வாகன சோதனையின்போது போலீசாரின் கருவியை பறித்து சென்ற மாணவர் கைது

அடையாறு,

சென்னை அடையாறு, கிரீன்வேஸ் சாலை அருகே நேற்றுமுன்தினம் இரவு போக்குவரத்து போலீசார் வாகன சோதனையில் ஈடுபட்டு இருந்தனர். அப்போது மெரினா நோக்கி வந்த ஒரு சொகுசு காரை நிறுத்திய போலீசார், காரை ஓட்டி வந்த வாலிபரிடம் விசாரித்தனர். அவர் குடிபோதையில் இருந்ததாக கூறப்படுகிறது. இதனால் போலீசார் மது போதையை கண்டறியும் கருவியை அந்த வாலிபரிடம் கொடுத்து ஊதும்படி கூறினர். ஆனால் அந்த வாலிபர், போலீசாரிடம் இருந்த அந்த கருவியை பறித்துக் கொண்டு காரில் மின்னல் வேகத்தில் தப்பிச் சென்றார்.


காரில் இருந்த வாலிபரை பிடித்து அபிராமபுரம் போலீஸ் நிலையத்தில் ஒப்படைத்தனர். விசாரணையில் அவர், வேளச்சேரியை சேர்ந்த பூஷன்(வயது 20) என்பதும், சென்னை அண்ணா பல்கலைக்கழகத்தில் என்ஜினீயரிங் படித்து வருவதும் தெரிந்தது.

அவர் மீது வழக்குப்பதிவு செய்த போலீசார், அவரிடம் இருந்த போலீசாரின் மது போதையை கண்டறியும் கருவியை பறிமுதல் செய்தனர். பின்னர் அவரை கைது செய்து கோர்ட்டில் ஆஜர்படுத்தி சிறையில் அடைத்தனர்.