மாவட்ட செய்திகள்

புயலால் பாதித்த மக்களை பார்க்காத மோடி பிரதமர் பதவியில் இருக்க தகுதியற்றவர் வைகோ தாக்கு + "||" + Modi does not see people who have been struck by the storm Vaiko attack

புயலால் பாதித்த மக்களை பார்க்காத மோடி பிரதமர் பதவியில் இருக்க தகுதியற்றவர் வைகோ தாக்கு

புயலால் பாதித்த மக்களை பார்க்காத மோடி பிரதமர் பதவியில் இருக்க தகுதியற்றவர் வைகோ தாக்கு
கஜா புயலால் பாதித்த மக்களை பார்க்காத மோடி பிரதமர் பதவியில் இருக்க தகுதியற்றவர் என வைகோ கூறினார்.

சாத்தூர்,

சாத்தூரில் உள்ள தனியார் திருமண மண்டபத்தில் ம.தி.மு.க. மாவட்ட செயலாளர் சண்முகசுந்தரம் தலைமையில் வாக்குசாவடி முகவர்களின் ஆலோசனை கூட்டம் நடைப்பெற்றது. கூட்டத்தில் ம.தி.மு.க. பொதுச்செயலாளர் வைகோ கலந்து கொண்டார். பின்னர் அவர் கூட்டத்தில் பேசும்போது கூறியதாவது:

தமிழ்நாட்டிலேயே முதல்முறையாக 280 வாக்குசாவடி முகவர்களை நியமனம் செய்தது சாத்தூரில் தான். இது ஒரு முன்னுதாரணமான கூட்டம். இனிவரும் தேர்தல்களில் அனைத்து தொகுதிகளிலும் வாக்குசாவடி முகவர்களின் ஆலோசனை கூட்டம் நடத்த வேண்டும். இடைத்தேர்தலில் தி.மு.க. கூட்டணி தான் வெற்றி பெறும். 20 தொகுதிகளில் யாரை நிறுத்தவேண்டும் என்று தி.மு.க. தான் முடிவு செய்யும்.

நாடாளுமன்ற தேர்தலிலும் இந்த கூட்டணி தொடரும். பிரதமர் மோடி எனக்கு நண்பர். ஆனால் அது வேறு. தமிழகத்தில் கஜா புயலால் பாதித்த மக்களை பார்க்காத மோடி பிரதமர் பதவியில் இருக்க தகுதியற்றவர். தி.மு.க. தலைவர் கருணாநிதிக்கு நான் 29ஆண்டுகளுக்கு மேலாகவே பக்கபலமாக இருந்துள்ளேன். கருணாநிதி மரண படுக்கையில் இருந்தபோது சொன்னதை தான் இப்போதும் சொல்கிறேன். மு.க.ஸ்டாலினுக்கும் பக்கபலமாக இருப்பேன்.

இவ்வாறு அவர் பேசினார்.

பின்னர் வாக்குச்சாவடி முகவர்களுக்கு அதற்கான அடையாள அட்டையை வைகோ வழங்கினார்.

கூட்டத்தில் மாநில இலக்கியஅணி பொருளாளர் கண்ணன், மாநில மருத்துவ அணி செயலாளர் ரகுராம், பொதுக்குழு உறுப்பினர் தங்கவேல், தலைமை கழக பேச்சாளர் கருப்பசாமி பாண்டியன், சாத்தூர் நகர தலைவர் தமிழ்செல்வன், நகர பொறுப்பாளர் செல்வம், சாத்தூர் ஒன்றிய செயலாளர்கள் பாலகிருஷ்ணன், குணசேகரன் உள்பட பலர் கலந்து கொண்டனர்.


தொடர்புடைய செய்திகள்

1. பரோட்டாவுக்கு வெங்காயம் கொடுக்காததால் ஓட்டலில் தகராறு செய்த டிரைவர் மீது தாக்குதல் டிரைவர்–கண்டக்டர்கள் மறியலில் ஈடுபட்டதால் பரபரப்பு
பரோட்டாவுக்கு வெங்காயம் கொடுக்க மறுத்ததால் ஓட்டலில் தகராறு செய்த டிரைவர் தாக்கப்பட்டார். அதை கண்டித்து மினிபஸ் டிரைவர்கள், கண்டக்டர்கள் மறியலில் ஈடுபட்டதால் பரபரப்பு ஏற்பட்டது.
2. மாலியில் ராணுவ முகாம் மீது பயங்கரவாதிகள் தாக்குதல் 16 வீரர்கள் பலி
மாலியில் ராணுவ முகாம் மீது பயங்கரவாதிகள் நடத்திய தாக்குதலில் 16 வீரர்கள் பலியானார்கள்.
3. குழித்துறை ஆயர் மீது தாக்குதல்: முளகுமூட்டில் கண்டன பொதுக்கூட்டம் இன்று நடக்கிறது
குழித்துறை ஆயர் தாக்கப்பட்ட சம்பவத்தை கண்டித்து இன்று முளகுமூட்டில் கண்டன பொதுக்கூட்டம் நடக்கிறது.
4. முன்விரோதத்தில் தகராறு: தாய்- மகள் மீது தாக்குதல் தந்தை- மகன் கைது
மயிலாடுதுறை அருகே முன்விரோதத்தில் ஏற்பட்ட தகராறில் தாயும், மகளும் தாக்கப்பட்டனர். இது தொடர் பாக தந்தை- மகனை போலீசார் கைது செய்தனர்.
5. 40 தொகுதிகளிலும் வெற்றி பெறுவோம் சில வாரங்களில் ராகுல்காந்தி பிரதமர் ஆவார் மு.க.ஸ்டாலின் பேச்சு
40 தொகுதிகளிலும் வெற்றி பெறுவோம். இன்னும் சில வாரங்களில் ராகுல்காந்தி பிரதமர் ஆவார் என்று மு.க.ஸ்டாலின் பேசினார்.