மாவட்ட செய்திகள்

சிறுவாச்சூர் மதுரகாளி அம்மன் கோவிலில் நவராத்திரி விழா லட்சார்ச்சனையுடன் தொடங்கியது + "||" + The Navarathri festival started with Lakarachanam at Madurakali Amman temple in Chavavachur

சிறுவாச்சூர் மதுரகாளி அம்மன் கோவிலில் நவராத்திரி விழா லட்சார்ச்சனையுடன் தொடங்கியது

சிறுவாச்சூர் மதுரகாளி அம்மன் கோவிலில் நவராத்திரி விழா லட்சார்ச்சனையுடன் தொடங்கியது
சிறுவாச்சூரில் உள்ள மதுரகாளி அம்மன் கோவிலில் நவராத்திரி விழா லட்சார்ச்சனையுடன் தொடங்கியது.
பெரம்பலூர்,

பெரம்பலூர் அருகே சிறுவாச்சூரில் ஆதிசங்கரர் வழிபட்ட பெருமை பெற்ற மதுரகாளிஅம்மன் கோவில் உள்ளது. இக்கோவிலில் ஆண்டுதோறும் நவராத்திரி விழா சிறப்பாக கொண்டாடப்பட்டு வருகிறது. இந்நிலையில் 37-வது ஆண்டு லட்சார்ச்சனை மற்றும் நவராத்திரி விழா நேற்று தொடங்கியது. தொடர்ந்து உற்சவ அம்மனுக்கு மதுரகாளிஅம்மன் அலங்காரம் செய்யப்பட்டது. பின்னர் அம்மனுக்கு சிறப்பு தீபாராதனை காண்பிக்கப்பட்டது. தொடர்ந்து அம்மனுக்கு லட்சார்ச்சனை நடைபெற்றது. பின்னர் பக்தர்களுக்கு பிரசாதம் வழங்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.


இன்று (வியாழக்கிழமை) மதுரை மீனாட்சி அம்மன் அலங்காரமும், நாளை (வெள்ளிக்கிழமை) காமாட்சி அம்மன் அலங்காரமும் நடக்கிறது. 13-ந்தேதி ராஜராஜேஸ்வரி அம்மன் அலங்காரமும், 14-ந்தேதி துர்க்கை அம்மன் அலங்காரமும், 15-ந்தேதி கருமாரியம்மன் அலங்காரமும், 16-ந்தேதி மாரியம்மன் அலங்காரமும், 17-ந்தேதி லெட்சுமி அலங்காரமும் நடக்கிறது. 18-ந்தேதி ஆயுதபூஜை விழாவும், சரஸ்வதி அலங்காரம் சென்னை மதுரகாளிஅம்மன் மகாபிஷேக குழு சார்பில் நடக்கிறது. 19-ந்தேதி மகிசாசுரமர்த்தினி அலங்காரமும், இரவு 8 மணிக்கு புஷ்பாஞ்சலி நிகழ்ச்சியும், அதனைத்தொடர்ந்து அம்மன் புறப்பாடு மற்றும் அம்பு போடுதல் நிகழ்ச்சியுடன் லட்சார்ச்சனை விழா நிறைவு அடைகிறது.

நவராத்திரியின் அனைத்துநாட்களிலும், விஜயதசமி அன்றுவரையும் தினமும் மாலை 4 மணிக்கு லட்சார்ச்சனை தொடங்கி இரவு 7 மணிவரை நடைபெறுகிறது. 7.30 மணிக்கு உற்சவர் மண்டகப்படி நிகழ்ச்சி நடக்கிறது. லட்சார்ச்சனையை செட்டிக் குளம் தண்டாயுதபாணி கோவில் சிவாச்சாரியார் பாலசுப்ரமணியன், புதுச்சேரி வேத பாடசாலை சிவாச்சாரியார் தலைமையில் சிவாச்சாரியார்கள் நடத்தி வைக்கின்றனர். விழாவிற்கான ஏற்பாடுகளை கோவில் தக்காரும், இந்து சமய அறநிலையத்துறை திருச்சி உதவி ஆணையருமான ராணி மற்றும் கோவில் நிர்வாக அலுவலர் பாரதிராஜா மற்றும் பணியாளர்கள், மதுரகாளி அம்மன் பக்தர்கள் செய்து வருகின்றனர்.

தொடர்புடைய செய்திகள்

1. புங்கறை பத்ரகாளியம்மன் கோவிலில் பட்டாபிஷேக விழா
புங்கறை பத்ரகாளியம்மன் கோவிலில் பட்டாபிஷேக விழா நடந்தது.
2. ‘கஜா’ புயல் நிவாரண பணிகளில் ஈடுபட்ட அரசு ஊழியர்களுக்கு பாராட்டு விழா
‘கஜா’ புயல் நிவாரணபணிகளில் ஈடுபட்ட பெரம்பலூர் மாவட்ட அரசு ஊழியர்களுக்கு பாராட்டு விழா நடந்தது.
3. வேலைவாய்ப்பிற்கு காத்திருக்காமல் மாணவர்கள் தொழில்முனைவோராக வேண்டும்
வேலை வாய்ப்பிற்கு காத்திருக்காமல் மாணவர்கள் தொழில்முனைவோராக வேண்டும் என்று அழகப்பா பல்கலைக்கழக துணைவேந்தர் ராஜேந்திரன் பேசினார்.
4. பெரம்பலூரில் ஆருத்ரா தரிசன விழா நாளை தொடக்கம்
பெரம்பலூரில் ஆருத்ரா தரிசன விழா நாளை (சனிக்கிழமை) தொடங்குகிறது.
5. புயல் நிவாரணம் வழங்கக்கோரி அமைச்சர் விஜயபாஸ்கர் காரை மறித்து போராட்டத்தில் ஈடுபட முயற்சி
புயல் நிவாரணம் வழங்கக்கோரி அமைச்சர் விஜயபாஸ்கரின் காரை மறித்து போராட்டத்தில் ஈடுபட முயன்ற பொதுமக்களை போலீசார் சமரசப்படுத்தினர்.