நீதி விசாரணை நடத்தப்படும் - நாராயணசாமி உறுதி

இந்தநிலையில் அவர்களை தெற்கு மாநில தி.மு.க. அமைப்பாளர் சிவா எம்.எல்.ஏ., விடுதலை சிறுத்தைகளின் பொதுச்செயலாளரான முன்னாள் எம்.எல்.ஏ. ரவிக்குமார், முதன்மை செயலாளர் தேவ.பொழிலன் மற்றும் நிர்வாகிகள் சட்டசபைக்கு அழைத்து வந்தனர். அங்கு முதல்-அமைச்சர் நாராயணசாமியிடம் அவர்கள் பேச்சுவார்த்தை நடத்தினார்கள்.

அப்போது போலீசார் தாக்கியதால்தான் ஜெயமூர்த்தி இறந்துவிட்டதாகவும், சப்-இன்ஸ்பெக்டர் ஜெயகுருநாதன் மீது நடவடிக்கை எடுக்கவேண்டும் என்றும் வலியுறுத்தினார்கள். ஜெயமூர்த்தியின் மனைவிக்கு அரசு வேலை வழங்கவேண்டும், அவரது குடும்பத்துக்கு நிவாரணம் வழங்கவேண்டும், மரணம் தொடர்பாக நீதி விசாரணை நடத்த வேண்டும் என்றும் வலியுறுத்தினார்கள்.

அவர்களிடம் முதல்-அமைச்சர் நாராயணசாமி, சப்-இன்ஸ்பெக்டர் ஜெயகுருநாதன் பணியிடை நீக்கம் செய்யப்பட்டுள்ளதாகவும், மரணம் தொடர்பாக நீதி விசாரணை நடத்தப்படும் என்றும் உறுதியளித்தார். விசாரணையின் அடிப்படையில் தொடர் நடவடிக்கைகள் எடுக்கப்படும் என்றும் தெரிவித்தார். அதன்பின்னர் அவர்கள் கலைந்து சென்றனர்.