மாவட்ட செய்திகள்

அரியாங்குப்பத்தில் அரிவாளை காட்டி வழிப்பறி; 2 வாலிபர்கள் கைது + "||" + Showing the sickle Robbery; 2 young men arrested

அரியாங்குப்பத்தில் அரிவாளை காட்டி வழிப்பறி; 2 வாலிபர்கள் கைது

அரியாங்குப்பத்தில் அரிவாளை காட்டி வழிப்பறி; 2 வாலிபர்கள் கைது
அரியாங்குப்பத்தில் அரிவாளை காட்டி பொதுமக்களிடம் வழிப்பறி செய்ய முயன்ற 2 வாலிபர்களை போலீசார் கைது செய்தனர்.

அரியாங்குப்பம்,

புதுச்சேரி – கடலூர் சாலையில் அரியாங்குப்பம் புதுப்பாலம் அருகே நேற்று முன்தினம் இரவு 2 வாலிபர்கள் வீச்சரிவாள்களுடன் நின்றுகொண்டிருந்தனர். அவர்கள், அந்த வழியாக மோட்டார் சைக்கிளில் சென்றவர்களை வழிமறித்து, மிரட்டி கொள்ளையடிக்கும் முயற்சியில் ஈடுபட்டனர்.

இதுபற்றி அரியாங்குப்பம் போலீசாருக்கு தகவல் கிடைத்தது. உடனே போலீஸ் இன்ஸ்பெக்டர் இளங்கோ மற்றும் ரோந்து போலீசார் வேல்முருகன், மார்ஸ் அருள்ராஜ் ஆகியோர் அங்கு விரைந்து சென்றனர். சாலையோரம் அரிவாள்களுடன் நின்ற 2 வாலிபர்களையும் அவர்கள் மடக்கி பிடித்தனர்.

பின்னர் அவர்கள் 2 பேரையும் போலீஸ் நிலையம் அழைத்துவந்து விசாரித்தனர். விசாரணையில் அவர்கள் அரியாங்குப்பம் வி.சி.பி. நகரை சேர்ந்த பாலாஜி (வயது 23), பழைய பூரணாங்குப்பம் வீதியை சேர்ந்த சாலமன் (19) என்பது தெரியவந்தது. இதையடுத்து அவர்கள் 2 பேரையும் போலீசார் கைது செய்தனர். அவர்களிடம் இருந்து 2 வீச்சரிவாள்கள் மற்றும் 2 செல்போன்கள் பறிமுதல் செய்யப்பட்டன. இவர்கள் மீது ஏற்கனவே வழிப்பறி, கொலை முயற்சி உள்ளிட்ட வழக்குகள் உள்ளன.



தொடர்புடைய செய்திகள்

1. புதுச்சேரியில் மீண்டும் பரபரப்பு: போலி ஏ.டி.எம். கார்டு மூலம் பல லட்சம் மோசடி, 2 பேர் கைது
புதுச்சேரியில் மீண்டும் போலி ஏ.டி.எம். கார்டு மூலமாக பல லட்சம் ரூபாய் மோசடி செய்த டெல்லியை சேர்ந்த 2 பேரை போலீசார் கைது செய்து சிறையில் அடைத்தனர்.
2. திருவாரூர் மருத்துவக்கல்லூரியில் பெண் ஊழியர்களை தாக்க முயன்றவர்களை கைது செய்யக்கோரி தர்ணா
திருவாரூர் மருத்துவக்கல்லூரியில் பெண் ஊழியர்களை தாக்க முயன்றவர்்களை கைது செய்ய வலியுறுத்தி ஒப்பந்த ஊழியர்கள் தர்ணா போராட்டத்தில் ஈடுபட்டனர்.
3. ஆற்காடு அருகே தொழிலாளியை கொலை செய்த மனைவி, கள்ளக்காதலன் கைது
ஆற்காடு அருகே தொழிலாளியை கொலை செய்த மனைவி, கள்ளக்காதலனை போலீசார் கைது செய்தனர்.
4. சபரிமலை விவகாரத்தில் சுரேந்திரன் கைது; எதிர்ப்பு தின போராட்டத்தில் ஈடுபடும் பா.ஜ.க.
கேரள மாநில பா.ஜ.க. பொது செயலாளர் சுரேந்திரனின் கைதுக்கு எதிர்ப்பு தெரிவித்து அக்கட்சி இன்று எதிர்ப்பு தினம் கடைப்பிடிக்கிறது.
5. கத்தியைக் காட்டி மிரட்டி லாரி அதிபரிடம் பணம், செல்போன் பறிப்பு; 2 வாலிபர்கள் கைது
கொம்பாக்கத்தில் லாரி அதிபரிடம் கத்தியைக் காட்டி மிரட்டி பணம், செல்போன் பறித்த 2 வாலிபர்களை போலீசார் கைது செய்தனர். மற்றொருவரை வலைவீசி தேடி வருகிறார்கள்.