பிறந்தநாள் விழா: டாக்டர் பா.சிவந்தி ஆதித்தனார் உருவசிலைக்கு மாலை அணிவித்து மரியாதை

திருச்செந்தூர்,

பத்மஸ்ரீ டாக்டர் பா.சிவந்தி ஆதித்தனாரின் பிறந்த நாள் விழா நேற்று கொண்டாடப்பட்டது. இதையொட்டி திருச்செந்தூர் டாக்டர் சிவந்தி ஆதித்தனார் பொறியியல் கல்லூரி வளாகத்தில் உள்ள அவரது உருவ சிலைக்கு ஆதித்தனார் கல்வி நிறுவனம் சார்பில், மாலை அணிவித்து மரியாதை செலுத்தப்பட்டது.

ஆதித்தனார் கல்வி நிறுவன மேலாளர் வெங்கட் ராமராஜன், கல்வி நிறுவன செயலாளர் சுப்பிரமணியம், ஆதித்தனார் கல்லூரி முதல்வர் மகேந்திரன், கோவிந்தம்மாள் ஆதித்தனார் மகளிர் கல்லூரி முதல்வர் ஜெயந்தி, டாக்டர் சிவந்தி ஆதித்தனார் பொறியியல் கல்லூரி முதல்வர் வைஸ்லின் ஜிஜி, டாக்டர் சிவந்தி ஆதித்தனார் கல்வியியல் கல்லூரி முதல்வர் சுவாமிதாஸ், டாக்டர் சிவந்தி ஆதித்தனார் உடற்கல்வியியல் கல்லூரி முதல்வர் பெவின்சன் பேரின்பராஜ், டாக்டர் சிவந்தி ஆதித்தனார் ஆசிரியர் பயிற்சி நிறுவன முதல்வர் மரிய செசிலி, பத்மஸ்ரீ டாக்டர் சிவந்தி ஆதித்தனார் நர்சிங் கல்லூரி முதல்வர் கலைக்குரு செல்வி, சிவந்தி அகாடமி ஒருங்கிணைப்பாளர் முத்தையா ராஜ் மற்றும் பேராசிரியர்கள், அலுவலர்கள் கலந்து கொண்டனர்.

டாக்டர் பா.சிவந்தி ஆதித்தனாரின் உருவ சிலைக்கு காயாமொழி ஊர் மக்கள் சார்பில், காயாமொழி முப்புடாதி அம்மன் கோவில் அக்தார்கள் டாக்டர் பாலசுப்பிரமணிய ஆதித்தன், வரதராஜ ஆதித்தன், காயாமொழி கூட்டுறவு சங்க தலைவர் தங்கேச ஆதித்தன் உள்ளிட்டவர்கள் மாலை அணிவித்து மரியாதை செலுத்தினர்.

டாக்டர் பா.சிவந்தி ஆதித்தனாரின் உருவ சிலைக்கு வணிகர் சங்கங்களின் பேரமைப்பு தெற்கு மாவட்ட தலைவர் காமராசு, திருச்செந்தூர் வட்டார நாடார் வியாபாரிகள் சங்க செயலாளர் செல்வகுமார், துணை செயலாளர் அழகேசன், ஆறுமுகநேரி அனைத்து வியாபாரிகள் சங்க தலைவர் செந்தமிழ் செல்வன், கார்த்தீசன், தனசேகர் உள்ளிட்டவர்கள் மாலை அணிவித்து மரியாதை செலுத்தினர்.

டாக்டர் பா.சிவந்தி ஆதித்தனாரின் உருவ சிலைக்கு பா.ஜ.க. சார்பில் மாநில வர்த்தக அணி தலைவர் ராஜகண்ணன், ஒன்றிய தலைவர் திருநாவுக்கரசு, ஒன்றிய செயலாளர் பாஸ்கர் உள்ளிட்டவர்களும்,

அ.தி.மு.க. சார்பில் ஒன்றிய செயலாளர் ராமச்சந்திரன் உள்ளிட்டவர்களும், காங்கிரஸ் கட்சி சார்பில் வட்டார தலைவர் சற்குரு உள்ளிட்டவர்களும், சமத்துவ மக்கள் கழகம் சார்பில் ஒன்றிய செயலாளர் ஜெயமுருகன் உள்ளிட்டவர்களும் மாலை அணிவித்து மரியாதை செலுத்தினர்.

டாக்டர் சிவந்தி ஆதித்தனார் பிறந்த ஊரான காயாமொழியில் அலங்கரிக்கப்பட்ட அவரது உருவ படத்துக்கு டாக்டர் சிவந்தி ஆதித்தனார் நற்பணி மன்றம் சார்பில், மாலை அணிவித்து மரியாதை செலுத்தப்பட்டது. பின்னர் பொதுமக்களுக்கு இனிப்பு வழங்கப்பட்டது. நற்பணி மன்ற மாவட்ட செயலாளர் ஜெயராஜ், நற்பணி மன்ற கிளை செயலாளர் மொகுதும் முகைதீன், பொருளாளர் ராஜேந்திர ஆதித்தன், பகவதி ஆதித்தன், சண்முகசுந்தரம், ரமேஷ், கண்ணன், கோபால், கணேசன், சரவணன், வேலவன் உள்பட பலர் கலந்து கொண்டனர்.

திருச்செந்தூர் தேரடி திடலில் பூமணி சுவாமிகள் லலிதா பூமணி அம்மையார் அறக்கட்டளை சார்பில், டாக்டர் சிவந்தி ஆதித்தனாரின் உருவ படத்துக்கு மாலை அணிவித்து மரியாதை செலுத்தப்பட்டது. அறக்கட்டளை தலைவர் சண்முகவேல், ஓய்வுபெற்ற தலைமை ஆசிரியர் ராஜபாண்டி, கந்தசாமி, ஆண்டி நாடார், மோகனசுந்தரம் உள்பட பலர் கலந்து கொண்டனர்.