மாவட்ட செய்திகள்

உசிலம்பட்டி அருகே தடுப்பணையை உடைக்க எதிர்ப்பு பொதுமக்கள் முற்றுகை + "||" + Resistance to break the barrier Public Siege

உசிலம்பட்டி அருகே தடுப்பணையை உடைக்க எதிர்ப்பு பொதுமக்கள் முற்றுகை

உசிலம்பட்டி அருகே தடுப்பணையை உடைக்க எதிர்ப்பு பொதுமக்கள் முற்றுகை
உசிலம்பட்டி அருகே தடுப்பணையை உடைக்க பொதுமக்கள் எதிர்ப்பு தெரிவித்து முற்றுகையிட்டனர்.

உசிலம்பட்டி,

உசிலம்பட்டி அருகே உள்ளது வெள்ளைமலைப்பட்டி. இந்த பகுதியில் ஊராட்சித்துறை சார்பில் நடுப்பட்டி ஊராட்சி தாதம்பட்டி ஓடையில் தடுப்பணை கட்டுப்பட்டுஉள்ளது. இது 2017–18–ம் ஆண்டு, 100 நாள் வேலைத்திட்டத்தில் ரூ.5 லட்சம் மதிப்பீட்டில் கட்டப்பட்டுள்ளது.

இந்த தடுப்பணை 58 கிராமக்கால்வாயில் இருந்து கீரிபட்டி கண்மாய்க்கு வைகை தண்ணீர் செல்ல எந்திரம் மூலம் உடைக்கப்பட்டது. இதற்கு வெள்ளைமலைப்பட்டி கிராமமக்கள், தடுப்பணையில் தண்ணீர் தேங்குவதால்தான் இப்பகுதியில் உள்ள கிணறு மற்றும் ஆழ்துளை கிணறுகளில் தண்ணீர் ஊறும், எனவே தடுப்பணையை உடைக்க கூடாது என்றும், உடைக்கக்கூடிய சூழல் உள்ள தடுப்பணையை ஏன் கட்டினீர்கள், என எதிர்ப்பு தெரிவித்து சாலைமறியலில் ஈடுபட முயன்றனர்.

அவர்களை போலீசார் தடுத்ததால் எந்திரத்தை முற்றுகையிட்டனர். இதனால் இப்பகுதியில் பெரும் பரபரப்பு ஏற்பட்டது. தகவல் அறிந்த உசிலம்பட்டி தாசில்தார் நவநீதகிருஷ்ணன், யூனியன் ஆணையாளர்கள் பாலகிருஷ்ணன், இளங்கோவன், பொதுப்பணித்துறை செயற்பொறியாளர் விஸ்வநாதன், உதவி செயற்பொறியாளர் லீலாவதி மற்றும் உத்தப்பநாயக்கனூர் போலீசார் பொதுமக்களிடையே பேச்சுவார்த்தை நடத்தினார்கள். இதில் 2 அடி அளவில் தடுப்பணையை உடைத்து தண்ணீர் கொண்டு செல்ல உடன்பாடு ஏற்பட்டதை தொடர்ந்து பொதுமக்கள் கலைந்து சென்றனர்.


தொடர்புடைய செய்திகள்

1. கீழ்வேளூரில் குடிநீர் பிரச்சினையை தீர்க்க குளங்களை தூர்வார வேண்டும் பொதுமக்கள் கோரிக்கை
கீழ்வேளூரில் குடிநீர் பிரச்சினையை தீர்க்க குளங்களை தூர்வார வேண்டும் என பொதுமக்கள் கோரிக்கை விடுத்துள்ளனர்.
2. ஆரணி பகுதியில் அரசு சான்றிதழ்கள் பெறமுடியாமல் பொதுமக்கள் அவதி இன்டர்நெட் சேவை திறனை அதிகரிக்க கோரிக்கை
ஆரணி பகுதியில் இன்டர்நெட் சேவை பாதிப்பால் அரசு சான்றிதழ்கள் பெறமுடியாமல் பொதுமக்கள் அவதிப்பட்டு வருகிறார்கள். எனவே இன்டர்நெட் சேவை திறனை அதிகரிக்க வேண்டும் என்று கோரிக்கை எழுந்துள்ளது.
3. திருச்சியில் பலத்த காற்றுடன் மழை: மின்தடையால் இரவில் தூங்க முடியாமல் பொதுமக்கள் அவதி
திருச்சியில் பலத்த காற்றுடன் மழை பெய்ததால் மின்தடை ஏற்பட்டு பொதுமக்கள் இரவில் தூங்க முடியாமல் அவதிப்பட்டனர்.
4. தஞ்சை-விக்கிரவாண்டி இடையே 4 வழி சாலை அமைக்கும் பணிகள் தீவிரம் அடுத்த ஆண்டுக்குள் பயன்பாட்டுக்கு வருமா? பொதுமக்கள் எதிர்பார்ப்பு
தஞ்சை-விக்கிரவாண்டி இடையே 4 வழி சாலை அமைக்கும் பணிகள் தீவிரமாக நடந்து வருகிறது. இந்த பணிகள் முடிவடைந்து அடுத்த ஆண்டுக்குள் பயன்பாட்டுக்கு வருமா? என பொதுமக்கள் மிகுந்த எதிர்பார்ப்புடன் உள்ளனர்.
5. மானாமதுரை அரசு பெண்கள் மேல்நிலைப்பள்ளியில் கூடுதல் வகுப்பறை கட்டும் பணிகளை விரைவாக முடிக்க வேண்டும், பொதுமக்கள் வலியுறுத்தல்
மானாமதுரை அரசு பெண்கள் மேல்நிலைப்பள்ளியில் நடைபெற்று வரும் கூடுதல் வகுப்பறை கட்டிட பணிகளை விரைந்து முடிக்க வேண்டும் என்று பொதுமக்கள் தரப்பில் கோரிக்கை விடுக்கப்பட்டுள்ளது.