மாவட்ட செய்திகள்

பெட்டிக்கடை மீது லாரி கவிழ்ந்து விபத்து: மூதாட்டி உடல் நசுங்கி பலி + "||" + Larry on the store kills monger

பெட்டிக்கடை மீது லாரி கவிழ்ந்து விபத்து: மூதாட்டி உடல் நசுங்கி பலி

பெட்டிக்கடை மீது லாரி கவிழ்ந்து விபத்து: மூதாட்டி உடல் நசுங்கி பலி
மூலனூர் அருகே பெட்டிக்கடை மீது லாரி கவிழ்ந்து விபத்துக்குள்ளானதில், பெட்டிக்கடையில் இருந்த மூதாட்டி உடல் நசுங்கி பலியானார்.

மூலனூர்,

திருப்பூர் மாவட்டம் மூலனூர் அருகே உள்ள ராஜீவ் நகரை சேர்ந்தவர் முருகன்(வயது 75), கூலித்தொழிலாளி. இவருடைய மனைவி நாச்சம்மாள்(70). இவர் ராஜீவ்நகரில் மூலனூர்–பழனி சாலையில் பெட்டிக்கடை வைத்து நடத்தி வந்தார். இவர்களின் மகன் ராமலிங்கம்.

நேற்று காலை 6 மணிக்கு நாச்சம்மாள் வழக்கம் போல் பெட்டிக்கடைக்கு சென்றார். அங்கு அவர் பெட்டிக்கடையை திறந்து, கடையின் உள்ளே உட்கார்ந்து வியாபாரம் செய்ய தயாரானார். அப்போது, திண்டுக்கல் மாவட்டம் கள்ளிமந்தையத்தில் இருந்து மூலனூர் நோக்கி விறகு பாரம் ஏற்றிக்கொண்டு ஒரு லாரி வந்து கொண்டிருந்தது.

அந்த லாரி ராஜீவ்நகர் அருகே ஒரு வளைவில் திரும்பும் போது, எதிர்பாராத விதமாக பெட்டிக்கடை மீது கவிழ்ந்து விபத்துக்குள்ளானது. இதில் பெட்டிக்கடைக்குள் இருந்த நாச்சம்மாள் சம்பவ இடத்திலேயே உடல் நசுங்கி பரிதாபமாக உயிரிழந்தார். இதுகுறித்து தகவல் அறிந்த மூலனூர் போலீஸ் இன்ஸ்பெக்டர் வனிதாமணி மற்றும் போலீசார் சம்பவ இடத்துக்கு விரைந்து வந்து விசாரணை நடத்தினார்கள்.

இதைத்தொடர்ந்து, கிரேன் மூலம் லாரி அங்கிருந்து அப்புறப்படுத்தப்பட்டது. பின்னர் மூதாட்டியின் உடலை மீட்டு பிரேத பரிசோதனைக்காக தாராபுரம் அரசு ஆஸ்பத்திரிக்கு போலீசார் அனுப்பிவைத்தனர். இதுகுறித்த புகாரின் பேரில் மூலனூர் போலீசார் வழக்குப்பதிவு செய்து லாரி டிரைவர் யோகேஷ்வரனை கைது செய்து விசாரணை நடத்தி வருகிறார்கள்.


தொடர்புடைய செய்திகள்

1. புதுச்சேரியில் 102 டிகிரி வெயில் கொளுத்தியது; கடற்கரையில் மக்கள் கூட்டம் அலைமோதியது
புதுச்சேரியில் நேற்று 102 டிகிரி வெயில் கொளுத்தியது. மாலையில் கடற் கரையில் மக்கள் கூட்டம் அலைமோதியது.
2. பழனி அருகே தனியார் பால் சுத்திகரிப்பு ஆலையில் என்ஜினீயர் மர்ம சாவு; உறவினர்கள் சாலை மறியல்
பழனி அருகே தனியார் பால் சுத்திகரிப்பு ஆலையில் என்ஜினீயர் மர்மமான முறையில் இறந்ததாக கூறி, அவரின் உறவினர்கள் பழனி அரசு மருத்துவமனை முன்பு சாலை மறியலில் ஈடுபட்டனர்
3. பொள்ளாச்சி அருகே மீண்டும் சம்பவம்: காட்டுயானை தாக்கி தொழிலாளி சாவு
பொள்ளாச்சி அருகே நவமலையில் காட்டுயானை தாக்கி தொழிலாளி பரிதாபமாக உயிரிழந்தார்.
4. லாரி–மினி லாரி மோதல்: தந்தை–மகன் உள்பட 4 பேர் பலி
லாரி–மினி லாரி மோதியதில் தந்தை–மகன் உள்பட 4 பேர் பலியானார்கள்.
5. ஸ்ரீவில்லிபுத்தூரில் ஒரு கிலோ கஞ்சாவுடன் பெண் கைது
ஸ்ரீவில்லிபுத்தூரில் ஒரு கிலோ கஞ்சாவுடன் பெண் கைது செய்யப்பட்டார்.