குடிநீர் தொட்டிக்கு மாலை அணிவித்து போராட்டம்

ராஜபாளையம்,

ராஜபாளையம் ஆவரம்பட்டி பகுதியில் பல மாதங்களாக சரி செய்யப்படாத சின்டெக்ஸ் தொட்டியை சீரமைக்க நடவடிக்கை எடுக்காத நகராட்சி நிர்வாகத்தை கண்டித்து சிண்டெக்ஸ் தொட்டிக்கு மாலை அணிவித்து அஞ்சலி செலுத்தப்பட்டது.

ராஜபாளையம் நகராட்சிக்குட்பட்ட சோழராஜபுரம் தெரு 1வது மற்றம் 2வது வார்டில் 2 குடிநீர் தொட்டிகள் பழுதடைந்து கடந்த ஆறு மாத காலமாக சீரமைக்கப்படாமல் இருந்தன.இதனால் வார்டு பொதுமக்கள் குடிநீர் கிடைக்காமல் அவதியுற்றனர்.தொட்டிகளை சீரமைத்து சீரான குடிநீர் வழங்க நடவடிக்கை எடுக்க வேண்டும் என நகராட்சியில் பலமுறை மனு அளித்தும் நடவடிக்கை எடுக்கப்படவில்லை,இதனால் அப்பகுதி பெண்கள் மற்றும் அனைத்து இந்திய ஜனநாக மாதர் சங்க நகர்குழு உறுப்பினர் ப்ரியா சி.பி.எம்.கட்சி நகரச்செயலாளர் மாரியப்பன், தலைமையில் குடிநீர் தொட்டிகளுக்கு ஊதுபத்தி, மெழுகுவர்த்தி ஏற்றி, மாலை அணிவித்து அஞ்சலி செலுத்தி கண்டன கோசமிட்டனர்.

 தகவல் அறிந்து வந்த வடக்கு காவல் நிலைய போலீசார் மற்றும் நகராட்சி அதிகாரிகள் ஆர்பாட்டத்தில் ஈடுபட்ட பொதுமக்களிடம் பேச்சுவார்ததை நடத்தி உடனடியாக குடிநீர் தொட்டிக்கு செல்ல கூடிய பைப் லைனை சரிசெய்து குடிநீர் கிடைக்க நடவடிக்கை எடுத்தனர்.இதனால் அப்பகுதியில் சிறிது நேரம் பரபரப்பு ஏற்பட்டது.