மாவட்ட செய்திகள்

தி.மு.க. தலைமையில் ம.தி.மு.க. அரசியல் கடமைகளை மேற்கொள்ளும், ஈரோடு மாநாட்டில் தீர்மானம் + "||" + DMK led MDMK undertakes political duties

தி.மு.க. தலைமையில் ம.தி.மு.க. அரசியல் கடமைகளை மேற்கொள்ளும், ஈரோடு மாநாட்டில் தீர்மானம்

தி.மு.க. தலைமையில் ம.தி.மு.க. அரசியல் கடமைகளை மேற்கொள்ளும், ஈரோடு மாநாட்டில் தீர்மானம்
பா.ஜ.க., அ.தி.மு.க.வை வீழ்த்த தி.மு.க. தலைமையில் கூட்டணி கட்சிகளுடன் அணிசேர்ந்து ம.தி.மு.க. தனது அரசியல் கடமைகளை மேற்கொள்ளும் என்று ஈரோடு மாநாட்டில் தீர்மானம் நிறைவேற்றப்பட்டது.

ஈரோடு,

ம.தி.மு.க. முப்பெரும் விழா மாநில மாநாடு ஈரோட்டில் நேற்று நடைபெற்றது. மாநாட்டில் நிறைவேற்றப்பட்ட முக்கிய தீர்மானங்கள் வருமாறு:–

* மக்கள் ஆட்சித் தத்துவத்தை கேள்விக்கு உள்ளாக்கி வருகின்ற மத்திய பா.ஜ.க. அரசு மற்றும் அதன் கைப்பாவையாக இயங்கி வருகின்ற அ.தி.மு.க. அரசு இரண்டையும் வீழ்த்துவதற்கு தி.மு.க. தலைமையில், கூட்டணி கட்சிகளுடன் அணிசேர்ந்து, ம.தி.மு.க. தனது அரசியல் கடமைகளை மேற்கொள்ளும்.

* 69 சதவீத இடஒதுக்கீட்டை பாதுகாப்பதற்கு தக்க நடவடிக்கைகளை மேற்கொள்ள வேண்டும். மத்திய அரசு பள்ளிகளில் பிற்பட்டோருக்கான 27 சதவீத இடஒதுக்கீட்டை முழுமையாக நடைமுறைப்படுத்த வேண்டும்.

* பொதுவாழ்வில் பொன்விழா கண்ட கட்சியின் பொதுச் செயலாளர் வைகோவுக்கு பாராட்டுகளை தெரிவித்துக்கொள்வதுடன், பொது வாழ்வில் நூறாண்டு கண்டு, திராவிட இயக்கத்திற்கு அவரது தூயதொண்டு தொடர வேண்டும் என்று இந்த மாநாடு வாழ்த்துகிறது.

* தமிழ் ஈழம் அமைவதற்கு பொது வாக்கெடுப்பு நடத்தப்பட வேண்டும். உலகம் முழுவதும் வாழும் ஈழத் தமிழர்களும் வாக்களிக்க வகைசெய்ய வேண்டும்.

* காவிரி நடுவர் மன்றம் அளித்த இறுதித் தீர்ப்பின்படி தமிழகத்துக்கு தண்ணீர் திறந்துவிட வேண்டிய சட்டப்பொறுப்பை, மத்திய அரசு நிறைவேற்ற வேண்டும்.

* கர்நாடக மாநிலம் காவிரியின் குறுக்கே புதிய அணைகள் கட்டுவதற்கு மத்திய அரசு அனுமதி வழங்கக்கூடாது.

* அணை பாதுகாப்பு மசோதாவை திரும்பப்பெற வேண்டும்.

* முல்லைப்பெரியாறு பிரச்சினையில் தமிழக அரசு சுப்ரீம் கோர்ட்டு வழக்கை எச்சரிக்கையுடன் கையாள வேண்டும்.

* மீத்தேன், ஹைட்ரோ கார்பன் மற்றும் பெட்ரோலிய முதலீட்டு மண்டலம் அமைக்கும் திட்டங்களை கைவிட்டு, மத்திய அரசு காவிரிப் பாசனப் பகுதிகளை பாதுகாக்கப்பட்ட வேளாண் மண்டலமாக அறிவிக்க வேண்டும்.

* தமிழக அரசு ஸ்டெர்லைட் ஆலையை நிரந்தரமாக மூடுவதற்கு உரிய நடவடிக்கைகளை மேற்கொள்ள வேண்டும்.

* தேனி மாவட்ட மக்களின் எதிர்ப்பை மீறி நியூட்ரினோ ஆய்வகம் அமைக்க மத்திய அரசு பணிகளை தொடங்கினால், மக்கள் அறப்போர் கிளர்ச்சி வெடிக்கும்.

* தமிழக அரசு 7 மாவட்டங்களில் விளைநிலங்களின் வழியாக எரிவாயு குழாய் பதிக்கும் ‘கெயில்’ நிறுவனத்தின் திட்டத்திற்கு துணைபோகக் கூடாது.

