பாத்திரக்கடை, பேக்கரியில் திருட்டு; 3 பேர் கைது

மதுரை,

மதுரை விளக்குத்தூண் பகுதியை சேர்ந்தவர் ரத்தின்லால் (வயது 38). இவர் கீழவாசல் லட்சுமிபுரத்தில் பாத்திரக்கடை வைத்துள்ளார். இவரது கடைக்கு வந்த 2 பேர், கடையில் இருந்த பணத்தை திருடி உள்ளனர். இதனை கண்ட கடை ஊழியர்கள், அந்த நபர்களை பிடித்து விளக்குத்தூண் போலீசில் ஒப்படைத்தனர். விசாரணையில் அவர்கள், நெல்பேட்டையை சேர்ந்த மைதீன்பிச்சை(40), கவுல் மைதீன் என்பது தெரியவந்தது. இதனை தொடர்ந்து போலீசார் அவர்கள் 2 பேரையும் கைது செய்தனர்.

இதேபோல் எஸ்.எஸ்.காலனி பொன்மேனி பகுதியை சேர்ந்தவர் சேவுகமூர்த்தி. இவர் பேக்கரி நடத்தி வருகிறார். இவரது பேக்கரிக்கு வந்த மூவேந்திரன் என்பவர் பணம் திருடினார். இதுகுறித்த புகாரின் பேரில் போலீசார் வழக்குப்பதிவு செய்து மூவேந்திரனை கைது செய்தனர்.