பெங்களூருவில் ரூ.25 ஆயிரம் கோடியில் உயர்த்தப்பட்ட சாலை அமைப்பது குறித்து உயர் அதிகாரிகளுடன் முதல்-மந்திரி குமாரசாமி ஆலோசனை

பெங்களூரு,

பெங்களூருவில் போக்கு வரத்து நெரிசலை குறைக்கும் வகையில் உயர்த்தப்பட்ட சாலை அமைக்கப்படும் என்று பட்ஜெட்டில் குமாரசாமி அறிவித்தார். அந்த திட்டம் குறித்து உயர் அதிகாரி களுடன் முதல்-மந்திரி குமாரசாமி நேற்று ஆலோசனை நடத்தினார். இதில் பொதுப் பணித்துறை மந்திரி எச்.டி. ரேவண்ணா உள்பட அதி காரிகள் பலர் கலந்து கொண்டனர். ஆலோசனைக்கு பிறகு குமாரசாமி நிருபர்களுக்கு அளித்த பேட்டியில் கூறிய தாவது:-


மொத்தம் ரூ.25 ஆயிரத்து 495 கோடி செலவில் 102 கிலோ மீட்டர் நீளத்திற்கு இந்த உயர்த்தப்பட்ட சாலை அமைக்கப்படுகிறது. நடப்பு ஆண்டில் இந்த திட்டத்திற்கு ரூ.1,000 கோடி நிதி ஒதுக்கப்பட்டுள்ளது. இந்த உயர்த்தப்பட்ட சாலைகள், மெட்ரோ ரெயில் நிலையங்களுடன் இணைக்கப்படும்.

அரசு-தனியார் பங்களிப்பில் இந்த திட்டம் அமல்படுத்தப்படும். இந்த திட்டத்திற்காக 3,700 மரங்கள் வெட்ட வேண்டிய நிலை உள்ளது. முடிந்தவரை மரங்களை வேரோடு எடுத்து, வேறு இடத்தில் நட முயற்சி செய்யப்படும். இவ்வாறு குமாரசாமி கூறினார்.