சுகாதார சீர்கேடு 3 தனியார் தொழிற்சாலைகளுக்கு ரூ.2¼ லட்சம் அபராதம்

திருவள்ளூர்,

திருவள்ளூர் மாவட்டம் முழுவதும் டெங்கு காய்ச்சலை முற்றிலுமாக ஒழிக்க மாவட்ட கலெக்டர் மகேஸ்வரி ரவிக்குமார் தீவிர முயற்சிகள் மேற்கொண்டு வருகிறார். அவர் டெங்கு கொசு ஒழிப்பு பணிக்காக சுகாதார பணியாளர்கள், வருவாய்த்துறையினர் மற்றும் அரசு அலுவலர்கள் தினந்தோறும் வீடு வீடாக சென்று பொதுமக்களிடம் இது தொடர்பாக ஆய்வு மேற்கொண்டு விழிப்புணர்வு துண்டு பிரசுரங்களை வழங்கி நடவடிக்கையும் எடுத்து வருகின்றனர்.


அப்போது அவர்கள் தனியார்தொழிற்சாலைகளுக்கு உள்ளே சென்று அங்குள்ள தண்ணீர் சேகரிக்கும் தொட்டிகள், குடோன்கள் மற்றும் வளாகங்களில் ஆய்வு மேற்கொண்டனர். இந்த ஆய்வின் போது அங்குள்ள 3 தனியார் தொழிற்சாலைகளில் டெங்கு கொசு உற்பத்தி ஆகும் வகையில் சுகாதாரமற்ற வகையில் இருந்தது கண்டறியப்பட்டு மொத்தம் ரூ.2¼ லட்சம் அபராதம் விதித்தனர். பின்னர் அந்த தொழிற்சாலைகளை அங்கு பணிபுரியும் பணியாளர்களை கொண்டு உடனடியாக சுத்தம் செய்ய வேண்டும் என தெரிவித்து அவை சுத்தம் செய்யப்பட்டது.

இந்த ஆய்வின் போது திருவள்ளூர் வட்டார வளர்ச்சி அலுவலர்கள் லதா, விஜயகுமாரி மற்றும் பலர் உடன் இருந்தனர்.