மாவட்ட செய்திகள்

குழாய்களுக்குள் வளரும் கருவேல மர வேர்கள் குடிநீர் தடைபடுவதால் பொதுமக்கள் அவதி + "||" + Tree roots growing in pipes Drinking water Civilians are suffering

குழாய்களுக்குள் வளரும் கருவேல மர வேர்கள் குடிநீர் தடைபடுவதால் பொதுமக்கள் அவதி

குழாய்களுக்குள் வளரும் கருவேல மர வேர்கள் குடிநீர் தடைபடுவதால் பொதுமக்கள் அவதி
குடிநீர் குழாய்களுக்குள் புகுந்து வளரும் காட்டுகருவேல மர வேர்களால் காவிரி குடிநீர் விநியோகம் தடைபடுவதால் பொதுமக்கள் அவதியடைந்து வருகின்றனர்.

ராமநாதபுரம்,

ராமநாதபுரம் மாவட்ட குடிநீர் தேவையை பூர்த்தி செய்வதற்காக திருச்சி முத்தரசநல்லூரில் இருந்து காவிரி கூட்டுக்குடிநீர் குழாய்கள் மூலம் கொண்டுவரப்பட்டு வினியோகம் செய்யப்பட்டு வருகிறது. இவ்வாறு வினியோகம் செய்யப்படும் தண்ணீர் அவ்வப்போது ஆங்காங்கே தடைபட்டு குடிநீர் வினியோகம் பாதிக்கப்படுகிறது. இதற்கான காரணம் குறித்து பார்க்கும்போது பூமிக்குள் புதைக்கப்பட்டுள்ள குடிநீர் குழாய்களின் இணைப்புகளில் காட்டு கருவேல மர வேர்கள் உட்புகுந்து அதிவேகமாக வளர்ந்து குழாய் முழுவதையும் அடைத்துள்ளது கண்டறியப்பட்டது.

இவ்வாறு மாவட்டம் முழுவதும் காட்டுகருவேல மர வேர்கள் உட்புகுந்துவளர்ந்து குழாய்கள் அடைபட்டு தண்ணீர் வினியோகம் தடைபட்டு உள்ளது. இதனால் தண்ணீர் கிடைக்காமல் அந்தந்த பகுதி பொதுமக்கள் சொல்ல முடியாத அவதி அடைந்து வருகின்றனர்.

மாவட்டத்தில் காற்றின் ஈரப்பதத்தை உறிஞ்சி, நிலத்தடி நீர் ஆதாரத்தை ஈர்த்து வறட்சி பகுதியாக்குவதோடு, கால்நடைகளுக்கும், மனிதர்களுக்கும் நாளுக்கு நாள் பாதிப்பை ஏற்படுத்திவரும் காட்டுகருவேல மர வேர்கள் தற்போது காவிரி குடிநீர் குழாயிலும் உட்புகுந்து தண்ணீர் வினியோகத்தை தடுத்து வருவது வேதனை அளிப்பதாக உள்ளது.

இதுகுறித்து சம்பந்தப்பட்ட அதிகாரிகள் உரிய நடவடிக்கை எடுத்து வேர்கள் உட்புகாதவாறு அதற்கேற்ற குழாய்களை பொருத்தி வீண் செலவுகளை தவிர்ப்பதோடு, மக்களுக்கு கிடைக்க வேண்டிய தண்ணீர் தடைக்கு முற்றுப்புள்ளி வைக்க வேண்டும் என்று பொதுமக்கள் கோரிக்கை விடுத்துள்ளனர்.



தொடர்புடைய செய்திகள்

1. புஞ்சைபுளியம்பட்டி அருகே கூட்டுறவு சங்க அலுவலகத்தின் பூட்டை உடைத்து பணம் திருட்டு
புஞ்சைபுளியம்பட்டி அருகே பால் கூட்டுறவு சங்க அலுவலகத்தின் பூட்டை உடைத்து பணம் திருடப்பட்டது. அந்த பகுதியில் நடந்து வரும் தொடர் திருட்டால் பொதுமக்கள் அச்சத்தில் உள்ளனர்.
2. ஈரோட்டில் பொதுமக்கள் –போலீசார் மீது கல்வீசி தாக்கிய வாலிபரால் பரபரப்பு
ஈரோட்டில் பொதுமக்கள் மற்றும் போலீசார் மீது கல் வீசி தாக்கிய வாலிபரால் பரபரப்பு ஏற்பட்டது.
3. பாம்பன்,மண்டபம் பகுதியில் கடல் கொந்தளிப்பு மீனவர்கள் மீன் பிடிக்க தடை
புயல் சின்னத்தை தொடர்ந்து பாம்பன்,மண்டபம் பகுதியில் கடல் கொந்தளிப்பு ஏற்பட்டது. மீனவர்கள் மீன் பிடிக்க செல்ல தடை விதிக்கப்பட்டு உள்ளது.
4. இடிக்கப்பட்ட கடைக்கான இழப்பீட்டு தொகையை முழுவதும் வழங்காததால் கோதண்டராம சாமி சிலையை கொண்டு சென்ற லாரியை பொதுமக்கள் முற்றுகை
திண்டிவனம் அருகே இடிக்கப்பட்ட கடைக்கு இழப்பீட்டு தொகையை முழுவதுமாக வழங்காததால், கோதண்டராம சாமி சிலையை கொண்டு சென்ற லாரியை பொதுமக்கள் முற்றுகையிட்டதால் பரபரப்பு ஏற்பட்டது.
5. மேகதாதுவில் புதிய அணை கட்டும் விவகாரம்; மத்திய அரசை கண்டித்து புதுச்சேரி சட்டசபையில் ஒருமனதாக தீர்மானம்
மேகதாதுவில் புதிய அணை கட்டும் விவகாரத்தில் மத்திய அரசை கண்டித்து, புதுச்சேரி சட்டசபையில் முதல்-அமைச்சர் நாராயணசாமி கொண்டு வந்த தீர்மானம் அனைத்துக்கட்சிகளின் ஆதரவுடன் ஒருமனதாக நிறைவேறியது.