<
வங்கி ‘கிளார்க்’ பணிக்கான தேர்வு: திருச்செந்தூர் சிவந்தி அகாடமியில் பயிற்சி வகுப்புகள்
ஐ.பி.பி.எஸ். நடத்தும் வங்கி ‘கிளார்க்’ பணிக்கான எழுத்து தேர்வை சிறப்பாக எழுத உதவும் வகையில் திருச்செந்தூர் சிவந்தி அகாடமி பயிற்சி வகுப்புகள் நடத்துகிறது.
திருச்செந்தூர்,
ஐ.பி.பி.எஸ். நடத்தும் வங்கி ‘கிளார்க்’ பணிக்கான எழுத்து தேர்வை சிறப்பாக எழுத உதவும் வகையில் திருச்செந்தூர் சிவந்தி அகாடமி பயிற்சி வகுப்புகள் நடத்துகிறது.
‘கிளார்க்’ பணி
இந்திய வங்கிகள் சங்கம் (ஐ.பி.பி.எஸ்.) நடத்தும் வங்கி ‘கிளார்க்’ பணிக்கான எழுத்துத்தேர்வு வருகிற டிசம்பர் மாதம் 8, 9, 15, 16 ஆகிய தேதிகளில் நடைபெற உள்ளது. இந்த தேர்வு பற்றிய விவரங்களை www.ibps.in என்ற இணையதளம் வழியாக அறிந்து கொள்ளலாம்.
இந்த தேர்வுக்கு ஆன்லைன் மூலம் 10.10.2018-ந் தேதிக்குள் விண்ணப்பிக்க வேண்டும். அவ்வாறு விண்ணப்பித்தவர்கள் மட்டும் பயிற்சி வகுப்பில் கலந்து கொள்ளலாம்.
தகுதி
பட்டப்படிப்பில் தேர்ச்சி பெற்று 20 வயது முதல் 28 வயதுக்கு மிகாதவர்கள் இந்த தேர்வை எழுதலாம். இத்தேர்வுக்கான பயிற்சி வகுப்புகள் அடுத்த மாதம் (அக்டோபர்) 3-ந் தேதி முதல் 17-ந் தேதி வரை திருச்செந்தூர் சிவந்தி அகாடமியில் நடைபெற உள்ளது. பயிற்சி கட்டணம் ரூ.3,500 ஆகும்.
தலைசிறந்த வல்லுனர்களை கொண்டு பயிற்சி அளிக்கப்படுகிறது. பயிற்சி வகுப்பு நடைபெறும் போது எக்காரணம் கொண்டும் கண்டிப்பாக வெளியில் செல்ல மற்றும் விடுப்பு எடுக்க அனுமதி கிடையாது.
இந்த நிறுவனத்தில் பயிற்சி பெற்று பலர் தேசியமயமாக்கப்பட்ட வங்கிகளில் பணிபுரிகிறார்கள் என்பது குறிப்பிடத்தக்கது.
தங்கும் வசதி
பயிற்சி வகுப்பில் கலந்து கொள்ளும் ஆண்கள் டாக்டர் சிவந்தி ஆதித்தனார் பொறியியல் கல்லூரி ஆண்கள் விடுதியிலும், பெண்கள் டாக்டர் சிவந்தி ஆதித்தனார் பொறியியல் கல்லூரி மகளிர் விடுதியிலும் தங்குவதற்கு வசதி செய்யப்பட்டுள்ளது.
விடுதியில் தங்கி படிக்க விரும்புபவர்கள் விடுதி வசதி மற்றும் உணவுக்கான கட்டணம் ரூ.3 ஆயிரத்தை பயிற்சி வகுப்பின் முதல் நாள் 3.10.2018 அன்று நேரில் செலுத்த வேண்டும்.
பயிற்சி வகுப்பில் சேர...
பயிற்சி வகுப்பில் சேர விரும்புபவர்கள், திருச்செந்தூர்-தூத்துக்குடி சாலையில் உள்ள சிவந்தி அகாடமியில் 3.10.2018 அன்று காலை 9 மணிக்கு ரூ.3,500 நேரில் செலுத்தி பயிற்சி வகுப்பில் கலந்து கொள்ளலாம். பயிற்சிக்கான கட்டணம், விடுதிக்கான கட்டணம் ஆகியவை எக்காரணம் கொண்டும் திருப்பி தரப்படமாட்டாது.
மேலும் தகவலுக்கு 04639-242998, 9442055243, 8682985148 என்ற தொலைபேசி எண்களை தொடர்பு கொள்ளவும்.
இந்த தகவலை சிவந்தி அகாடமி ஒருங்கிணைப்பாளர் பி.முத்தையாராஜ் தெரிவித்துள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
