மாவட்ட செய்திகள்

பாபர் மசூதி இடிப்பு தினம் நாளை அனுசரிப்பு: குமரியில் பாதுகாப்பு பணியில் 1200 போலீசார் + "||" + Babri Masjid demolition day tomorrow: 1200 policemen in security in Kumari

பாபர் மசூதி இடிப்பு தினம் நாளை அனுசரிப்பு: குமரியில் பாதுகாப்பு பணியில் 1200 போலீசார்

பாபர் மசூதி இடிப்பு தினம் நாளை அனுசரிப்பு: குமரியில் பாதுகாப்பு பணியில் 1200 போலீசார்
பாபர் மசூதி இடிப்பு தினம் நாளை அனுசரிக்கப்படுவதையொட்டி குமரி மாவட்டத்தில் 1,200 போலீசார் பாதுகாப்பு பணியில் ஈடுபட்டு உள்ளனர்.
நாகர்கோவில்,

பாபர் மசூதி இடிப்பு தினம் நாளை (வியாழக்கிழமை) அனுசரிக்கப்படுகிறது. இதையொட்டி அசம்பாவித சம்பவங்கள் நடைபெறாமல் தடுக்க தமிழகம் முழுவதும் பலத்த பாதுகாப்பு ஏற்பாடுகள் செய்யப்பட்டு உள்ளன. இது போல் குமரி மாவட்டத்திலும் போலீஸ் சூப்பிரண்டு ஸ்ரீநாத் உத்தரவின்பேரில் பலத்த போலீஸ் பாதுகாப்பு போடப்பட்டு இருக்கிறது. அதாவது மாவட்டம் முழுவதிலும் 1,200 போலீசார் பாதுகாப்பு பணியில் ஈடுபட்டு உள்ளனர்.


குறிப்பாக பஸ் நிலையங்கள், பஸ் நிறுத்தங்கள் மற்றும் மக்கள் நடமாட்டம் நிறைந்த பகுதிகளில் அதிகப்படியான போலீசார் நியமிக்கப்பட்டு இருக்கிறார்கள். மாவட்டம் முழுவதிலும் உள்ள சோதனை சாவடிகளிலும் போலீஸ் பாதுகாப்பு பலப்படுத்தப்பட்டு இருக்கிறது. அதிலும் முக்கியமாக ரெயில் நிலையத்தில் தீவிர கண்காணிப்பு பணியில் போலீசார் ஈடுபட்டு இருக்கிறார்கள். இதற்காக ரெயில் நிலையங்களில் மெட்டல் டிடெக்டர் அமைக்கப்பட்டு உள்ளது. ரெயில் நிலையத்துக்கு வரும் பயணிகள் அனைவரும் இந்த மெட்டல் டிடெக்டர் வழியாக தான் செல்ல வேண்டும்.

மேலும் சந்தேகப்படும் படியாக யாரேனும் வந்தால் அவர்களில் உடமைகளை சோதனை செய்யவும் போலீசாருக்கு அறிவுறுத்தப்பட்டு இருக்கிறது. ரெயில் தண்டவாளங்கள் மற்றும் ரெயில்வே பாலங்களையும் வெடிகுண்டு நிபுணர்கள் ஆய்வு செய்து வருகிறார்கள்.

அதோடு மட்டும் அல்லாது கடல் வழி பாதுகாப்பும் பலப்படுத்தப்பட்டு உள்ளது. இதற்காக ஆரோக்கியபுரம் முதல் நீரோடி வரை கடலோர பாதுகாப்பு குழும போலீசார் கடலுக்கு படகில் சென்று கண்காணித்து வருகிறார்கள். சர்வேதச சுற்றுலா தளமான கன்னியாகுமரியில் கூடுதல் போலீஸ் பாதுகாப்பு போடப்பட்டு இருக்கிறது. அங்குள்ள ஓட்டல்கள், தங்கும் விடுதிகளில் போலீசார் ஆய்வு நடத்தி வருகின்றார்கள்.

தொடர்புடைய செய்திகள்

1. சினிமா பாணியில் திருமணம் செய்த காதல் ஜோடி பாதுகாப்பு கேட்டு போலீஸ் சூப்பிரண்டு அலுவலகத்தில் மனு
திருப்பத்தூரில் அலைபாயுதே சினிமா பாணியில் திருமணம் செய்த காதல் ஜோடி, பாதுகாப்பு கேட்டு போலீஸ் சூப்பிரண்டு அலுவலகத்தில் நேற்று மனு கொடுத்தனர்.
2. தாராபுரத்தில் வக்கீல் வீட்டின் பூட்டை உடைத்து ரூ.1¾ லட்சம் திருட்டு பாதுகாப்பு பெட்டகத்தை திறக்க முடியாததால் 53 பவுன் நகை தப்பியது
தாராபுரத்தில் வக்கீல் வீட்டின் பூட்டை உடைத்து ரூ.1¾ லட்சத்தை மர்ம ஆசாமிகள் திருடி சென்றனர். பாதுகாப்பு பெட்டகத்தை திறக்க முடியாததால் 53 பவுன்நகை தப்பியது.
3. பூதப்பாண்டி அருகே கனமழையால் சாலையில் மண் அரிப்பு பள்ளத்தில் பஸ்கள் சிக்கியதால் மாணவ- மாணவிகள் அவதி
பூதப்பாண்டி அருகே தடிக்காரன்கோணம் பகுதியில் பலத்த மழையால் சாலையில் அரிப்பு ஏற்பட்டது. இதனால் ஏற்பட்ட பள்ளத்தில் பஸ்கள் சிக்கியதால் பொதுமக்கள், மாணவ-மாணவிகள் பெரும் அவதிக்குள்ளானார்கள்.
4. மன்னார்குடியில் அயோடின் இல்லாத 10 ஆயிரத்து 40 கிலோ உப்பு மூட்டைகள் பறிமுதல் உணவு பாதுகாப்பு அதிகாரிகள் பறிமுதல்
மன்னா£ர்குடியில் அயோடின் இல்லாத 10 ஆயிரத்து 40 கிலோ உப்பு மூட்டைகளை உணவு பாதுகாப்பு அதிகாரிகள் பறிமுதல் செய்தனர்.
5. முத்துப்பேட்டையில் பரிதாபம்: மின்சாரம் தாக்கி கணவன்-மனைவி பலி
முத்துப்பேட்டையில் மின்சாரம் தாக்கி கணவன்-மனைவி பரிதாபமாக உயிரிழந்தனர்.