* கேரள மாநில அரசுடன் பேச்சுவார்த்தை நடத்தி பாண்டியாறு–புன்னம்புழா திட்டத்திற்கான ஒப்புதலைப் பெற்று பணிகள் தொடங்குவதற்கு தமிழக அரசு முயற்சி மேற்கொள்ள வேண்டும்.

* சேலம்–சென்னை பசுமைவழி சாலைத்திட்டத்தை தமிழக அரசு செயல்படுத்த முனைவதற்கு கண்டனம் தெரிவிப்பதுடன், இத்திட்டத்தை கைவிட வேண்டும்.

* அ.தி.மு.க. அரசின் அடக்குமுறைகளுக்கு கண்டனம் தெரிவிப்பதுடன், அதனை கைவிட வேண்டும்.

* முதல்–அமைச்சர் உள்ளிட்ட அனைவர் மீதும் ஊழல் விசாரணை நடத்துவதற்கு ஏற்ற வகையில் லோக் ஆயுக்தா சட்டத்தில் திருத்தங்கள் கொண்டுவர வேண்டும்.

* உடனடியாக உள்ளாட்சி தேர்தலை நடத்த அறிவிப்பு ஆணை வெளியிட வேண்டும்.

* மதுக்கடைகளை நிரந்தரமாக மூடி, முழு மதுவிலக்கை செயல்படுத்த வேண்டும்.

இவை உள்பட 35 தீர்மானங்கள் நிறைவேற்றப்பட்டன.

மறைந்த தி.மு.க. தலைவர் கருணாநிதி, முன்னாள் பிரதமர் வாஜ்பாய் ஆகியோருக்கு இரங்கல் தெரிவித்தும் ம.தி.மு.க. மாநாட்டில் தீர்மானம் நிறைவேற்றப்பட்டது.


தொடர்புடைய செய்திகள்

1. மதசார்பற்ற ஆட்சி அமைய வேண்டும்: மத்திய– மாநில அரசுகளை அகற்ற பாடுபடுவோம் இந்திய யூனியன் முஸ்லிம் லீக் கட்சியின் மதுரை மாநாட்டில் தீர்மானம்
மத்திய, மாநில அரசுகளை அகற்றி, மதசார்பற்ற ஆட்சி அமைய பாடுபடுவோம் என்று மதுரையில் நேற்று நடந்த இந்திய யூனியன் முஸ்லிம் லீக் மாநாட்டில் தீர்மானம் நிறைவேற்றப்பட்டுள்ளது.
2. தமிழகத்தில் கொண்டு வரப்பட்டுள்ள திட்டங்களால் விவசாயம் முற்றிலும் அழியும் ம.தி.மு.க. பொதுச்செயலாளர் வைகோ பேச்சு
தமிழகத்தில் கொண்டு வரப்பட்டுள்ள திட்டங்களால் விவசாயம் முற்றிலும் அழியும் என்று ம.தி.மு.க. பொதுச்செயலாளர் வைகோ பேசினார்.
3. ஏப்ரல் மாதத்தில் இருந்து காஜா–பட்டன் விலையை 25 சதவீதம் உயர்த்த முடிவு சங்க கூட்டத்தில் தீர்மானம்
வருகிற ஏப்ரல் மாதத்தில் இருந்து காஜா பட்டன் விலையை 25 சதவீதம் உயர்த்துவது என காஜா பட்டன் உரிமையாளர்கள் மற்றும் விற்பனையாளர்கள் சங்க கூட்டத்தில் தீர்மானம் நிறைவேற்றப்பட்டது.
4. பிரதமர் வருகைக்கு எதிர்ப்பு தெரிவித்து ம.தி.மு.க., பெரியாரிய அமைப்புகள் கருப்புகொடி போராட்டம் திருப்பூரில் இன்று நடக்கிறது
பிரதமர் வருகைக்கு எதிர்ப்பு தெரிவித்து ம.தி.மு.க., பெரியாரிய அமைப்புகள் சார்பில் கருப்புகொடி போராட்டம் இன்று திருப்பூரில் நடக்கிறது. இதனால் பலத்த போலீஸ் பாதுகாப்பு போடப்பட்டுள்ளது.
5. திருப்பூர் வரும் பிரதமர் மோடிக்கு எதிராக வைகோ தலைமையில் கருப்புக்கொடி போராட்டம் ம.தி.மு.க. மாநில அவைத்தலைவர் துரைசாமி பேட்டி
திருப்பூர் வரும் பிரதமர் மோடிக்கு எதிராக ம.தி.மு.க. பொதுச்செயலாளர் வைகோ தலைமையில் கருப்புக்கொடி போராட்டம் நாளை நடத்தப்படும் என்று அவைத்தலைவர் துரைசாமி கூறினார்.

ஆசிரியரின் தேர்வுகள்...