மாவட்ட செய்திகள்

மழைநீருடன் கழிவுநீர் கலந்து நிற்பதற்கு எதிர்ப்பு: பூந்தமல்லி நகராட்சி அலுவலகத்தை பொதுமக்கள் முற்றுகை + "||" + Siege of Poonamalle Municipal Office Public demonstration

மழைநீருடன் கழிவுநீர் கலந்து நிற்பதற்கு எதிர்ப்பு: பூந்தமல்லி நகராட்சி அலுவலகத்தை பொதுமக்கள் முற்றுகை

மழைநீருடன் கழிவுநீர் கலந்து நிற்பதற்கு எதிர்ப்பு: பூந்தமல்லி நகராட்சி அலுவலகத்தை பொதுமக்கள் முற்றுகை
மழைநீருடன் கழிவுநீர் கலந்து நிற்பதற்கு எதிர்ப்பு தெரிவித்து பூந்தமல்லி நகராட்சி அலுவலகத்தை முற்றுகையிட்டு பொதுமக்கள் ஆர்ப்பாட்டத்தில் ஈடுபட்டனர்.

பூந்தமல்லி,

பூந்தமல்லி நகராட்சி 14–வது வார்டுக்குட்பட்ட பாபாபீ தர்கா, கோரிமேடு போன்ற பகுதிகளில் மழைநீர் செல்ல வழி இல்லாமல் சாலைகளிலேயே கழிவு நீரோடு கலந்து நிற்கிறது. இதற்கு எதிர்ப்பு தெரிவித்து அந்த பகுதி மக்கள் 30 க்கும் மேற்பட்டோர் பூந்தமல்லி நகராட்சி அலுவலகத்தை முற்றுகையிட்டு கோ‌ஷங்கள் எழுப்பி ஆர்ப்பாட்டத்தில் ஈடுபட்டனர். இதையடுத்து தாங்கள் கோரிக்கையாக எடுத்து வந்த மனுவை நகராட்சி கமி‌ஷனரிடம் கொடுத்தனர்.

இது குறித்து நடவடிக்கை எடுப்பதாக கூறியதையடுத்து அவர்கள் அங்கிருந்து கலைந்து சென்றனர்.

இது குறித்து பொதுமக்கள் கூறுகையில்:–

இந்த பகுதியில் முறையாக மழை நீர் கால்வாய் இல்லை.

இதனால் மழைக்காலங்களில் மழை நீரோடு கழிவுநீர் கலந்து வெளியேற வழி இல்லாமல் குளம் போல தேங்கி நிற்கிறது. இதனால் தொற்றுநோய் பரவும் அபாயம் ஏற்பட்டுள்ளது. மேலும் பள்ளிக்கு செல்லும் மாணவ– மாணவிகள் மிகுந்த சிரமம் அடைகின்றனர்.

இது குறித்து பலமுறை நகராட்சி அதிகாரிகளிடம் மனு அளித்தும் இதுவரை எந்தவித நடவடிக்கையும் எடுக்கவில்லை. எனவே இங்குள்ள கழிவுநீரை அகற்றி மழை நீர் கால்வாய் அமைக்க வேண்டும்.

இவ்வாறு அவர்கள் கூறினர்.



தொடர்புடைய செய்திகள்

1. அரசு உதவி பெறும் பள்ளிகளுக்கு மானியம் வழங்க வலியுறுத்தி ஆர்ப்பாட்டம்; கத்தோலிக்க கல்வி நிறுவனங்களின் சார்பில் 20–ந் தேதி நடக்கிறது
அரசு உதவி பெறும் பள்ளிகளுக்கு மானியம் வழங்க வலியுறுத்தி கத்தோலிக்க கல்வி நிறுவனங்களின் கூட்டமைப்பு சார்பில் வருகிற 20–ந் தேதி கவனஈர்ப்பு ஆர்ப்பாட்டம் நடக்கிறது.
2. கிராம நிர்வாக அலுவலர்கள் போராட்டம்: சான்றிதழ் பெற முடியாமல் பொதுமக்கள் தவிப்பு
கோரிக்கைகளை வலியுறுத்தி கிராம நிர்வாக அலுவலர்கள் நடத்தி வரும் தொடர் போராட்டம் காரணமாக சான்றிதழ் பெற முடியாமல் பொதுமக்கள் தவித்து வருகின்றனர்.
3. டாஸ்மாக் கடையை மூடக்கோரி பொதுமக்கள் முற்றுகை போராட்டம்
ராயக்கோட்டை அருகே டாஸ்மாக் கடையை மூடக்கோரி முற்றுகை போராட்டம் நடத்திய பொதுமக்கள் மதுபாட்டில்கள் ஏற்றி வந்த மினி லாரியை சிறை பிடித்ததால் பரபரப்பு ஏற்பட்டது.
4. உடுமலையில் பி.எஸ்.என்.எல். ஒப்பந்த தொழிலாளர்கள் ஆர்ப்பாட்டம்
உடுமலையில் பி.எஸ்.என்.எல். அலுவலகம் முன் ஒப்பந்த தொழிலாளர்கள் தங்கள் இரு கண்களையும் கட்டி கொண்டு ஆர்ப்பாட்டம் நடத்தினர்.
5. பொதுமக்கள் உஷாராக இருக்கவேண்டும்: வங்கிக்கணக்கில் பணம் போடுவதாக மோசடிக்கு முயற்சி
புதுவையில் வங்கிக்கணக்கில் பணம் போடுவதாக கூறி மோசடி செய்ய முயற்சி நடந்து வருகிறது.

அதிகம் வாசிக்கப்பட்டவை