிபரை கைது செய்யப்பட்டார். தப்பி ஓடிய மற்றொருவரை போலீசார் தேடி வருகின்றனர்.
3. நிலத்தை அளவீடு செய்து கொடுக்க ரூ.65 ஆயிரம் லஞ்சம் வாங்கிய அரசு ஊழியர் கைது
நிலத்தை அளவீடு செய்து கொடுக்க ரூ.65 ஆயிரம் லஞ்சம் வாங்கிய அரசு ஊழியர் கோபி ஆர்.டி.ஓ. அலுவலகத்தில் கைது செய்யப்பட்டார்.
4. தேவர்சோலையில் துப்பாக்கி தோட்டாக்களுடன் 5 பேர் கைது
தேவர்சோலையில் துப்பாக்கி தோட்டாக்களுடன் 5 பேரை போலீசார் கைது செய்தனர்.
5. தொண்டி பகுதியில் கடலில் வெடிகுண்டு வீசி மீன்பிடிப்பில் ஈடுபட்டவர் கைது 46 டெட்டனேட்டர்கள்–ஜெலட்டின் குச்சிகள் பறிமுதல்
தொண்டி பகுதியில் சட்டவிரோதமாக கடலில் வெடிகுண்டுகளை வீசி மீன்பிடிப்பில் ஈடுபட்டவரை கடலோர போலீசார் கைதுசெய்தனர். அவரிடம் இருந்து 46 டெட்டனேட்டர்கள், ஜெலட்டின் குச்சிகள் பறிமுதல் செய்யப்பட்டன.

ஆசிரியரின் தேர்வுகள்...