மாவட்ட செய்திகள்

ரெயில்வேயில் வேலை வாங்கி தருவதாக கூறி 35 பேரிடம் மோசடி + "||" + Railway bought the promising work of 35 people for fraud

ரெயில்வேயில் வேலை வாங்கி தருவதாக கூறி 35 பேரிடம் மோசடி

ரெயில்வேயில் வேலை வாங்கி தருவதாக கூறி 35 பேரிடம் மோசடி
ரெயில்வேயில் வேலை வாங்கி தருவதாக கூறி 35 பேரிடம் மோசடி செய்த அர்ச்சகரை போலீசார் கைது செய்தனர்.
சேத்துப்பட்டு, 


பெரணமல்லூரை அடுத்த ரகுநாதபுரத்தை சேர்ந்தவர் ராகவச்சாரி. இவர் ஆற்காடு, நெடுங்குணம், மழையூர் ஆகிய பகுதியில் உள்ள பெருமாள் கோவிலில் அர்ச்சகராக இருந்து வந்தார். நெடுங்குணம் கிராமத்தில் தங்கி இருந்தார்.

பெரணமல்லூர், சேத்துப்பட்டு பகுதியை சேர்ந்த சிலரிடம் இவர் எனக்கு திருச்சியில் ரெயில்வே துறையில் பொறியாளர் ஒருவர் நண்பராக உள்ளார். அவர் மூலம் ரெயில்வேயில் வேலைவாங்கித்தர என்னால் முடியும் என்றும் அதற்கு பணம் செலவாகும் என்றும் கூறியுள்ளார். இதனை உண்மையென நம்பி பலர் அவரை அணுகியுள்ளனர். இவ்வாறு அவர் 35 பேருக்கு வேலை வாங்கி தருவதாக பல லட்சம் ரூபாய் பெற்றுள்ளார். பணம் வாங்கியவர்களிடம் ஒரு மாதத்தில் வேலை கிடைத்து விடும் என்று கூறினார்.

சுமார் 6 மாதம் ஆகியும் யாருக்கும்வேலை கிடைக்கவில்லை. இதனால் ஆத்திரம் அடைந்த அவர்கள் ராகவச்சாரியை சந்திப்பதற்காக அவரது வீட்டிற்கு சென்றனர். அப்போது அவர்களுக்கு, ராகவச்சாரி தலைமறைவு ஆகியிருப்பது தெரியவந்தது.

பாதிக்கப்பட்டவர்கள் திருவண்ணாமலை குற்றப்பிரிவு போலீசிலும், சேத்துப்பட்டு போலீஸ் நிலையத்திலும் புகார் செய்தனர். இந்த நிலையில் கோழிப்புலியூர் கூட்டுரோடு பகுதியில் இருந்த ராகவச்சாரியை பாதிக்கப்பட்டவர்கள் பிடித்து சேத்துப்பட்டு போலீசில் ஒப்படைத்தனர். இதையடுத்து போலீசார் அவரை கைது செய்தனர். மேலும் திருவண்ணாமலை குற்றப்பிரிவு போலீசார் அவரை விசாரணைக்காக அழைத்து சென்றனர்.

இந்த சம்பவம் பரபரப்பை ஏற்படுத்தி உள்ளது. 


தொடர்புடைய செய்திகள்

1. ரூ.2 கோடி நகைகள் மோசடி செய்த லண்டன் தொழில் அதிபர் கைது
நகைக்கடைக்காரரிடம் ரூ.2 கோடி நகைகளை மோசடி செய்த லண்டன் தொழில் அதிபர் 7 ஆண்டுக்கு பிறகு கைது செய்யப்பட்டார்.
2. ஒட்டன்சத்திரத்தில் ஏலச்சீட்டு நடத்தி ரூ.3 கோடி மோசடி
ஒட்டன்சத்திரத்தில் ஏலச்சீட்டு நடத்தி ரூ.3 கோடி மோசடி செய்ததாக தனியார் நிதிநிறுவனம் மீது பாதிக்கப்பட்ட மக்கள் போலீஸ் சூப்பிரண்டு அலுவலகத்தில் புகார் அளித்தனர்.
3. மருத்துவக்கல்லூரியில் ‘சீட்’ வாங்கி தருவதாக கூறி ரூ.25 லட்சம் மோசடி, 3 பேர் மீது வழக்கு
மருத்துவக்கல்லூரியில் ‘சீட்’ வாங்கி தருவதாக கூறி ரூ.25 லட்சம் மோசடி செய்த முன்னாள் ராணுவவீரர் உள்பட 3 பேர் மீது போலீசார் வழக்குப்பதிவு விசாரணை நடத்தி வருகின்றனர்.
4. தொழிலில் முதலீடு செய்தால் லாபம் தருவதாக கூறி வக்கீலிடம் ரூ.7 லட்சம் மோசடி
தொழிலில் முதலீடு செய்தால் லாபம் தருவதாக கூறி வக்கீலிடம் ரூ.7 லட்சம் மோசடி செய்த கோவையை சேர்ந்தவரை போலீசார் கைது செய்தனர். இந்த சம்பவம் குறித்து போலீஸ் தரப்பில் கூறப்பட்டதாவது:-
5. அரசு வேலை வாங்கி தருவதாக கூறி ரூ.50 லட்சம் மோசடி; வாலிபர் கைது
வளசரவாக்கத்தில் அரசு வேலை வாங்கி தருவதாக கூறி ரூ.50 லட்சம் வரை மோசடியில் ஈடுபட்ட வாலிபரை போலீசார் கைது செய்தனர்.