மாவட்ட செய்திகள்

கூடலூர் அருகே காட்டு யானைகள் தாக்கியதில் தொழிலாளியின் வீடு சேதம் + "||" + Wild elephants are damaging worker's house

கூடலூர் அருகே காட்டு யானைகள் தாக்கியதில் தொழிலாளியின் வீடு சேதம்

கூடலூர் அருகே காட்டு யானைகள் தாக்கியதில் தொழிலாளியின் வீடு சேதம்
கூடலூர் அருகே காட்டு யானைகள் தாக்கியதில் தொழிலாளியின் வீடு சேதம் அடைந்தது.

கூடலூர்,

கூடலூர் பகுதியில் நாடுகாணி, ஓவேலி பகுதிகளில் காட்டு யானைகள் கூட்டமாக முகாமிட்டு உள்ளன. அவை, விவசாய பயிர்கள், வீடுகளை சேதப்படுத்தி அட்டகாசம் செய்து வருகின்றன. இதனால் பொதுமக்கள், விவசாயிகள் பாதிக்கப்பட்டு உள்ளனர்.

இந்த நிலையில் கூடலூர் தாலுகா ஓவேலி பகுதியில் கடந்த 2 மாதங்களாக காட்டு யானைகள் கூட்டம் முகாமிட்டு வருகிறது. அவை, இரவு நேரங்களில் கிராமங்களுக்குள் புகுந்து வீடுகளை இடித்து சேதப்படுத்தி வருகிறது. பார்வுட், சூண்டி, காந்திநகர் பகுதியில் கடைகளை உடைத்து அங்கு வைத்திருந்த பொருட்களை தின்று சேதப்படுத்தியது. இதனால் காட்டு யானைகள் ஊருக்குள் வராமல் தடுக்க நடவடிக்கை எடுக்க வேண்டும் என கிராம மக்கள் வலியுறுத்தினர்.

இதைத்தொடர்ந்து வனத்துறையினர் கண்காணிப்பை தீவிரப்படுத்தி காட்டு யானைகளை விரட்டி வருகின்றனர். ஆனாலும் வனத்துறையினர் ஒருபுறம் விரட்டினாலும் மற்றொரு பகுதியில் காட்டு யானைகள் ஊருக்குள் புகுந்து அட்டகாசம் செய்து வருகிறது. நேற்று முன்தினம் இரவு லாரஸ்டன் கிராமத்துக்குள் 10 காட்டு யானைகள் புகுந்து வீடுகளை முற்றுகையிட்டன. இதனால் அந்த வீடுகளுக்குள் இருந்தவர்கள் அச்சம் அடைந்து உள்ளே பதுங்கி கொண்டனர்.

இதில் சில காட்டு யானைகள், அதே பகுதியை சேர்ந்த தொழிலாளி சந்தனதேவன் என்பவரது வீட்டை இடித்து சேதப்படுத்தின. பின்னர் வீட்டுக்குள் இருந்த பொருட்களை காட்டு யானைகள் உடைத்து நாசம் செய்தன. அப்போது வீட்டில் யாரும் இல்லாததால் அதிர்ஷ்டவசமாக உயிர் தப்பினர்.

காட்டு யானைகள் விடிய விடிய அந்த பகுதியில் நின்று கொண்டு இருந்தன. அவை, நேற்று அதிகாலையில் வனத்துக்குள் சென்றன. பின்னர் வீடுகளை விட்டு வெளியே வந்த கிராம மக்கள் கொடுத்த தகவலின் பேரில் ஓவேலி வனத்துறையினர் நேரில் வந்து பார்வையிட்டனர்.

வீடு சேதம் அடைந்தது குறித்து கூடலூர் தாசில்தார் மற்றும் வனத்துறையினரிடம் சந்தனதேவன் மற்றும் கிராம மக்கள் புகார் மனு அளித்தனர். அதில், காட்டு யானைகள் வீடுகளை இடித்து சேதப்படுத்தி வருகிறது. எனவே ஊருக்குள் காட்டு யானைகள் வராமல் தடுக்க வேண்டும். சேதம் அடைந்த வீடுகளை சீரமைக்க இழப்பீடு வழங்க வேண்டும் என்று கூறப்பட்டு உள்ளது. மனுக்களை பெற்ற அதிகாரிகள் உரிய நடவடிக்கை எடுப்பதாக உறுதி அளித்தனர்.


தொடர்புடைய செய்திகள்

1. பரோட்டாவுக்கு வெங்காயம் கொடுக்காததால் ஓட்டலில் தகராறு செய்த டிரைவர் மீது தாக்குதல் டிரைவர்–கண்டக்டர்கள் மறியலில் ஈடுபட்டதால் பரபரப்பு
பரோட்டாவுக்கு வெங்காயம் கொடுக்க மறுத்ததால் ஓட்டலில் தகராறு செய்த டிரைவர் தாக்கப்பட்டார். அதை கண்டித்து மினிபஸ் டிரைவர்கள், கண்டக்டர்கள் மறியலில் ஈடுபட்டதால் பரபரப்பு ஏற்பட்டது.
2. மாலியில் ராணுவ முகாம் மீது பயங்கரவாதிகள் தாக்குதல் 16 வீரர்கள் பலி
மாலியில் ராணுவ முகாம் மீது பயங்கரவாதிகள் நடத்திய தாக்குதலில் 16 வீரர்கள் பலியானார்கள்.
3. குழித்துறை ஆயர் மீது தாக்குதல்: முளகுமூட்டில் கண்டன பொதுக்கூட்டம் இன்று நடக்கிறது
குழித்துறை ஆயர் தாக்கப்பட்ட சம்பவத்தை கண்டித்து இன்று முளகுமூட்டில் கண்டன பொதுக்கூட்டம் நடக்கிறது.
4. முன்விரோதத்தில் தகராறு: தாய்- மகள் மீது தாக்குதல் தந்தை- மகன் கைது
மயிலாடுதுறை அருகே முன்விரோதத்தில் ஏற்பட்ட தகராறில் தாயும், மகளும் தாக்கப்பட்டனர். இது தொடர் பாக தந்தை- மகனை போலீசார் கைது செய்தனர்.
5. என்.ஆர்.காங்கிரஸ் கட்சி தலைவருக்கு தேர்தல் நேரத்தில் மட்டும் தான் மக்களை பற்றிய சிந்தனை வரும் அமைச்சர் நமச்சிவாயம் தாக்கு
என்.ஆர்.காங்கிரஸ் கட்சி தலைவருக்கு தேர்தல் நேரத்தில் மட்டும் தான் மக்களை பற்றிய சிந்தனை வரும் என்று அமைச்சர் நமச்சிவாயம் கூறினார்.