மாவட்ட செய்திகள்

அயோத்தியில் ராமர் கோவில் கட்டியே தீருவோம் இல.கணேசன் பேச்சு + "||" + In Ayodhya Lets build the temple of Ramar Talk ila Ganesan

அயோத்தியில் ராமர் கோவில் கட்டியே தீருவோம் இல.கணேசன் பேச்சு

அயோத்தியில் ராமர் கோவில் கட்டியே தீருவோம் இல.கணேசன் பேச்சு
அயோத்தியில் ராமர்கோவில் கட்டியே தீருவோம் என்று ராமநாதபுரத்தில் பா.ஜ.க. தேசிய செயற்குழு உறுப்பினர் இல.கணேசன் கூறினார்.
ராமநாதபுரம்,

அயோத்தியில் ராமர் கோவில் கட்டக்கோரி ராமநாதபுரம் மாவட்ட இந்து முன்னணி சார்பில் அரண்மனை பகுதியில் ஆர்ப்பாட்டம் நடைபெற்றது. மாவட்ட செயலாளர் ராமமூர்த்தி தலைமை வகித்தார். மாநில பேச்சாளர் ரெத்தினசபாபதி முன்னிலை வகித்தார். ஆர்ப்பாட்டத்தில் பா.ஜ.க. தேசிய செயற்குழு உறுப்பினர் இல.கணேசன் மற்றும் இந்து முன்னணி மாநில செயலாளர் ஆடலரசன் ஆகியோர் சிறப்புரையாற்றினர்.


இந்த ஆர்ப்பாட்டத்தில் பா.ஜ.க. மாவட்ட தலைவர் முரளிதரன், மாவட்ட செயலாளர் ஆத்மாகார்த்திக், இந்து முன்னணி மாவட்ட செயலாளர் ராஜசேகர் உள்பட ஏராளமானோர் கலந்துகொண்டனர். முன்னதாக தேசிய செயற்குழு உறுப்பினர் இல.கணேசன் நிருபர்களுக்கு அளித்த பேட்டியின்போது கூறியதாவது:- ராமர்கோவில் கட்டும் பிரச்சினை என்பது பல ஆண்டுகளாக நடைபெற்றுவருவது. கோர்ட்டு தீர்ப்பின் மூலமோ, சுமுக தீர்வின்மூலமோ நிச்சயம் அயோத்தியில் ராமர்கோவில் கட்டுவோம். மத்திய அரசோ, உத்தரபிரதேச அரசோ அவசர சட்டம்கொண்டு வந்தால் ராமர் கோவில் கட்ட முடியும்.

ஆனால், எதிர்கட்சியான காங்கிரஸ் தேர்தல் ஆதாயத்திற்காக ராமர்கோவில் பிரச்சினையை கையில் எடுத்துள்ளதாக குற்றம்சாட்டுகிறது. கோர்ட்டில் விரைவில் தீர்ப்பு வரும் என்று எதிர்பார்க்கிறோம். அயோத்தியில் ராமர்கோவில் கட்டுவதற்கான பூர்வாங்க பணி ஏற்கனவே நடைபெற்று வருகிறது. இதற்காக திருப்பணி குழு அமைக்கப்பட்டு செயல்பட்டு வருகிறது. சிற்பங்கள் தயாரிக்கப்பட்டு வருகின்றன. அனுமதி கிடைத்தால் உடனடியாக பணிகள் தொடங்கி 6 மாதத்தில் கோவில் கட்டி முடிக்கப்படும். ராமர் கோவில் கட்டியே தீருவோம். கர்நாடகாவில் அணை கட்ட மத்திய அரசு எந்தவித அனுமதியும் வழங்கவில்லை. இவ்வாறு அவர் கூறினார்.


தொடர்புடைய செய்திகள்

1. அயோத்தியில் ராமர் கோவில் கட்டப்படும் என்றவர்கள்தான் ஆட்சியில் உள்ளனர் : பா.ஜனதா மீது ஆர்.எஸ்.எஸ். தலைவர் அட்டாக்!
அயோத்தியில் ராமர் கோவில் கட்டப்படும் என்றவர்கள் தான் ஆட்சியில் உள்ளனர் என பா.ஜனதாவை ஆர்.எஸ்.எஸ். தலைவர் விமர்சனம் செய்துள்ளார்.
2. அயோத்தியில் ராமர் கோவிலை கட்டாவிட்டால் மக்களின் நம்பிக்கையை பா.ஜ.க. இழக்கும் - பாபா ராம்தேவ் பேட்டி
அயோத்தியில் ராமர் கோவிலை கட்டாவிட்டால் மக்களின் நம்பிக்கையை பா.ஜ.க. இழக்கும் என பாபா ராம்தேவ் தெரிவித்தார்.
3. அயோத்தியில் ராமர் கோவில் கட்ட மோடிக்கு திறமை இல்லை சிவசேனா குற்றச்சாட்டு
அயோத்தியில் ராமர் கோவில் கட்ட பிரதமர் மோடிக்கு திறமை இல்லை என்று சிவசேனா குற்றம் சாட்டியது.
4. அயோத்தியில் ராமர் கோவில் கட்ட அவசர சட்டம் கொண்டுவர வேண்டும் விசுவ இந்து பரிஷத் மாநாட்டில் மத்திய அரசுக்கு வலியுறுத்தல்
அயோத்தியில் விசுவ இந்து பரிஷத் கூட்டிய மாநாட்டில் 2 லட்சம் பேர் திரண்டனர். இதனால் ஏராளமான போலீசார் குவிக்கப்பட்டதால், அங்கு பதற்றம் ஏற்பட்டது. ராமர் கோவில் கட்ட மத்திய அரசு அவசர சட்டம் கொண்டுவர வேண்டும் என்று அந்த மாநாட்டில் வலியுறுத்தப்பட்டது.
5. சாரை சாரையாக வரும் கரசேவகர்கள்; பாதுகாப்பு வளையத்திற்குள் அயோத்தி, உளவுப்பிரிவும் களம் இறக்கப்பட்டது
ராமர் கோவில் கட்ட வலியுறுத்தி அயோத்தியில் இரண்டு லட்சம் கரசேவகர்கள் திரண்டதால் பதற்றம் நிலவுகிறது.