மாவட்ட செய்திகள்

முசிறியில் கல்லூரி விடுதி முன் மாணவிகள் ஆர்ப்பாட்டம் + "||" + Students demonstrated in front of college campus in Musiri

முசிறியில் கல்லூரி விடுதி முன் மாணவிகள் ஆர்ப்பாட்டம்

முசிறியில் கல்லூரி விடுதி முன் மாணவிகள் ஆர்ப்பாட்டம்
முசிறியில், அடிப்படை வசதிகள் கேட்டு கல்லூரி விடுதி முன் மாணவிகள் ஆர்ப்பாட்டத்தில் ஈடுபட்டனர்.
முசிறி,

முசிறியில் அறிஞர் அண்ணா அரசு கலைக்கல்லூரி உள்ளது. இந்த கல்லூரி வளாகத்தில் அரசு ஆதிதிராவிடர் மாணவிகள் விடுதி உள்ளது. கல்லூரியை சேர்ந்த மாணவிகள் விடுதியில் தங்கி படித்து வருகின்றனர். இந்நிலையில் கடந்த 15 நாட்களுக்கும் மேலாக விடுதியில் தண்ணீர் வசதி இல்லாததால் மாணவிகள் மிகவும் சிரமம் அடைந்து வந்தனர்.


இது குறித்து மாணவிகள் புகார் அளித்தும் எவ்வித நடவடிக்கையும் எடுக்கப்படவில்லை என்று தெரிகிறது. இதையடுத்து மாணவிகள் நேற்று விடுதி முன்பாக காலிக்குடங்களுடன் அமர்ந்து ஆர்ப்பாட்டத்தில் ஈடுபட்டனர். அப்போது விடுதிக்கு தண்ணீர், கழிப்பறை உள்ளிட்ட அடிப்படை வசதிகள் செய்து தர வலியுறுத்தி மாணவிகள் கோஷமிட்டனர். இதனால் அங்கு பரபரப்பு ஏற்பட்டது.

இது குறித்து தகவல் அறிந்த கல்லூரி முதல்வர் ராஜ்குமார், முசிறி தாசில்தார் சுப்ரமணியன் ஆகியோர் ஆர்ப்பாட்டத்தில் ஈடுபட்ட மாணவிகளிடம் சமரச பேச்சுவார்த்தை நடத்தி, விடுதிக்கு தண்ணீர் வசதி உள்ளிட்ட அடிப்படை வசதிகளை விரைவில் செய்து தருவதாக உறுதி அளித்தனர். இதையடுத்து மாணவிகள் ஆர்ப்பாட்டத்தை கைவிட்டு கலைந்து சென்றனர்.

தொடர்புடைய செய்திகள்

1. வறட்சியால் பாதிக்கப்பட்ட விவசாயிகளுக்கு ஏக்கருக்கு ரூ.40 ஆயிரம் வழங்க வலியுறுத்தல்
விருதுநகர் மாவட்டத்தில் மக்காச்சோளம் உள்ளிட்ட அனைத்து பயிர்களையும் சாகுபடி செய்து பாதிக்கப்பட்ட விவசாயிகளுக்கு ஏக்கருக்கு ரூ.40 ஆயிரம் இழப்பீடு வழங்க வேண்டும் என வலியுறுத்தி தமிழக விவசாயிகள் சங்கம் கலெக்டர் அலுவலகம் முன்பு ஆர்ப்பாட்டம் நடத்தியது.
2. ஏழுதேசம் பேரூராட்சி அலுவலகம் முன் அனைத்து கட்சியினர் ஆர்ப்பாட்டம்
சமத்துவபுரத்தில் ஏழுதேசம் பேரூராட்சி சார்பில் புதிதாக கிணறு தோண்டும் பணி தொடங்கப்பட்டது. இதற்கு எதிர்ப்பு தெரிவித்து ஏழுதேசம் பேரூராட்சி அலுவலகம் முன் நேற்று அனைத்து கட்சி சார்பில் ஆர்ப்பாட்டம் நடைபெற்றது.
3. கோரிக்கைகளை வலியுறுத்தி இந்தியன் வங்கி ஊழியர்கள் ஆர்ப்பாட்டம்
இந்தியன் வங்கி ஊழியர்கள் சங்கம் சார்பில் பல்வேறு கோரிக்கைகளை வலியுறுத்தி நேற்று மாலை கொக்குபார்க் அருகில் உள்ள இந்தியன் வங்கி புதுவை மண்டல அலுவலகம் முன்பு ஆர்ப்பாட்டம் நடந்தது.
4. 9 அம்ச கோரிக்கைகளை வலியுறுத்தி ஜாக்டோ-ஜியோ அமைப்பினர் ஆர்ப்பாட்டம்
கரூர் மாவட்டத்தில் 9 அம்ச கோரிக்கைகளை வலியுறுத்தி ஜாக்டோ-ஜியோ அமைப்பினர் ஆர்ப்பாட்டத்தில் ஈடுபட்டனர்.
5. கோரிக்கைகளை வலியுறுத்தி அரசு ஊழியர்கள்-ஆசிரியர்கள் ஆர்ப்பாட்டம்
மயிலாடுதுறை மற்றும் சீர்காழியில் கோரிக்கைகளை வலியுறுத்தி அரசு ஊழியர்கள்-ஆசிரியர்கள் ஆர்ப்பாட்டத்தில் ஈடுபட்டனர்.

அதிகம் வாசிக்கப்பட்டவை