மாவட்ட செய்திகள்

பட்டாசு கடை-குடோனில் தீ விபத்து ரூ.2 லட்சம் பொருட்கள் நாசம் + "||" + A fire broke out at a fireworks shop

பட்டாசு கடை-குடோனில் தீ விபத்து ரூ.2 லட்சம் பொருட்கள் நாசம்

பட்டாசு கடை-குடோனில் தீ விபத்து ரூ.2 லட்சம் பொருட்கள் நாசம்
திருச்சியில் பட்டாசு கடை மற்றும் குடோனில் ஏற்பட்ட தீ விபத்தில் ரூ.2 லட்சம் பொருட்கள் நாசமடைந்தன.
திருச்சி,

திருச்சி உறையூர் நாச்சியார்கோவில் மேலதெருவை சேர்ந்தவர் குமாரராஜா(வயது 53). இவர் உறையூர் வாலாஜாரோட்டில் பெயிண்ட் கடை நடத்தி வருகிறார். தீபாவளி பண்டிகையையொட்டி உரிமம் பெற்று பட்டாசு கடை நடத்தி வந்தார். நேற்று முன்தினம் அதிகாலை 4 மணி அளவில் இவரது பட்டாசு கடையில் திடீரென தீ விபத்து ஏற்பட்டது. தீ மள,மளவென பரவியதால் அங்கிருந்த பட்டாசுகள் வெடித்து சிதறின.


இந்த தீ விபத்தில் கடையில் இருந்த இரும்பு மற்றும் மரச்சாமான்கள் தீக்கிரையாகின. தகவல் அறிந்த தீயணைப்புத்துறையினர் வாகனத்தில் அங்கு சென்று தண்ணீரை பீய்ச்சி அடித்து தீயை கட்டுப்படுத்தினர். தீ விபத்தில் ரூ.1 லட்சத்துக்கும் மேற்பட்ட பொருட்கள் எரிந்து நாசமாகின. இந்த சம்பவம் குறித்து உறையூர் போலீசார் வழக்கு பதிந்து விசாரணை நடத்தி வருகிறார்கள்.

திருச்சி வயலூர்ரோடு குமரன்நகரை சேர்ந்தவர் ராஜசேகர்(35). இவர் கீழவண்ணாரப்பேட்டை பகுதியில் பழைய பேப்பர் மற்றும் இரும்பு பொருட்கள் குடோன் வைத்து நடத்தி வருகிறார். நேற்று முன்தினம் பகல் இவரது குடோனில் திடீரென தீப்பிடித்தது. தீ வேகமாக பரவியதால் அங்கிருந்த பேப்பர் கட்டுகள், பழைய பொருட்கள் ஆகியவை எரிந்தது. தகவல் அறிந்த தீயணைப்புத்துறையினர் வாகனங்களில் அங்கு சென்று தீயை அணைக்க முயற்சித்தனர்.

ஆனாலும் தீயை கட்டுப்படுத்த முடியாததால் மேலும் 3 வாகனங்களில் வந்து தீயை அணைத்தனர். தீ விபத்தில் ரூ.1 லட்சம் பொருட்கள் எரிந்து நாசமாகின. இது குறித்து அரசு மருத்துவமனை போலீசார் வழக்கு பதிவு செய்து, பட்டாசு வெடித்ததில் தீப்பொறி விழுந்ததால் தீ விபத்து ஏற்பட்டதா? அல்லது மின் கசிவு காரணமா? என விசாரணை நடத்தி வருகிறார்கள்.

தீபாவளி பண்டிகையான நேற்று முன்தினம் திருச்சி மாநகர் பகுதியில் பட்டாசு கடை, குடோன் உள்பட மொத்தம் 5 இடங்களில் தீ விபத்து ஏற்பட்டதாக தீயணைப்புத்துறையினர் தெரிவித்தனர்.

தொடர்புடைய செய்திகள்

1. முட்டைகள் ஏற்றி வந்த லாரி கவிழ்ந்து விபத்து
லாரி சத்தியமங்கலம் நெடுஞ்சேரி கண்மாய் அருகே வந்த போது, டிரைவரின் கட்டுப்பாட்டை இழந்து லாரி சாலையின் நடுவே கவிழ்ந்து விபத்துக்குள்ளானது.
2. இங்கிலாந்தில் பரபரப்பு: சாலையில் தலைகுப்புற கவிழ்ந்த விமானம் - அதிர்ஷ்டவசமாக பயணிகள் உயிர் தப்பினர்
இங்கிலாந்தில் சாலையில் தலைகுப்புற கவிழ்ந்த விமான விபத்தில், அதிர்ஷ்டவசமாக பயணிகள் உயிர் தப்பினர்.
3. நாகர்கோவிலில் நள்ளிரவில் மோட்டார் சைக்கிள் தீ வைத்து எரிப்பு
நள்ளிரவில் அப்பகுதியில் மின்தடை ஏற்பட்டது. அந்த சமயத்தில் யாரோ மர்ம நபர்கள் அங்கு வந்து குமாரின் மோட்டார் சைக்கிளுக்கு தீ வைத்ததாக கூறப்படுகிறது.
4. மெக்சிகோவில் விமானம் தரையில் விழுந்து தீப்பிடித்ததில் 13 பேர் பலி
மெக்சிகோவில் சிறிய ரக ஜெட் விமானம் தரையில் விழுந்து தீப்பிடித்ததில் 13 பேர் பரிதாபமாக உயிர் இழந்தனர்.
5. மூங்கில்துறைப்பட்டு அருகே மோட்டார் சைக்கிள் மீது பஸ் மோதல்; தம்பதி படுகாயம் விபத்தை ஏற்படுத்திய டிரைவரை கைது செய்யக்கோரி பொதுமக்கள் சாலை மறியல்
மூங்கில்துறைப்பட்டு அருகே மோட்டார் சைக்கிள் மீது தனியார் பஸ் மோதிய விபத்தில் தம்பதி படுகாயமடைந்தனர். விபத்தை ஏற்படுத்திய பஸ் டிரைவரை கைது செய்யக்கோரி பொதுமக்கள் சாலை மறியல் போராட்டத்தில் ஈடுபட்டதால் பரபரப்பு ஏற்பட்டது.