மாவட்ட செய்திகள்

மோட்டார் சைக்கிள் மோதி மூதாட்டி சாவு ஓட்டி வந்த கொத்தனாரும் பலியான பரிதாபம் + "||" + The carnage that killed the motorcycle and the murders of the murderer is also the victim of the misery

மோட்டார் சைக்கிள் மோதி மூதாட்டி சாவு ஓட்டி வந்த கொத்தனாரும் பலியான பரிதாபம்

மோட்டார் சைக்கிள் மோதி மூதாட்டி சாவு ஓட்டி வந்த கொத்தனாரும் பலியான பரிதாபம்
கும்பகோணம் அருகே மோட்டார் சைக்கிள் மோதி மூதாட்டி இறந்தார். இந்த விபத்தில் மோட்டார் சைக்கிளை ஓட்டி வந்த கொத்தனாரும் பரிதாபமாக பலியானார்.
திருவிடைமருதூர்,

தஞ்சை மாவட்டம் கும்பகோணம் அருகே உள்ள வானாபுரம் கீழத்தெருவை சேர்ந்தவர் கல்யாணி(வயது 80). இவர் நேற்று முன்தினம் இரவு கோவிந்தபுரத்தில் உள்ள கும்பகோணம்-மயிலாடுதுறை சாலையில் நடந்து சென்று கொண்டிருந்தார். அப்போது அந்த வழியாக நாகை மாவட்டம் திருவாவடுதுறை திரவுபதி அம்மன் கோவில் தெருவை சேர்ந்த மணி மகன் சங்கர்(26), மோட்டார் சைக்கிளில் வந்தார். இந்த நிலையில் எதிர்பாராதவிதமாக சங்கர் ஒட்டி வந்த மோட்டார் சைக்கிள், கல்யாணி மீது மோதியது.


இதில் கல்யாணி படுகாயம் அடைந்தார். அதேபோல மோட்டார் சைக்கிளை ஓட்டி வந்த சங்கரும் கீழே விழுந்து படுகாயம் அடைந்தார். இருவரையும் அக்கம், பக்கத்தில் இருந்தவர்கள் மீட்டு கும்பகோணம் அரசு மருத்துவமனையில் அனுமதித்தனர். அங்கு சிகிச்சை பலனின்றி கல்யாணி பரிதாபமாக இறந்தார்.

உயிருக்கு ஆபத்தான நிலையில் இருந்த சங்கரை, தஞ்சை மருத்துவக்கல்லூரி மருத்துவமனைக்கு மேல்சிகிச்சைக்காக கொண்டு சென்றனர். ஆனால் மருத்துவமனைக்கு செல்லும் வழியிலேயே அவரும் பரிதாபமாக உயிரிழந்தார். இவர் கொத்தனாராக வேலை பார்த்து வந்தார்.

இந்த விபத்து குறித்து திருவிடைமருதூர் போலீசார் வழக்குப் பதிவு செய்து விசாரணை நடத்தி வருகிறார்கள்.

தொடர்புடைய செய்திகள்

1. கீரமங்கலத்தில் நாய் கடித்து மான் சாவு
கீரமங்கலத்தில் தண்ணீர் தேடி சென்ற போது நாய் கடித்து மான் செத்தது.
2. மூதாட்டி கொலை வழக்கில் திடீர் திருப்பம்: 2½ பவுனுக்காக அடித்துக்கொன்று பெட்ரோல் ஊற்றி உடலை எரித்த கொடூரம் 4 பேர் கைது
மன்னார்குடியில், மூதாட்டி ஒருவர் எரித்துக் கொல்லப்பட்ட சம்பவத்தில் திடீர் திருப்பம் ஏற்பட்டுள்ளது. 2½ பவுன் நகைக்காக அவரை அடித்துக்கொன்று உடலை பெட்ரோல் ஊற்றி எரித்த கொடூரம் நடந்துள்ளது. இது தொடர்பாக மூதாட்டியின் பேத்தி உள்பட 4 பேர் கைது செய்யப்பட்டுள்ளனர்.
3. திருச்சி ரெயில்வே தண்டவாளம் அருகே தொழிலாளி மயங்கி விழுந்து சாவு
திருச்சியில் ரெயில்வே தண்டவாளம் அருகே தொழிலாளி மயங்கி விழுந்து இறந்தார். குட்ஷெட் பாலத்தில் இருந்து அவர் குதித்து விட்டதாக தகவல் பரவியதால் பரபரப்பு ஏற்பட்டது.
4. காட்டுப்பன்றியை வேட்டையாடி மோட்டார்சைக்கிளில் கொண்டு சென்றவர் பாலத்தில் மோதி சாவு
காட்டுப்பன்றியை வேட்டையாடி அதை மோட்டார்சைக்கிளில் கொண்டு சென்ற வாலிபரை வனஊழியர் துரத்தினார். அப்போது வேகமாக சென்ற வாலிபர் பாலத்தில் மோதி இறந்தார்.
5. பூச்செடிகளுக்கு மருந்து அடித்தபோது உரக்கடை உரிமையாளர் மூச்சுத்திணறி சாவு
பாதுகாப்பு கவசம் இல்லாமல் பூச்செடிகளுக்கு மருந்து அடித்த உரக்கடை உரிமையாளர் மூச்சுத்திணறி இறந்தார்.