மாவட்ட செய்திகள்

மின்வாரிய ஒப்பந்த ஊழியர்கள் அரசு பஸ்சை மறித்து போராட்டம்; 51 பேர் கைது + "||" + Electricity contract workers strike

மின்வாரிய ஒப்பந்த ஊழியர்கள் அரசு பஸ்சை மறித்து போராட்டம்; 51 பேர் கைது

மின்வாரிய ஒப்பந்த ஊழியர்கள் அரசு பஸ்சை மறித்து போராட்டம்; 51 பேர் கைது
பணி நிரந்தரம் செய்யக்கோரி மின்வாரிய ஒப்பந்த ஊழியர்கள் அரசு பஸ்சை மறித்து போராட்டம் நடத்தினர். இதில் 51 பேரை போலீசார் கைது செய்தனர்.

ஊட்டி,

தமிழ்நாடு மின்வாரிய ஒப்பந்த ஊழியர்கள் சார்பில், 3 அம்ச கோரிக்கைகளை வலியுறுத்தி மாநிலம் தழுவிய சாலை மறியல் போராட்டம் நடத்தப்படும் என்று அறிவிக்கப்பட்டு இருந்தது. அதன்படி, தமிழ்நாடு மின்வாரிய ஒப்பந்த ஊழியர்கள் நீலகிரி கிளை சார்பில், மின்வாரிய ஒப்பந்த ஊழியர்களுக்கு அறிவித்த தினக்கூலி ரூ.380 வழங்க வேண்டும், தீபாவளிக்கான கருணை தொகையை அனைத்து ஒப்பந்த ஊழியர்களுக்கும் வழங்க வேண்டும் என்பதை அரசு நிறைவேற்றக்கோரி ஊட்டி ராஜீவ்காந்தி ரவுண்டானா பகுதியில் பவர் ஹவுஸ் முன்பு நேற்று ஆர்ப்பாட்டம் நடைபெற்றது.

அதனை தொடர்ந்து மின்வாரியத்தில் தொடர்ந்து பணிபுரிந்து வரும் ஒப்பந்த ஊழியர்களை அடையாளம் கண்டு பணி நிரந்தரம் செய்யக்கோரி சாலை மறியல் போராட்டம் நடந்தது. நீலகிரி கிளை தலைவர் பொன்னு தலைமை தாங்கினார். செயலாளர் சண்முகம், ஊட்டி கோட்ட செயலாளர் ஜெகநாதன் ஆகியோர் முன்னிலை வகித்தனர். 3 அம்ச கோரிக்கைகளை நிறைவேற்ற வலியுறுத்தி ஒப்பந்த ஊழியர்கள் கோ‌ஷங்களை எழுப்பியவாறு திடீரென அரசு பஸ்சை மறித்து சாலையில் அமர்ந்து போராட்டத்தில் ஈடுபட்டனர்.

உடனே அங்கு பாதுகாப்பு பணியில் ஈடுபட்டு கொண்டிருந்த போலீசார் சாலை மறியலில் ஈடுபட்ட குன்னூர் செயலாளர் ரமேஷ் உள்பட 51 பேரை கைது செய்து வேனில் ஏற்றினர். போராட்டம் குறித்து நீலகிரி கிளை தலைவர் பொன்னு கூறியதாவது:– நீலகிரி மாவட்டத்தில் ஊட்டி, குன்னூர், மஞ்சூர், கோத்தகிரி, கூடலூர், பந்தலூர் போன்ற பகுதிகளில் ஒப்பந்த ஊழியர்கள் 133 பேர் பணிபுரிந்து வருகின்றனர். வாரியத்தில் காலி பணியிடங்கள் உள்ளன. இதனால் ஊழியர்களுக்கு வேலைப்பளு அதிகமாக உள்ளது.

மலை மாவட்டமான நீலகிரியில் மழைக்காலங்களில் குளிரையும் பொருட்படுத்தாமல் மரம் விழுந்ததில் சேதமான மின்கம்பம் மற்றும் மின் ஒயர்களை சீரமைத்து வருகிறோம். 10 முதல் 15 ஆண்டுகளுக்கு மேல் பணிபுரியும் ஒப்பந்த ஊழியர்களை பணி நிரந்தரம் செய்ய வேண்டும். நீலகிரி மாவட்டத்தில் காலியாக உள்ள 700 பணியிடங்களை நிரப்ப வேண்டும். இவ்வாறு அவர் கூறினார்.


தொடர்புடைய செய்திகள்

1. சோழங்கநல்லூரில் இருந்து ஓ.என்.ஜி.சி. வெளியேறக்கோரி உண்ணாவிரத போராட்டத்தில் ஈடுபட முயன்ற 6 பேர் கைது
கோட்டூர் அருகே சோழங்கநல்லூரில் இருந்து ஓ.என்.ஜி.சி. வெளியேறக்கோரி உண்ணாவிரத போராட்டத்தில் ஈடுபட முயன்ற 6 பேரை போலீசார் கைது செய்ததால் பரபரப்பு ஏற்பட்டது.
2. மாடிப்படியில் இருந்து கீழே தள்ளி மாமியார் கொலை மருமகன் கைது
முக்கொம்பு அருகே மாடிப்படியில் இருந்து கீழே தள்ளி மாமியாரை கொலை செய்த மருமகன் கைது செய்யப்பட்டார்.
3. நாகர்கோவிலில் துணிகரம் தோழிக்கு பாலில் மயக்க மருந்து கலந்து கொடுத்து நகை பறிப்பு இளம்பெண் கைது
நாகர்கோவிலில் தோழிக்கு பாலில் மயக்க மருந்து கலந்து கொடுத்து நகையை பறித்து சென்ற இளம்பெண்ணை போலீசார் கைது செய்தனர்.
4. தக்கலை அருகே தகராறை விலக்கி விட்ட பா.ஜ.க. நிர்வாகிக்கு கத்திக்குத்து ரவுடி கைது
தக்கலை அருகே தகராறை விலக்கி விட்ட பா.ஜ.க. நிர்வாகிக்கு கத்திக்குத்து விழுந்தது. இதுதொடர்பாக ரவுடியை போலீசார் கைது செய்தனர்.
5. திருப்பூரில் பணம் வைத்து சூதாடிய 38 பேர் கைது; ரூ.1¾ லட்சம், 28 இருசக்கர வாகனங்கள் பறிமுதல்
திருப்பூரில் பணம் வைத்து சூதாட்டத்தில் ஈடுபட்ட 38 பேரை போலீசார் கைது செய்தனர். அவர்களிடம் இருந்து ரூ.1¾ லட்சம் மற்றும் 28 இருசக்கர வாகனங்கள் பறிமுதல் செய்யப்பட்டது.